II Nau Rêh Jêng 31:8 - Nau Brah Ndu Ngơi 2023

⁸ Lah Y-Hêsêkia jêh ri phung kôranh văch tât jêh ri uănh saơ âk mbŭch bu bun ndơ nhhơr, khân păng tâm rnê ma Brah Yêhôva jêh ri ăn nau ueh uĭn ma phung ƀon lan Israel.

II Nau Rêh Jêng 31:8 ပူးပေါင်းရင်းမြစ်များ

II Samuel 6:18

Tơlah Y-Đavit hŏ nhhơr ndơ ƀư brah gŭch jêh ri ndơ ƀư brah ma nau đăp mpăn lôch jêh, hađăch sŏk amoh Brah Yêhôva ma phung tahan gay ăn nau ueh uĭn ma phung ƀon lan;

I Phung Hađăch 8:55

Păng dâk, jêh ri mât ton ma lĕ rngôch phung Israel gŭ tâm rƀŭn ma bâr huy, pô aơ:

I Nau Rêh Jêng 29:9

Phung ƀon lan hâk răm ngăn yorlah nau phung nây ăn jêh ma nuih n'hâm lŏng jêh ri lĕ nuih n'hâm nhhơr ma Brah Yêhôva. Hađăch Đavit răm maak tâm ban đŏng.

II Nau Rêh Jêng 31:7

Tâm khay pe, khân păng ntơm dăp rgum lĕ ndơ nhhơr nây tĭng mbŭch jêh ri tât khay pơh mơ lĕ.

II Nau Rêh Jêng 31:9

Y-Hêsêkia ôp ma phung kôranh ƀư brah jêh ri phung Lêvi lĕ mbŭch bun ndơ nhhơr nây.

II Nau Rêh Jêng 6:3

Jêh nây hađăch rle muh măt păng jêh ri ăn nau ueh uĭn ma lĕ rngôch phung Israel, tâm nôk lĕ rngôch phung Israel tâm rƀŭn dâk nsrâng.

Êsra 7:27

Y-Êsra lah: “Tâm rnê ma Yêhôva Brah Ndu chô yau hên, jêng Nơm hŏ dơm nau aơ tâm nuih n'hâm hađăch gay nkrơ̆ ngih brah Brah Yêhôva ta Yêrusalem,

Nau Mprơ Ơm 144:15

Ueh maak yơh ma phung ƀon lan geh nau tâm ban pônây! Ueh maak yơh phung ƀon lan geh Brah Yêhôva jêng Brah Ndu khân păng!

Nau Mprơ Ơm 33:12

Moh bri dak geh Brah Yêhôva ƀư Brah Ndu khân păng, Moh ntil mpôl bunuyh Păng dơi săch ƀư jêng drăp ndơn păng, Geh nau ueh maak n'ho ro!

II Kôrintô 8:16

Lah ueh ma Brah Ndu, Păng dơm jêh tâm nuih n'hâm Y-Tit nau duh nđơr tâm ban gâp geh ma khân may;

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Nau Vay Nkah Tay 33:29

Hơi phung Israel khân may geh nau răm maak âk hâu ngăn! Du phung ƀon lan geh Brah Yêhôva kơl rklaih an! Mbu dơi jêng nâm bu khân may? Păng jêng khêl kơl king khân may, Jêng đao djôt leo nau chrêk rmah tât ma khân may! Phung rlăng mra chon mbah tanăp khân may, Bi khân may mra jot ntŭk prêh klơ khân păng.”

Philip 4:10

Gâp răm maak ngăn tâm Kôranh Brah, yorlah nau nglĕ dŭt, khân may mĭn rvê ma gâp. Ngăn khân may ăt mĭn rvê, ƀiălah mâu geh mông găl tâm mpơl ôh.

Philip 4:19

Brah Ndu gâp mra ăn ma khân may ăp ntil ndơ khân may ŭch tĭng nâm nau Păng ndrŏng tâm nau chrêk rmah tâm Brah Yêsu Krist.

I Têsalônik 3:9

Mâm dĭng hên dơi tŏng nau gay lah ueh ma Brah Ndu yor khân may, ma lĕ rngôch nau răm maak bơh khân may hên geh tanăp Brah Ndu he?

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

Phung Kôranh Phat Dôih 5:9

Nuih n'hâm gâp rŏng ma phung kôranh chiă uănh Israel, Nđâp ma lĕ nơm tâm phung ƀon lan ŭch sân săk khân păng nơm. Tâm rnê ngăn ma Brah Yêhôva!