II Nau Rêh Jêng 32:17 - Nau Brah Ndu Ngơi 2023

¹⁷ Y-Sênakêrip nchih âk samƀŭt mưch ma Yêhôva Brah Ndu Israel jêh ri ngơi mhĭk đah Păng pô aơ: “Ăp brah tâm lĕ rngôch bri mâu hŏ dơi tâm rklaih ôh phung ƀon lan khân păng bơh ti gâp, tâm ban lĕ brah Y-Hêsêkia mâu dơi ôh tâm rklaih phung ƀon lan păng bơh ti gâp.”

II Nau Rêh Jêng 32:17 ပူးပေါင်းရင်းမြစ်များ

II Phung Hađăch 19:11

Aơ, nanê̆ may hŏ tăng jêh moh nau phung hađăch Asiri ƀư jêh ma lĕ rngôch bri dak, bu ƀư rai jêh lĕ khân păng. Bi may, may mra dơi klaih lĕ?

II Phung Hađăch 19:12

Lĕ rngôch phung brah tâm lĕ bri dak phung chô yau gâp hŏ ƀư rai jêh, jêng phung brah n'gor Gôsan, Charan, Rêsep, jêh ri phung Êđen gŭ ta ƀon Têlasar, mâp dơi tâm rklaih khân păng lĕ?

II Phung Hađăch 19:14

Y-Hêsêkia sŏk dơn samƀŭt bơh phung mbơh jao tâm ti păng. Răk lôch jêh, hađăch hăn hao ro ma ngih Brah Yêhôva, jêh ri ling samƀŭt tanăp Brah Yêhôva.

II Phung Hađăch 19:22

Ma mbu nơm may mưch rmot jêh ri ngơi djơh tât? Ma mbu nơm may nter Jêh ri n'gơr măt ma nau sưr tâm rdâng? Janh tâm rdâng đah Nơm Kloh Ueh phung Israel!

II Phung Hađăch 19:28

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp, Pôri Gâp nklĕ ndar ta trôm muh may, Dơm kang thao tâm trôm mbung may. Gâp mra ƀư ăn ma may plơ̆ sĭt Tĭng trong may hŏ văch jêh.’

II Phung Hađăch 19:9

Nôk nây, hađăch Asiri tăng bu mbơh ma Y-Tirhaka, hađăch Kus, pô aơ: “Aơ, hađăch nĕ leo phung tahan văch ŭch tâm lơh đah hađăch.” Tăng nau nây, hađăch Asiri prơh đŏng phung mbơh hăn tâm mâp ma hađăch Hêsêkia, jêh ri ntĭnh pô aơ:

II Nau Rêh Jêng 32:14

Tâm lĕ rngôch brah tâm phung ndŭl mpôl nây, phung chô yau gâp hŏ ƀư rai lĕ jêh, geh đŏng brah dơi rklaih phung ƀon lan khân păng bơh ti gâp? Lah ndrĭ brah khân may klăp lah dơi rklaih khân may bơh ti gâp bơh?

II Nau Rêh Jêng 32:16

Phung oh mon Y-Sênakêrip ăt hôm ngơi djơh tât ma Yêhôva Brah Ndu, jêh ri ngơi djơh đah Y-Hêsêkia jêng oh mon Păng.

Nêhêmi 6:5

Tơ̆ rơh prăm, tâm ban nau saơm nây lĕ, Y-Sanbalat prơh oh mon păng djôt leo samƀŭt njuăl tâm ti păng.

Êsai 10:15

Sung tâm rnê păng nơm rlau lơn ma nơm djôt sung, Mâu lah ndruih tâm rnê păng nơm rlau lơn ma nơm djôt ndruih lĕ? Nau nây tâm ban ma mâng rpăt gai rlơ̆ nơm yơr mâng rpăt, Mâng jra chông nơm kuăn mâng jra!

Êsai 37:14

Y-Hêsêkia sŏk dơn samƀŭt bơh phung mbơh jao tâm ti păng. Răk lôch jêh, hađăch hăn hao ro ma ngih Brah Yêhôva jêh ri ling samƀŭt tanăp Brah Yêhôva.

Nau Tâm Mpơl 13:6

Păng hă mbung ngơi lĕ nau ngơi djơh tât Brah Ndu, ngơi djơh tât amoh Păng, ma ngih bok Păng jêh ri phung gŭ ta klơ trôk.

I Samuel 17:26

Y-Đavit lah ma phung gŭ êp păng: “Moh ndơ bu mra nkhôm ma nơm dơi nkhĭt bu klâu Philistin aơ, jêh ri sŏk lơi nau bêk prêng tă bơh phung Israel? Yorlah bu klâu Philistin aơ, nơm mâu koh ntâu ôh mbu moh păng jêng, dĭng nănh rlong nuih phung tahan Brah Ndu gŭ rêh mro mrăng?”

I Samuel 17:36

Oh mon may hŏ nkhĭt jêh yau mŭr jêh ri kau, pônây bu klâu Philistin mâu geh koh ntâu ri mra jêng tâm ban nây lĕ, yorlah păng nănh rlong nuih phung tahan Brah Ndu gŭ rêh mro mrăng.”