II Nau Rêh Jêng 30:3 - Nau Brah Ndu Ngơi 2023

³ yorlah khân păng hăn rƀŭn Nau Găn mâu dơi di mông ôh, yorlah rnoh phung kôranh ƀư brah ƀư kloh khân păng nơm ê hŏ tŏng nŭm ôh, jêh ri phung ƀon lan ê hŏ rgum đŏng ta ƀon Yêrusalem.

II Nau Rêh Jêng 30:3 ပူးပေါင်းရင်းမြစ်များ

II Nau Rêh Jêng 29:17

Lơ nguay khay nguay khân păng ntơm ƀư kloh ngih brah. Lơ pham khay nây, khân păng tho tât ta ndring ngih brah, jêh ri ƀư kloh tay ngih Brah Yêhôva ntop pham nar đŏng. Tât nar jât ma prao khay nguay, nau kan lôch jêh.

II Nau Rêh Jêng 29:34

Ƀiălah, phung kôranh ƀư brah ƀhôi ir, mâu tŏng gay n'huk ntâu lĕ rngôch mpa dŏng ma ndơ ƀư brah gŭch ôh. Pôri kŏ tât ntop tay phung kôranh ƀư brah lĕ ƀư kloh jêh khân păng nơm, phung oh nâu khân păng phung Lêvi kơl kan khân păng, tât lĕ kan dơi jêh yorlah phung Lêvi geh nuih n'hâm sŏng lơn ma phung kôranh ƀư brah tâm nau ƀư kloh khân păng nơm.

II Nau Rêh Jêng 30:15

Nar jât ma puăn khay bar, bu nkhĭt mpa ƀư brah gay rƀŭn Nau Găn. Bi phung kôranh ƀư brah jêh ri phung Lêvi, geh nau prêng, pôri ƀư kloh êng khân păng nơm jêh ri leo ndơ ƀư brah gŭch lăp tâm ngih Brah Yêhôva.

II Nau Rêh Jêng 30:24

Yor ri, Y-Hêsêkia, hađăch Yuđa, hŏ ăn jêh ma phung tâm rƀŭn geh du rbăn ndrôk nkuăng jêh ri pơh rbăn biăp; phung kôranh ăn ma phung tâm rƀŭn du rbăn ndrôk nkuăng jêh ri du rmưn biăp. Geh âk ngăn phung kôranh ƀư brah ƀư kloh khân păng nơm.

II Nau Rêh Jêng 30:4

Hađăch jêh ri lĕ rngôch phung tâm rƀŭn saơ nau kan nĕ di ngăn.

II Nau Rêh Jêng 35:6

Phung khân may nkhĭt hom mpa ƀư brah ƀư rƀŭn Nau Găn, prăp êng khân may nơm ma nau kloh ueh jêh ri nkra rƀŭn Nau Găn ăn ma phung oh nâu khân may, gay ƀư ăn di nâm bu nau ngơi Brah Yêhôva hŏ dŏng bâr mbung Y-Môis mbơh.”

Nau Ngluh Êjipt 12:18

Ntơm bơh mhaơ nar jât ma puăn khay nguay ăn khân may mra sa piăng let mâu geh ndrui kŏ tât mhaơ ta nar bar jât ma nguay khay nĕ.

Nau Ngluh Êjipt 12:6

djôt prăp păng tât ta nar jât mpuăn khay aơ; nây jêng nar ma lĕ phung Israel tâm rƀŭn mra nkhĭt mpa kêng măng.