II Nau Rêh Jêng 3:16 - Nau Brah Ndu Ngơi 2023

¹⁶ Păng ƀư đŏng ma rse rvăk tâm ban ma nâm bu rse rvăk tâm Ntŭk Dŭt Kloh ueh, dơm ta klơ bôl dŭt meh, jêh nây ƀư du rhiăng mlâm play pom gra nat jêh ri nkrêp ta klơ rse rvăk nây.

II Nau Rêh Jêng 3:16 ပူးပေါင်းရင်းမြစ်များ

I Phung Hađăch 6:21

Y-Salômôn mblum ma mah chrêk tâm trôm ngih brah, jêh ri drăng du rse rvăk ma mah panăp Ntŭk Dŭt Kloh Ueh, jêng ntŭk bu mblum păng ma mah đŏng.

I Phung Hađăch 7:20

Ta pĭt bâr, klơ bôl ăp bôk meh, păng ntă dreh kông, jêh ri tŏ rup du mbor geh bar rhiăng play pom gra nat, ndop jŭm ăp bôk meh nây.

II Nau Rêh Jêng 3:15

Panăp ngih brah, păng ƀư bar mlâm meh prêh jât ma pơh met n'gul, ta klơ bôl dŭt lĕ bar meh prêh bar met n'gul.

II Nau Rêh Jêng 3:17

Păng ndâk bar meh nây panăp ngih brah, du meh mpeh pa ma, du meh êng mpeh pa chiau; păng ntơ amoh meh mpeh pa ma jêng Jakin jêh ri meh mpeh pa chiau jêng Bôas.

II Nau Rêh Jêng 4:12

Bar meh n'gâng, bar bôk meh n'gâng rup rval ta klơ bôk dŭt meh n'gâng, bar blah jal nkŭm ma bar rup rval ta klơ bôk meh,

II Nau Rêh Jêng 4:13

puăn rhiăng play pom gra nat nkrêp tâm bar blah jal, tâm du blah geh bar mbor play pom gra nat, gay nkŭm ma bar mlâm rval bôk meh;