II Nau Rêh Jêng 26:8 - Nau Brah Ndu Ngơi 2023

⁸ Phung Ammôn chê̆ pi ma Y-Usia, jêh ri nau lư n'găr păng bu tăng lư tât ta n'har neh n'gor Êjipt, yorlah păng hao hŏ dơi chăt jêng ngăn.

II Nau Rêh Jêng 26:8 ပူးပေါင်းရင်းမြစ်များ

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Nau Ntơm 19:38

Oh păng deh đŏng du huê kon bu klâu ntơ moh păng Y-Ben-Ami. Nây jêng chô yau phung Ammôn tât nar aơ.

II Samuel 8:13

Jêh păng lơh nkhĭt du rmưn pham rbăn bunuyh phung Êđôm tâm rlŭng Boh jêh ri plơ̆ sĭt, Y-Đavit geh lư n'găr hâu ngăn.

II Samuel 8:2

Hađăch dơi đah phung tahan Môap, đă khân păng bê̆ch ta klơ neh jêh ri veh ma rse: veh bar bông rse jêh ri nkhĭt, veh du bông rse ăn ma rêh. Pôri ăn phung Môap pah kan jêh ri chê̆ pi ma Y-Đavit.

I Phung Hađăch 4:31

Y-Salômôn gĭt mĭn lơn ma lĕ rngôch bunuyh êng, gĭt mĭn lơn ma Y-Êthan bu klâu Êsrahit jêh ri Y-Hêman, Y-Kalkôl, jêh ri Y-Darda, jêng phung kon bu klâu Y-Mahôl. Nau lư n'găr păng bu tăng lư tâm lĕ rngôch phung ƀon lan gŭ văr jŭm.

I Nau Rêh Jêng 14:17

Nau lư n'găr Y-Đavit lam ăp ntŭk, jêh ri Brah Yêhôva ƀư ăn lĕ rngôch phung ntil mpôl bunuyh klach krit ma Y-Đavit.

II Nau Rêh Jêng 17:11

Phung Philistin djôt leo ndơ jêh ri prăk nhhơr ma Y-Jôsaphat; phung Arabi leo đŏng ma păng lĕ mpôl mpô mpa rong geh pơh rbăn pơh rhiăng mlâm biăp nkuăng jêh ri pơh rbăn pơh rhiăng mlâm be nkuăng.

II Nau Rêh Jêng 20:1

Jêh nau nây, phung Môap jêh ri phung Ammôn, ndrel ma phung ƀaƀă Mêun hăn tĭng khân păng, n'hoch văch ŭch tâm lơh đah Y-Jôsaphat.

II Nau Rêh Jêng 26:9

Y-Usia ndâk lĕ ngih tŭm ta Yêrusalem, ta mpông pêr Njônh, ta mpông pêr Rlŭng jêh ri ta mpông pêr njônh mpir, ƀư ma lĕ ngih tŭm nây nâp ktang.

II Nau Rêh Jêng 27:5

Păng tâm lơh đah hađăch phung Ammôn jêh ri dơi khân păng. Tâm năm nĕ, phung Ammôn chê̆ ma păng pe rbăn kilô prăk, bar rkeh bar rsen lit ba ƀlê, jêh ri bar rkeh bar rsen lit ba ôrgơ. Phung Ammôn chê̆ đŏng ma păng lĕ ndơ nây tâm năm rơh bar jêh ri rơh pe.

Mathay 4:24

Lư n'găr ma Păng lam n'gor Siri. Bu njŭn leo ma Păng lĕ phung bunuyh ji kuet, geh nau ji kuet êng êng, bunuyh brah mhĭk lơh, phung brŭt rluk, phung rvĕn, jêh ri Păng ƀư bah lĕ rngôch.

Nau Vay Nkah Tay 2:19

Lah khân may tât dăch phung kon sau Ammôn, may lơi ôh tâm janh mâu lah rduh lơh khân păng, yorlah Gâp mâu mra ăn ôh n'gor phung Ammôn ma may jêng drăp ndơn. Gâp ăn jêh n'gor nây ma phung kon sau Y-Lot jêng drăp ndơn khân păng jêh.’

I Samuel 11:1

Y-Nahas, bunuyh Ammôn, hăn hao nchueng jŭm Jabes Gilêat. Lĕ rngôch bunuyh gŭ tâm Jabes lah ma Y-Nahas: “Dăn ndâk hom nau tâm rnglăp ma hên, hên mra pah kan ma may.”