II Nau Rêh Jêng 32:21 - Nau Brah Ndu Ngơi 2023

²¹ Brah Yêhôva njuăl du huê tông mpăr nkhĭt lơi lĕ rngôch phung tahan janh ktang, phung kôranh tahan jêh ri phung kôranh tâm pôih tahan hađăch Asiri. Păng plơ̆ sĭt ma n'gor păng nơm ma muh măt prêng. Lah păng lăp tâm ngih brah păng, geh tâm phung kon bu klâu păng nơm sreh păng ta nây ma đao.

II Nau Rêh Jêng 32:21 ပူးပေါင်းရင်းမြစ်များ

II Samuel 24:16

Tơlah tông mpăr yơr ti gay ƀư rai ma Yêrusalem, Brah Yêhôva tâm rgâl nau mĭn ma nau ƀư mhĭk nây, jêh ri lah ma tông mpăr nơm gŭ ƀư rai phung ƀon lan: “Găp jêh! Aƀaơ ri rhuăt hom ti may.” Rnôk nây taơ, tông mpăr Brah Yêhôva gŭ êp ntŭk mprah ba Y-Arauna, bunuyh Jêbusit.

II Phung Hađăch 19:20

Y-Êsai, kon bu klâu Y-Amôt, njuăl bunuyh hăn tât ngơi ma hađăch Hêsêkia pô aơ: “Yêhôva Brah Ndu Israel lah: Gâp tăng jêh nau may mbơh sơm yor nau Y-Sênakêrip, hađăch Asiri.

II Nau Rêh Jêng 32:20

Hađăch Hêsêkia jêh ri nơm mbơh lor Y-Êsai, kon bu klâu Y-Amôt mbơh sơm yor nau nây jêh ri vơl nđor ma klơ trôk.

II Nau Rêh Jêng 32:22

Pôri, Brah Yêhôva tâm rklaih Y-Hêsêkia jêh ri phung gŭ tâm ƀon Yêrusalem tă bơh ti Y-Sênakêrip, hađăch Asiri, jêh ri rklaih bơh lĕ ti phung rlăng; Păng ăn nau đăp mpăn văr jŭm khân păng.

Ndrom Samƀŭt bơh Yôp 9:4

Brah Ndu blau mĭn jêh ri geh nau brah toyh: Mbu moh tâm rdâng đah Păng ƀiălah hôm dơi geh nau đăp mpăn?

Nau Mprơ Ơm 132:18

Gâp mra sâm nsoh nau bêk ma phung rlăng păng; Ƀiălah đon hađăch ta klơ bôk may mra chrêk rmah.”

Nau Mprơ Ơm 18:50

Kôranh Brah ăn ma hađăch Păng lĕ nau dơi toyh, Jêh ri Păng ăn nau ueh lăng ma nơm Păng tŏ jêh dak ƀâu kah, Nây jêng Y-Đavit jêh ri ma noi deh păng kŏ tât lĕ rngôch rnôk n'ho ro.

Nau Mprơ Ơm 44:15

Ăp nar nau bêk prêng gŭ tanăp gâp, Nau bêk prêng nkŭm muh măt gâp.

Nau Mprơ Ơm 76:12

Păng nkhĭt lơi nau sưr phung kôranh chiă uănh; Phung hađăch ta neh ntu klach ma Păng.

Nau Mprơ Ơm 76:5

Phung tahan janh ktang bu hŏ ntŭng pit jêh ndơ, Khân păng nơm gŭ tâm nau hăk bê̆ch; Mâu geh du huê nơm janh ktang Dơi mpư tur ti khân păng nơm.

Nau Mprơ Ơm 76:6

Ơ Brah Ndu Yakôb, Tơlah May nduyh lah, seh nđâp ma phung ncho seh prah khĭt da dê.

Nau Mprơ Ơm 76:7

Du huê May yơh khư ma bu klach; Nau May hao ji nuih, Mbu nơm dơi gŭ tanăp May?

Nau Hôr 11:2

Tơlah nau sưr tât, nau prêng ăt tât lĕ; Ƀiălah nau blau mĭn hôm gŭ ndrel ma phung dêh rhêt.

Nau Hôr 16:18

Nau sưr hăn lor, nau rai lôch groi pakơi, Jêh ri nau n'hao êng nơm hăn lor tâm nau tŭp.

Êsai 10:8

Yorlah păng lah: “Mâu di hĕ phung kôranh tahan gâp jêng hađăch da dê?

Êsai 14:25

Gâp mra ƀư rai phung tahan Asiri tâm bri Gâp; Gâp mra jot plên păng ta klơ yôk Gâp. Mâng mbăk păng mra dơi sŏk lơi bơh phung ƀon lan Gâp, Mbăk jâk păng mra dơi sŏk lơi bơh săng nglik khân păng.”

Êsai 36:9

Nđâp tơlah may rnơm nsing ma n'gor Êjipt gay geh ndeh seh jêh ri phung tahan ncho seh, mâm may dơi mprơh du huê kôranh tahan jê̆ lơn tâm phung oh mon kôranh gâp?

Êsai 37:21

Y-Êsai, kon bu klâu Y-Amôt, njuăl bunuyh hăn tât ngơi ma hađăch Hêsêkia pô aơ: “Yêhôva Brah Ndu Israel lah: Yorlah may hŏ mbơh sơm jêh ma Gâp yor Y-Sênakêrip hađăch Asiri,

Êsai 42:8

Gâp jêng Brah Yêhôva, pônây yơh jêng amoh Gâp. Gâp mâu mra ăn ôh nau chrêk rmah Gâp ma nơm êng, Mâu lĕ ăn nau tâm mprơ rnê Gâp ma lĕ rup brah trah!

Yêrêmi 21:2

“Ôp hom ma Brah Yêhôva kơl ma hên yorlah Nêbukatnetsar, hađăch Babilôn, văch tât gay tâm lơh đah hên; gĭt lah Brah Yêhôva yor ma hên mra ƀư lĕ rngôch kan khlay Păng jêh ri ƀư ăn ma hađăch nây du bơh hên.”

Daniel 3:28

Hađăch Nêbukatnetsar lah: “Tâm rnê ma Brah Ndu Y-Sadrak, Y-Mêsăk, jêh ri Y-Abetnêgô, Nơm njuăl jêh tông mpăr Păng văch jêh ri tâm rklaih phung oh mon Păng. Khân păng gĭt rnơm nsing ma Păng, janh tâm rgâl nau hađăch ntăm, jêh ri sân săk jăn gay mâu pah kan jêh ri yơk mbah ma brah êng ôh padih Brah Ndu khân păng nơm.

Daniel 6:22

Brah Ndu gâp njuăl jêh tông mpăr Păng tât jêh ri rdêp lơi mbung yau mŭr yor ri khân păng mâu ƀư mhĭk ma gâp ôh, yorlah tanăp măt Păng dơi kơp gâp jêng mâu geh nau tih ôh. Ơ hađăch, tanăp măt may tâm ban lĕ gâp mâu mâp ƀư tih ôh.”

Kôranh Oh Mon 12:23

Ƀât lât, geh du huê tông mpăr Kôranh Brah dong hađăch Hêrôt yorlah hađăch mâu ăn nau chrêk rmah ma Brah Ndu. Hađăch khĭt yor ma rhai sa.