II Nau Rêh Jêng 32:27 - Nau Brah Ndu Ngơi 2023

²⁷ Y-Hêsêkia jêng dŭt ndrŏng jêh ri nau bu yơk toyh ngăn. Păng ndâk ma păng nơm lĕ jay prăp prăk, mah, lŭ khlay, dak si ƀâu kah, khêl, jêh ri lĕ ndơ dŏng geh rnoh khlay.

II Nau Rêh Jêng 32:27 ပူးပေါင်းရင်းမြစ်များ

II Phung Hađăch 20:13

Jêh iăt nau phung mbơh nkoch jêh, Y-Hêsêkia ăn ma khân păng uănh lĕ rngôch jay prăp drăp ndơ khlay păng tâm ban ma prăk, mah, dak si ƀâu kah, dak ngi khlay, jay prăp ndơ tâm lơh, jêh ri lĕ rngôch ndơ tâm lĕ jay prăp drăp ndơ păng. Mâu hôm geh du ntil ndơ ôh tâm ngih hađăch jêh ri tâm lĕ ƀon bri hađăch păng, dĭng Y-Hêsêkia mâu ăn khân păng uănh.

I Nau Rêh Jêng 29:28

Hađăch khĭt, ranh jŏ rêh jêh ri geh nau mpay tâm nau rêh păng, ma nau ndrŏng jêh ri geh nau bu yơk. Y-Salômôn, kon bu klâu păng, gŭ ta sưng hađăch chiă uănh ntrok păng.

II Nau Rêh Jêng 1:12

pôri Gâp hŏ ăn jêh nau gĭt mĭn jêh ri nau gĭt rbăng ma may. Gâp mra ăn ma may nau ndrŏng kuăng, drăp ndơ, jêh ri nau chrêk rmah kŏ tât mâu dơi geh ôh lĕ phung hađăch lor panăp may jêh ri pakơi may dơi ban.”

II Nau Rêh Jêng 17:5

Yor ri, Brah Ndu ƀư ăn ƀon bri hađăch nâp ktang tâm ti păng, lĕ rngôch phung Yuđa nhhơr ndơ ma Y-Jôsaphat, pôri păng dơi geh âk drăp ndơ jêh ri lư n'găr hâu ngăn.

II Nau Rêh Jêng 32:26

Ƀiălah, Y-Hêsêkia jêh ri phung ƀon lan gŭ ta Yêrusalem ntrŭnh săk ma nau dêh rhêt, mâu hôm sưr, pôri nau Brah Yêhôva ji nuih mâu tât ôh rô̆ Y-Hêsêkia.

II Nau Rêh Jêng 32:28

Păng ƀư jay tuh ba, jay ăn ndrănh jêh ri dak ngi ôlive jêh ri ndrung krŭng ăp ntil mpô mpa, phung biăp, jêh ri ndrôk.

II Nau Rêh Jêng 9:27

Tâm ƀon Yêrusalem, hađăch ƀư prăk jêng mâu khlay ôh nâm bu lŭ chreh, jêh ri tơm si sêdar âk ngăn nâm bu tơm si sikamôr tâm n'gor Sêphêla.

Nau Hôr 10:22

Nau ueh uĭn bơh Brah Yêhôva ƀư ăn ndrŏng; Păng mâu hôm ntop ôh nau hŏt rgănh jâk jêr.

Êsêkiêl 26:12

Phung rlăng may mra pit in drăp ndơ may, sŏk pit ndô ndơ may geh, ƀư klưh rlâm lơi mpêr may. Khân păng mra ƀư rai ngih may jêh ri mƀăr lŭ, tơm si, jêh ri neh may trŭnh tâm dak mƀŭt.

I Samuel 2:7

Brah Yêhôva ƀư ăn o ach, jêh ri ƀư ăn ndrŏng kuăng; Păng ntrŭnh bu, jêh ri Păng n'hao tay bu tâm ban lĕ. Djôt leo bunuyh o ach luh bơh ndruyh neh, Jêh ri pư bunuyh ndĭt trơi hao tă bơh mbŭch ŭnh buh, Dơm ăn khân păng gŭ ndrel ma phung kôranh, Jêh ri ăn ma khân păng dơn ntŭk chrêk rmah;