II Nau Rêh Jêng 32:15 - Nau Brah Ndu Ngơi 2023

¹⁵ Yor ri aƀaơ, lơi ăn Y-Hêsêkia mplư ndơm jêh ri mƀruh khân may kơt nĕ. Lơi ta khân may iăt nau păng, yorlah tâm lĕ rngôch ndŭl mpôl bunuyh mâu hôm geh brah mâu lah ƀon bri hađăch êng dơi rklaih phung ƀon lan păng bơh ti gâp mâu lah bơh ti chô yau gâp, mâm dĭng Brah Ndu khân may dơi tâm rklaih khân may bơh ti gâp!”

II Nau Rêh Jêng 32:15 ပူးပေါင်းရင်းမြစ်များ

I Phung Hađăch 22:22

Brah nây lah: ‘Gâp mra hăn jêh ri ƀư du huê brah ngơi mƀruh tâm trôm mbung lĕ rngôch nơm mbơh lor păng.’ Brah Yêhôva lah: ‘Di ngăn, may mra ndơm păng. Hăn hom jêh ri ƀư kơt nĕ.’

II Phung Hađăch 18:29

Hađăch lah tâm ban pônây: ‘Lơi ăn Y-Hêsêkia ndơm ôh khân may, yorlah păng mâu dơi tâm rklaih khân may bơh ti gâp ôh.

II Phung Hađăch 19:10

“Khân may ngơi hom ma Y-Hêsêkia, hađăch Yuđa, pô aơ: ‘Lơi ăn Brah Ndu may, jêng Nơm may rnơm nsing, ndơm mƀruh may ôh pô aơ Yêrusalem mâu mra tŭp tâm ti hađăch Asiri.’

II Nau Rêh Jêng 32:11

Mâu di hĕ Y-Hêsêkia ngơi pô aơ: ‘Yêhôva Brah Ndu phung he mra rklaih he tă bơh ti hađăch Asiri’, nây jêng nau păng ngơi mƀruh ma khân may gay ma khân may khĭt ji ngot-ji hir ƀơh?

II Nau Rêh Jêng 32:16

Phung oh mon Y-Sênakêrip ăt hôm ngơi djơh tât ma Yêhôva Brah Ndu, jêh ri ngơi djơh đah Y-Hêsêkia jêng oh mon Păng.

Nau Ngluh Êjipt 10:10

Pharaôn lah: “Pôri ăn Brah Yêhôva gŭ ndrel ma khân may gay gĭt lah gâp geh ăn khân may jêh ri phung kon sau khân may hăn ndrel mâu lah mâu! Rah vah ngăn khân may geh nau mĭn djơh mhĭk!

Nau Ngluh Êjipt 5:2

Ƀiălah Pharaôn lah: “Brah Yêhôva mbu jêng, dĭng gâp ma tông bâr gay ma ăn phung ƀon lan Israel hăn? Gâp mâu gĭt năl ôh Brah Yêhôva jêh ri gâp mâu đŏng ăn Phung ƀon lan Israel hăn.”

Êsai 36:18

Njrăng hom, klach lah Y-Hêsêkia ndơm khân may jêh ri lah: “Brah Yêhôva mra tâm rklaih he!” Pôri, geh lĕ du huê brah tâm lĕ bri dak mâp dơi tâm rklaih bri khân păng bơh ti hađăch Asiri mâm dơi lĕ?

Êsêkiêl 35:13

Phung khân may hŏ sŏk bâr mbung ngơi n'hao êng săk nơm jêh gay tâm rdâng đah Gâp jêh ri ngơi nau mhĭk ma Gâp. N'hêl nanê̆ Gâp, lĕ tăng jêh nau nây!’

Daniel 3:15

Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”

Daniel 8:11

Păng n'hao păng nơm jêng tâm ban ma Kôranh Chiă Uănh ma phung tahan, mƀăr lơi ndơ ƀư brah gŭch nhhơr ƀaƀơ bơh Păng jêh ri ƀư rai ntŭk kloh ueh Păng.

Kôranh Oh Mon 19:26

Tâm ban khân may saơ jêh ri tăng, mâu knŏng ta ƀon Êphêsô ôh, ƀiălah bơi ma lĕ n'gor Asi, Y-Pôl aơ nsŭk bu jêh ri ƀư âk bunuyh vĭ. Păng lah ma lĕ rup brah ti bunuyh ƀư mâu di brah ngăn ôh.

Galati 1:10

Bi aƀaơ aơ, gâp ŭch sŏk nuih n'hâm kon bunuyh mâu lah Brah Ndu? Di lĕ gâp ŭch ƀư maak nuih n'hâm ma bunuyh? Tơlah gâp ăt srôih ƀư maak nuih n'hâm ma kon bunuyh, gâp mâu di jêng oh mon ma Brah Krist ôh.