II Nau Rêh Jêng 32:23 - Nau Brah Ndu Ngơi 2023

²³ Geh âk bunuyh djôt leo ndơ nhhơr ma Brah Yêhôva ta Yêrusalem, jêh ri âk ndơ khlay ăn ma Y-Hêsêkia, hađăch Yuđa. Ntơm bơh nôk nây tât ô klak, âk bri dak yơk ma păng.

II Nau Rêh Jêng 32:23 ပူးပေါင်းရင်းမြစ်များ

I Phung Hađăch 10:10

Jêh nây hađăch bu ur n'gor Sêba nhhơr ma hađăch pe rbăn prao rhiăng kilô mah, jêh ri dŭt âk dak si ƀâu kah n'hanh ma lŭ khlay. Mâu hôm mâp geh ôh bu djôt leo dak si ƀâu kah âk tâm ban hađăch bu ur n'gor Sêba ăn jêh ma hađăch Salômôn.

I Phung Hađăch 10:25

Mbu hăn mâp hađăch, djôt leo da dê ndơ nhhơr nâm bu: lĕ ndơ dŏng ƀư ma prăk jêh ri ma mah, ao mbâl, ao loih, dak si ƀâu kah, seh jêh ri seh bri.

I Phung Hađăch 4:21

Y-Salômôn chiă uănh lĕ rngôch ƀon bri hađăch, ntơm bơh dak krong Ơphrat tât neh phung Philistin, ma tât n'har Êjipt. Lĕ ƀon bri hađăch nây djôt ndơ nhhơr jêh ri pah kan ma hađăch Salômôn lôch du njăr rêh hađăch.

II Phung Hađăch 19:30

Phung klaih hôm rêh bơh ngih Yuđa mra thoi đŏng hon reh tâm dâng jêh ri geh play ta klơ.

I Nau Rêh Jêng 29:25

Brah Yêhôva ƀư ma Y-Salômôn geh nau yơk tanăp măt lĕ rngôch phung Israel, jêh ri ăn nau hit rnam ma hađăch, kŏ tât tâm phung Israel mâu mâp geh ôh ma du hađăch lor panăp păng dơi tâm ban pônây.

II Nau Rêh Jêng 1:1

Y-Salômôn, kon bu klâu Y-Đavit, djôt nâp nau chiă uănh tâm ƀon bri hađăch păng, yorlah Yêhôva Brah Ndu păng gŭ ndrel ma păng jêh ri ăn păng dơi jêng toyh ngăn ngên.

II Nau Rêh Jêng 17:11

Phung Philistin djôt leo ndơ jêh ri prăk nhhơr ma Y-Jôsaphat; phung Arabi leo đŏng ma păng lĕ mpôl mpô mpa rong geh pơh rbăn pơh rhiăng mlâm biăp nkuăng jêh ri pơh rbăn pơh rhiăng mlâm be nkuăng.

II Nau Rêh Jêng 17:5

Yor ri, Brah Ndu ƀư ăn ƀon bri hađăch nâp ktang tâm ti păng, lĕ rngôch phung Yuđa nhhơr ndơ ma Y-Jôsaphat, pôri păng dơi geh âk drăp ndơ jêh ri lư n'găr hâu ngăn.

II Nau Rêh Jêng 9:24

Tâm ăp năm, khân păng djôt leo lĕ ndơ ăn ma hađăch nâm bu lĕ ndơ dŏng ƀư ma prăk, ma mah, kho ao, ndơ tâm lơh, dak si ƀâu kah jêh ri seh bri.

Êsra 7:27

Y-Êsra lah: “Tâm rnê ma Yêhôva Brah Ndu chô yau hên, jêng Nơm hŏ dơm nau aơ tâm nuih n'hâm hađăch gay nkrơ̆ ngih brah Brah Yêhôva ta Yêrusalem,

Nau Mprơ Ơm 68:29

Tă bơh ngih Brah May ta ƀon Yêrusalem, Phung hađăch mra njŭn leo mpa nhhơr ma May.

Nau Mprơ Ơm 72:10

Phung hađăch n'gor Tarsis jêh ri phung kô dak rlai Mra chê̆ pi ma hađăch. Hađăch bơh Saba jêh ri Sêba Mra djôt ndơ văch ăn ma hađăch.

Nau Mprơ Ơm 76:11

Ton hom ma Brah Yêhôva Brah Ndu, Jêh ri ƀư nau khân may ton jêh ma Păng. Lĕ rngôch bunuyh gŭ văr jŭm Păng Djôt hom ndơ nhhơr ma Nơm khư bu klach.

Mathay 2:11

Lăp tâm ngih, khân păng saơ kon se jê̆ ndrel mê̆ Păng H'Mari, khân păng chon mon yơk mbah Păng. Jêh nây khân păng pơk hip ndơ khlay, nhhơr ma Păng lĕ ndơ nhhơr jêng mah, ntăk si ƀâu kah jêh ri dak si tăng.