II Nau Rêh Jêng 31:3 - Nau Brah Ndu Ngơi 2023

³ Hađăch sŏk đŏng du kô̆ ndơ păng nơm ƀư ndơ ƀư brah gŭch ma ôi jêh ri mhaơ, jêh ri ndơ ƀư brah gŭch tâm nar Saƀat, ma nar khay mhe jêh ri lĕ nar rƀŭn hŏ tâm nal jêh tĭng nâm bu nchih jêh tâm ndrom samƀŭt nau vay Brah Yêhôva.

II Nau Rêh Jêng 31:3 ပူးပေါင်းရင်းမြစ်များ

I Nau Rêh Jêng 26:26

Y-Sêlômôt jêh ri phung oh nâu păng sâm dơn mât uănh lĕ rngôch ndơ kloh ueh, hađăch Đavit, phung kôranh ndŭl mpôl, phung kôranh chiă uănh toyh ma du rbăn nuyh jêh ri ma du rhiăng nuyh, jêh ri phung kôranh ma phung tahan hŏ prăp êng ma nau kloh ueh.

II Nau Rêh Jêng 30:24

Yor ri, Y-Hêsêkia, hađăch Yuđa, hŏ ăn jêh ma phung tâm rƀŭn geh du rbăn ndrôk nkuăng jêh ri pơh rbăn biăp; phung kôranh ăn ma phung tâm rƀŭn du rbăn ndrôk nkuăng jêh ri du rmưn biăp. Geh âk ngăn phung kôranh ƀư brah ƀư kloh khân păng nơm.

II Nau Rêh Jêng 35:7

Y-Jôsia nhŭp tâm phung mpô mpa păng nơm, rnoh geh pe rmưn kon biăp, jêh ri kon be, nđâp pe rbăn ndrôk nkuăng ăn ma phung ƀon lan dŏng tâm nar rƀŭn Nau Găn ăn ma lĕ phung geh măt râng ta nây; lĕ rngôch mpô mpa nây jêng ndơ hađăch

Êsêkiêl 45:17

Ƀiălah hađăch djôt prăp ndrăp nkra lĕ ndơ ƀư brah gŭch, ndơ ƀư brah rnih môi jêh ri ndơ nhhơr nhêt tâm lĕ nar tâm rƀŭn, nar luh khay mhe, nar saƀat ndrel ma lĕ rngôch nar rƀŭn tâm ngih Israel. Hađăch mra nhhơr ndơ ƀư brah chuai nau tih, ndơ ƀư brah rnih môi, ndơ ƀư brah gŭch jêh ri ndơ ƀư brah ma nau đăp mpăn gay chuai nau tih ăn ma ngih Israel.”

Nau Kơp Bunuyh 28:1

Brah Yêhôva lah tay ma Y-Môis:

Nau Kơp Bunuyh 29:29

Ta nar tal prao, khân may nhhơr hom pham mlâm ndrôk nkuăng, bar mlâm biăp nkuăng, jêh ri jât ma puăn mlâm biăp kon nkuăng bêng du năm mâu geh têl khap.