II Nau Rêh Jêng 30:22 - Nau Brah Ndu Ngơi 2023

²² Y-Hêsêkia ngơi n'hao nuih ma lĕ rngôch phung Lêvi hŏ mpơl nau gĭt mĭn ma kan yơk mbah Brah Yêhôva. Khân păng sông sa răm maak nau rƀŭn tâm pơh nar, nhhơr lĕ mpa ƀư brah ma nau đăp mpăn, jêh ri tâm rnê lah ueh ma Yêhôva Brah Ndu phung chô yau khân păng.

II Nau Rêh Jêng 30:22 ပူးပေါင်းရင်းမြစ်များ

Nau Ntơm 50:21

Pôri, lơi klach ôh, gâp mra siăm khân may jêh ri phung kon jê̆ khân may.” Y-Yôsep bonh leng phung nâu păng, jêh ri ngơi dêh rhêt ma phung nâu păng.

II Nau Rêh Jêng 15:3

Hŏ jŏ năm jêh, phung Israel mâu chroh ngăn ôh ma Brah Ndu, mâu geh du huê kôranh ƀư brah ntĭm nti ma khân păng, ăt mâu geh lĕ nau vay.

II Nau Rêh Jêng 17:9

Khân păng djôt leo ndrom samƀŭt nau vay Brah Yêhôva, hăn lam lĕ ƀon tâm n'gor Yuđa gay nti ma phung ƀon lan.

II Nau Rêh Jêng 32:6

Păng dơm phung kôranh chiă uănh tahan, jêh ri rgum khân păng tât ta jâng gung toyh dăch mpông ƀon toyh, jêh ri ngơi n'hao nuih ma khân păng:

II Nau Rêh Jêng 35:3

Păng lah ma phung Lêvi dôl nti ma lĕ rngôch phung Israel jêh ri phung kloh ueh hŏ prăp êng jêh ma Brah Yêhôva: “Ăn hom Hip Nau Tâm Rnglăp Kloh ta ngih brah, Y-Salômôn kon bu klâu Y-Đavit, hađăch Israel, hŏ ndâk jêh. Khân may mâu hôm ŭch tung ôh Hip Nau Tâm Rnglăp klơ săng nglik khân may. Aƀaơ ri, pah kan hom ma Yêhôva Brah Ndu khân may jêh ri kơl kan ăn phung Israel jêng phung ƀon lan Păng.

Êsra 10:11

Pôri aƀaơ, mbơh hom nau tih khân may ma Yêhôva Brah Ndu chô yau khân may, jêh ri ƀư tĭng nâm nau mĭn ŭch Păng: Tâm nkhah hom khân may nơm bơh lĕ ntil mpôl bunuyh gŭ tâm n'gor jêh ri bơh phung ur bu năch.”

Êsra 7:10

Yorlah Y-Êsra hŏ mĭn jêh ŭch nti nau vay Brah Yêhôva, djôt prăp jêh ri nti ma phung Israel gĭt lĕ rngôch nau vay dăp jêh ri nau vay ƀư.

Êsra 7:25

Bi ma may, Y-Êsra, tĭng nâm nau blau mĭn Brah Ndu hŏ ăn ma may, njêng hom phung kôranh chiă uănh, phung phat dôih, jêng phung gĭt rbăng nau vay Brah Ndu may; gay khân păng phat dôih lĕ rngôch phung ƀon lan gŭ kơh đah ri dak krong. Bi ma phung ê hŏ gĭt nau vay, ăn khân may nti păng ăn gĭt.

Êsra 8:18

Yorlah rnơm ma ti Brah Ndu rgong he, lĕ phung nây leo tât ma hên du huê bunuyh blau mĭn, jêng noi deh Y-Mahli, jêng kon bu klâu Y-Lêvi, sau bu klâu Y-Israel, amoh păng Y-Sêrêbia, jêh ri phung kon bu klâu păng ndrel ma phung băl mpôl păng, geh lĕ rngôch jêng jât ma pham nuyh;

Nêhêmi 8:18

Ăp nar, ntơm bơh nar ntơm ma tât nar nglĕ dŭt, bu rŏ tâm ndrom samƀŭt nau vay Brah Ndu. Khân păng nhêt sa nau rƀŭn tâm pơh năng nar, jêh ri tât năng pham geh nau rƀŭn ma nau khư yơk tĭng nâm nau vay ƀư.

Nêhêmi 9:3

Khân păng dâk du ntŭk jêh ri rŏ tâm ndrom samƀŭt nau vay Yêhôva Brah Ndu du kô̆ tâm puăn nar, jêh ri prăp du kô̆ tâm puăn êng gay khân păng mbơh nau tih jêh ri yơk mbah Yêhôva Brah Ndu khân păng.

Nau Hôr 8:6

Iăt hom, yorlah gâp mra ngơi lĕ nau khlay, Mbung gâp mra ngơi nau di.

Ndrom Samƀŭt bơh Ôsê 2:14

“Yor ri, aơ, Gâp mra nkơnh ndơm păng, Leo păng lăp bri rdah, Sŏk nau ngơi rdơ̆ rmên ngơi ma păng.

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Nau Vay Nkah Tay 33:10

Khân păng nti nau ntăm ƀư Kôranh Brah ma phung Y-Yakôb Jêh ri nau vay May ma phung Israel Khân păng nhhơr ndơ ƀâu kah tanăp măt Kôranh Brah, Jêh ri nhhơr lĕ ndơ ƀư brah gŭch ta klơ nơng ƀư brah May.

Philip 3:8

Rlau ma nây, gâp uănh đŏng lĕ ntil ndơ tâm ban ma nau roh rai, yor nau gĭt năl Brah Yêsu Krist, Kôranh Brah gâp, jêng khlay lơn. Yor Păng, gâp dơn nau roh rai ma lĕ rngôch, jêh ri uănh lĕ nau nây nâm bu ndŏk, gay geh Brah Krist,

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

Yôsuê 7:19

Y-Yôsuê lah ma Y-Akan “Aơ kon, tâm rnê hom ma Yêhôva Brah Ndu Israel jêh ri tâm rnê ma Păng. Mbơh ngăn hom ma gâp nau may ƀư jêh, lơi mo du ntil ndơ ôh.”