II Nau Rêh Jêng 31:1 - Nau Brah Ndu Ngơi 2023

¹ Lah lĕ nau kan nây lôch jêh, lĕ rngôch phung Israel geh măt ta ƀon Yêrusalem dâk hăn ăp ƀon tâm n'gor Yuđa, mbang nchah lơi lĕ n'gâng mbah, kăl lơi lĕ rup brah Asêra, ƀư rai lĕ ntŭk prêh klơ jêh ri lĕ nơng ƀư brah tâm lam n'gor Yuđa, Benjamin, Êphraim, jêh ri Manasê, kŏ tât khân păng hŏ ƀư rai lĕ ƀhiau. Jêh nây, lĕ rngôch phung ƀon lan Israel plơ̆ sĭt ma ƀon nơm, ntŭk drăp ndơn khân păng nơm.

II Nau Rêh Jêng 31:1 ပူးပေါင်းရင်းမြစ်များ

Nau Ntơm 19:15

Ƀhit ang, bar hê tông mpăr ntrŭt Y-Lot: “Leo hom ur jêh ri bar hê kon bu ur may gŭ ta aơ hăn gơnh, klach lah khân may tưp khĭt ndrel ma nau tâm rmal ƀon aơ.”

II Phung Hađăch 17:2

Hađăch ƀư nau mhĭk tanăp măt Brah Yêhôva, ƀiălah păng mâu ban ôh ma phung hađăch Israel alor ri.

II Phung Hađăch 18:22

Klăp lah khân may mra lah ma gâp pô aơ: ‘Hên rnơm nsing ma Yêhôva Brah Ndu hên. Mâu hĕ di Y-Hêsêkia nơm ƀư rai jêh lĕ ntŭk prêh jêh ri nơng ƀư brah klơ ta nây, jêh nây ntăm ma phung Yuđa jêh ri ma ƀon Yêrusalem yơk mbah panăp nơng ƀư brah ta Yêrusalem hĕ?’

II Phung Hađăch 18:4

Păng ƀư rai lĕ ntŭk prêh klơ, mbang nchah lơi lĕ n'gâng mbah, kăl lơi lĕ rup brah Asêra, jêh ri nchah hăch rhên bêh ma kông Y-Môis ƀư jêh. Yorlah ma tât nôk nây, phung ƀon lan Israel ăt gŭch ndơ ƀâu kah ma ndơ nây; bu ntơ păng jêng Nêhustan.

II Nau Rêh Jêng 14:2

Y-Asa ƀư nau ueh jêh ri nau di tanăp măt Yêhôva Brah Ndu păng.

II Nau Rêh Jêng 14:3

Păng ƀư rai lơi nơng ƀư brah phung brah bu năch jêh ri lĕ ntŭk prêh klơ, mbang nchah lơi lĕ n'gâng mbah jêh ri ƀư rai lĕ rup trah brah Asêrah.

II Nau Rêh Jêng 23:17

Pakơi nây, lĕ rngôch phung ƀon lan hăn tât ta ntŭk yơk mbah brah Baal gay ƀư rlâm lơi păng; khân păng mbang nchah nơng ƀư brah jêh ri rup brah păng, jêh nây nkhĭt Y-Matan, kôranh ƀư brah ma brah Baal, ta panăp nơng ƀư brah.

II Nau Rêh Jêng 32:12

Mâu hĕ di Y-Hêsêkia aơ yơh lĕ sŏk mƀăr lơi jêh ta lĕ ntŭk prêh jêh ri nơng ƀư brah ma Păng jêh nây ntĭnh phung ƀon lan Yuđa jêh ri Yêrusalem pô aơ: ‘Khân may knŏng yơk mbah panăp du mlâm nơng jêh ri knŏng su ndơ ƀâu kah ta klơ nơng nây dơm ƀơh’?

II Nau Rêh Jêng 33:3

Y-Manasê ndâk tay lĕ ntŭk prêh klơ mbơ̆ păng jêng Y-Hêsêkia ƀư rai jêh, ndâk tay đŏng nơng ƀư brah ma brah Baal, ƀư lĕ rup ma bu ur brah Asêrah, yơk mbah ma lĕ rngôch mănh mbing klơ trôk jêh ri pah kan ma phung nây.

Êsther 4:16

“Kuăl rgum hom lĕ rngôch phung Yuđa gŭ ta ƀon Susa, jêh ri yor ma gâp tâm ban lĕ, ât sông sa pe măng pe nar, mâu dơi sông sa mâu lah dơi nhêt. Gâp jêh ri phung oh mon bu ur gâp mra ver ât sông sa đŏng. Jêh nau nây, gâp mra lăp tanăp hađăch jêng nau mâu di nau vay; ƀiălah tơlah gâp khĭt ăn gâp khĭt yơh.”

Nau Ngluh Êjipt 23:24

Lơi chon mbah jêh ri pah kan ma phung brah khân păng; lơi kơt nau kan khân păng ƀư. Ăn kon ƀư rai lĕ ƀhiau phung brah jêh ri mbang hăch ăn lĕ n'gâng khân păng mbah.

Nau Ngluh Êjipt 34:13

Ƀiălah ăn khân may ƀư rai lơi nơng ƀư brah, mbang nchah rai lĕ n'gâng mbah jêh ri kăl lơi lĕ rup khân păng.

Êsai 17:8

Khân păng mâu mra mĭn ôh ma lĕ nơng ƀư brah jêng kan ti khân păng nơm ƀư, jêh ri khân păng mâu hôm uănh ma lĕ ndơ nglau ti khân păng njêng jêh, gĭt lah rup brah Asêrim mâu lah nơng ƀư brah nhhơr ndơ ƀâu kah.

Nau Vay Nkah Tay 7:5

Ƀiălah ma phung ƀon lan nây ăn khân may nkra kơt aơ: ƀư rlâm lơi lĕ nơng ƀư brah, nchah rai lĕ n'gâng mbah, kăl lơi lĕ rup ndah Asêrim, jêh ri su lơi ma ŭnh lĕ rup khân păng.