II Nau Rêh Jêng 28:9 - Nau Brah Ndu Ngơi 2023

⁹ Geh ta nây, du huê nơm mbơh lor Brah Yêhôva amoh Y-Ôdet. Păng hăn mâp phung tahan dôl plơ̆ sĭt bơh Samari, jêh ri lah ma khân păng: “Aơ, Yêhôva Brah Ndu phung che khân may hao ji nuih ma phung Yuđa yor ri Păng jao khân păng tâm ti khân may, jêh ri khân may nkhĭt khân păng ma nau ji nuih, nau nây lư n'hôl tât trôk.

II Nau Rêh Jêng 28:9 ပူးပေါင်းရင်းမြစ်များ

Nau Ntơm 11:4

Khân păng lah: “Kay lŏng, ăn he ƀư ma he nơm du mlâm ƀon toyh jêh ri ndâk du mlâm ngih gung geh chor prêh tât ta trôk, gay ma he geh nau lư n'găr jêh ri mâu geh ôh nhhêng nhhiang lam klơ neh.”

Nau Ntơm 4:10

Brah Yêhôva ôp: “Moh nau may ƀư pônây? Nteh mham oh may tă bơh neh hŏ nter tât ma Gâp.

I Phung Hađăch 20:13

Nôk nây, geh du huê nơm mbơh lor hăn mâp Y-Ahap, hađăch Israel, jêh ri lah: “Brah Yêhôva lah: ‘May saơ đŏng lĕ rngôch phung tahan âk ngăn aơ? Uănh hom, nar aơ Gâp mra jao khân păng tâm ti may, jêh ri may mra gĭt ma Gâp jêng Brah Yêhôva.’”

I Phung Hađăch 20:22

Nôk nây, nơm mbơh lor hăn mâp đah hađăch Israel jêh ri lah ma păng: “Hăn hom, ƀư ktang phung tahan may, jêh ri sek uănh ăn nanê̆ moh nau may mra ƀư, yorlah ta năm pakơi taơ hađăch Aram mra plơ̆ tay tâm lơh đah may.”

I Phung Hađăch 20:42

Nơm mbơh lor lah: “Brah Yêhôva lah: ‘Yorlah may mƀơk lơi bơh ti may bunuyh Gâp lĕ dăp nal jêh ma nau ƀư rai lơi, pônây nau rêh may mra ntrok nau rêh păng jêh ri nau rêh phung ƀon lan may ntrok nau rêh phung ƀon lan păng.’”

I Nau Rêh Jêng 21:13

Y-Đavit lah ma Y-Gat: “Gâp tŭp tâm nau rêh ni toyh ngăn. Ăn gâp tŭp tâm ti Brah Yêhôva, yorlah nau Păng yô̆ nđach toyh ngăn; lơi ăn ôh gâp tŭp tâm ti bunuyh.”

II Nau Rêh Jêng 28:5

Yor nây, Yêhôva Brah Ndu jao păng ma ti hađăch Aram. Phung tahan Aram dơi lơh hađăch Ahas jêh ri nhŭp leo âk bunuyh ƀon lan păng jêng bu nă jêh ri njŭn leo khân păng ma ƀon Damas. Brah Yêhôva jao păng ma ti hađăch Israel đŏng jêh ri roh rai âk ngăn.

Êsra 9:6

lah ma Păng: “Hơi Brah Ndu gâp, gâp prêng jêh ri brâp muh măt, mâu janh n'gơr măt uănh May jêng Brah Ndu gâp, yorlah nau djơh mhĭk hên lơ ntop âk lơn rlau bôk hên, jêh ri nau tih phung kon prêh hao tât klơ trôk.

Nau Mprơ Ơm 69:26

Yorlah khân păng ƀư mhĭk jêh ma nơm May dong Jêh ri khân păng nkoch tay nau rêh ni phung May ƀư sôt rmanh jêh.

Êsai 47:6

Gâp hŏ hao ji nuih ma phung ƀon lan Gâp, Ƀư ƀơ̆ drăp ndơn Gâp Jêh ri jao jêh khân păng tâm ti may. Ƀiălah may mâu mâp yô̆ ôh ma khân păng; May hŏ dơm jêh ta klơ bunuyh ranh Du mlâm mbăk mâng jâk ngăn

Yônais 1:2

“Dâk hăn hom may, hăn tât ma Ninive ƀon toyh jêh ri rdâng đah păng yorlah nau mhĭk khân păng hao jêh tât ta măt Gâp.”

Sakari 1:15

Ƀiălah Gâp nuih ngăn phung mpôl bunuyh dôl gŭ đăp mpăn; yorlah Gâp knŏng ji nuih djê̆ dơm ma phung ƀon lan Gâp, ƀiălah khân păng hŏ ƀư ntop đŏng nau rêh ni.’

Nau Tâm Mpơl 18:5

Yorlah nau tih păng bun prêh tât ta klơ trôk. Jêh ri Brah Ndu kah gĭt ma nau tih mhĭk păng.

Phung Kôranh Phat Dôih 3:8

Yor ri, Brah Yêhôva hao ji nuih ma phung Israel, Păng jao khân păng tâm ti Y-Kusan-Risathaim, hađăch Aram Naharadim. Ăn phung ƀon lan Israel pah kan Y-Kusan-Risathaim tâm pham năm.