II Nau Rêh Jêng 32:31 - Nau Brah Ndu Ngơi 2023

³¹ Ƀiălah tơlah phung mbơh hađăch Babilôn prơh hăn tât gay ôp ma nau mbên khlay hŏ geh jêh tâm n'gor păng, pôri Brah Ndu du, ƀât lât gay ŭch rlong uănh păng, jêh ri ŭch gĭt lĕ rngôch ntil nau tâm nuih n'hâm păng.

II Nau Rêh Jêng 32:31 ပူးပေါင်းရင်းမြစ်များ

Nau Ntơm 22:1

Jêh lĕ nau nây, Brah Ndu rlong uănh Y-Abraham. Brah Ndu kuăl păng: “Hơi Y-Abraham!” Păng ơh: “Gâp ta aơ.”

II Nau Rêh Jêng 32:24

Tâm lĕ nar nây Y-Hêsêkia ji dăch khĭt. Păng mbơh sơm ma Brah Yêhôva, jêh ri Brah Yêhôva plơ̆ lah jêh ri ăn ma păng du nau tâm mbên.

II Nau Rêh Jêng 32:25

Ƀiălah Y-Hêsêkia mâu kah gĭt lah ueh nau Brah Yêhôva ƀư jêh ma păng, yorlah nuih n'hâm păng sưr yor nây Kôranh Brah ji nuih tât ma păng nđâp ma phung Yuđa jêh ri Yêrusalem.

II Nau Rêh Jêng 32:32

Lĕ nau kan êng Y-Hêsêkia ƀư jêh ri lĕ kan ueh păng hŏ ƀư jêh, bu hŏ nchih da dê tâm ndrom samƀŭt phung Hađăch Yuđa jêh ri Israel tă bơh nau tâm saơ kôranh nơm mbơh lor Y-Êsai, kon bu klâu Y-Amôt.

Nau Mprơ Ơm 27:9

Ơ Brah Ndu jêng Nơm tâm rklaih gâp, Lơi ta pôn măt Kôranh Brah ma gâp, Lơi ta mprơh oh mon Kôranh Brah tâm rnôk Kôranh Brah ji nuih. Êlor Kôranh Brah jêng nau sâm kơl gâp. Lơi ta chalơi gâp, lơi ta mƀăr gâp.

Nau Hôr 17:3

Glah gay krĕt prăk, năk gay krĕt mah, Ƀiălah Brah Yêhôva rlong uănh nuih n'hâm kon bunuyh.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Yôhan 15:5

Gâp jêng tơm krăk ƀâu, khân may jêng n'gĭng. Mbu nơm gŭ tâm Gâp, jêh ri Gâp gŭ tâm păng, păng nây geh play âk ngăn, yorlah mâu geh Gâp khân may mâu dơi ƀư du ntil ndơ ôh.

Nau Vay Nkah Tay 13:3

Pôri lơi ta iăt ôh nau nơm mbơh lor nây mâu lah nơm vay mbơi nây ngơi, yorlah Yêhôva Brah Ndu rlong uănh khân may, gay uănh khân may rŏng ma Yêhôva Brah Ndu khân may ma lĕ nuih n'hâm jêh ri ma lĕ huêng khân may mâu lah mâu.

Nau Vay Nkah Tay 8:16

Tâm bri rdah Păng ăn ma khân may sa mana, ndơ sa phung chô yau khân may ê hŏ tă gĭt ôh, gay ma khân may dơn nau rêh ni ji ngot jêh ri nau rlong uănh, gay nglĕ dŭt ăn ma nau ueh uĭn ma khân may.

Nau Vay Nkah Tay 8:2

Ăn khân may kah gĭt tay tâm du njăr trong tâm bri rdah Yêhôva Brah Ndu hŏ njŭn leo khân may hăn puăn jât năm aơ, Păng n'hŭch khân may jêh ri rlong uănh khân may gay gĭt rah vah tâm nuih n'hâm khân may, gĭt lah geh djôt prăp nau vay Păng ntăm mâu lah mâu.

Yakơ 1:13

Dôl geh nau ndơm, lơi ăn păng lah: “Brah Ndu yơh ndơm gâp”; yorlah nau mhĭk mâu dơi ndơm Brah Ndu ôh, jêh ri Brah Ndu mâu mâp ndơm bunuyh ôh.

I Pêtrôs 1:7

gay ma nau chroh khân may lah jêh dơn nau rlong uănh mra khlay rlau lơn ma mah — nđâp tơlah mah bu rlong uănh păng tâm ŭnh kđôi lĕ, ăt blau roh rai — djôt leo tay nau tâm rnê, nau chrêk rmah jêh ri nau yơk nôk Brah Yêsu Krist tât tâm mpơl.

Phung Kôranh Phat Dôih 16:20

Rnôk nây păng kuăl: “Hơi Y-Samsôn, phung Philistin văch nhŭp may!” Păng kah rngăl jêh ri lah tâm nuih n'hâm: “Gâp mra nchuăt du nâm bu kănđai, jêh ri rklaih bơh ti păng nơm!” Ƀiălah păng mâu gĭt ôh ma Brah Yêhôva luh du jêh bơh păng nơm.