II Nau Rêh Jêng 26:5 - Nau Brah Ndu Ngơi 2023

⁵ Tâm lĕ rô̆ Y-Sakari jêng bunuyh gĭt rbăng lĕ nau tâm saơ bơh Brah Ndu, Y-Usia joi Brah Ndu ma lĕ nuih n'hâm. Păng joi Brah Ndu ndah jŏ, Brah Ndu ƀư ăn ma păng geh nau ƀŭn lap dah nây lĕ.

II Nau Rêh Jêng 26:5 ပူးပေါင်းရင်းမြစ်များ

Nau Ntơm 41:15

Pharaôn lah ma Y-Yôsep: “Gâp geh nau mbơi jêh, mâu geh ôh du huê nơm dơi rblang. Gâp tăng bu lah may knŏng tăng nkoch nau mbơi klăp lah dơi rblang.”

Nau Ntơm 41:38

Pharaôn lah ma phung oh mon păng: “Mbah ntŭk he joi dĭng geh du huê bunuyh tâm ban ma nơm aơ, du huê geh Huêng brah bơh Brah Ndu gŭ tâm păng?”

II Phung Hađăch 15:34

Hađăch ƀư nau di tanăp măt Brah Yêhôva, ƀư tĭng lĕ nau mbơ̆ păng jêng Y-Usia hŏ ƀư jêh.

I Nau Rêh Jêng 22:11

Aơ kon bu klâu gâp, aƀaơ, dăn Brah Yêhôva gŭ n'hanh may jêh ri kơl may geh nau dơi tâm kan ndâk ngih brah ma Yêhôva Brah Ndu may, tĭng nâm nau Păng ngơi jêh ma may.

I Nau Rêh Jêng 22:13

Tơlah may njrăng tĭng lĕ nau vay dăp jêh ri lĕ nau vay ƀư bơh Brah Yêhôva hŏ ngơi jêh ma Y-Môis ntăm ma phung Israel, may mra geh nau dơi. Dăng ktang hom jêh ri nâp nuih n'hâm! Lơi klach ôh, lơi rdja nuih ôh!

II Nau Rêh Jêng 14:6

Păng ndâk njêng âk ƀon mpêr nâp ngăn tâm bri Yuđa, yorlah n'gor bri nây geh nau đăp mpăn. Tâm rnôk nây mâu geh ôh nau tâm lơh, yorlah Brah Yêhôva hŏ ăn jêh ma khân păng rlu đăp mpăn.

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 24:2

Y-Jôas ƀư nau di tanăp măt Brah Yêhôva tâm lĕ rnôk rô̆ kôranh ƀư brah Y-Jêhôida hôm rêh.

II Nau Rêh Jêng 25:8

Bi tơlah may brơl hăn, nđâp lah may tâm lơh dăng ktang, Brah Ndu mra ƀư đŏng ăn may cha lôt panăp phung rlăng, yorlah Brah Ndu geh nau brah dơi kơl jêh ri nau brah ƀư ăn mâu dơi.”

II Nau Rêh Jêng 26:4

Păng ƀư nau di tanăp măt Brah Yêhôva, di nâm lĕ nau mbơ̆ păng jêng Y-Amasia hŏ ƀư jêh.

II Nau Rêh Jêng 27:6

Pôri, Y-Jôtham plơ̆ jêng janh ktang, yorlah păng tĭng ndô̆ trong di tanăp măt Yêhôva Brah Ndu.

II Nau Rêh Jêng 29:1

Nôk hao jêng hađăch, Y-Hêsêkia geh bar jât ma prăm năm jêh ri păng chiă uănh bar jât ma sĭn năm tâm ƀon Yêrusalem. Amoh mê̆ păng, H'Abija kon bu ur Y-Sakari.

II Nau Rêh Jêng 32:30

Y-Hêsêkia yơh bât n'hor dak Gihôn, jêh ri n'hoch păng hoch mŭr tâm dâng neh mpeh nhâp nar ƀon Đavit. Tâm lĕ kan Y-Hêsêkia ƀư dơi chăt jêng da dê.

Nau Mprơ Ơm 1:3

Bunuyh nây mra jêng nâm bu tơm si tăm dăch n'hor dak, Luh kao play di yan di khay, N'ha păng mâu blau nhop kro ôh. Lĕ nau păng ƀư dơi jêng da dê.

Daniel 1:17

Brah Ndu ăn ma puăn nuyh bu klâu ndăm aơ geh nau gĭt rbăng jêh ri nau blau ngăn gĭt rbăng lĕ rngôch nau ngơi ueh ndrel nau blau mĭn. Êng ma Y-Daniel geh nau gĭt rbăng ma lĕ nau tâm saơ jêh ri nau mbơi.

Daniel 10:1

Năm rơh pe rnôk rô̆ hađăch Sirus chiă uănh, bri dak Persi, geh du nau tâm mpơl ma Y-Daniel, ntơ amoh Y-Beltisasar. Nau nây nanê̆ ngăn, mbơh ma nau tâm lơh toyh. Y-Daniel gĭt rbăng nau nây jêh ri gĭt năl nau khlay ma nau tâm saơ nây.

Daniel 2:19

Măng nây, nau ndâp dơi mpơl ăn ma Y-Daniel tâm du nau tâm saơ. Y-Daniel tâm rnê ma Brah Ndu klơ trôk.

Daniel 5:16

Gâp tăng bu lah may dơi rblang jêh ri nkra nau jêr jŏk. Pôri, tơlah may dơi rŏ rplay samƀŭt nchih jêh ri rblang ma gâp, pôri may mra dơi nsoh ao chăng ĭr, văn rvang mah ta trô ko jêh ri ăn may jêng kôranh mrô pe tâm ƀon bri hađăch.”

Ndrom Samƀŭt bơh Ôsê 6:4

Mâm Gâp mra ƀư ma may, hơi Êphraim? Mâm Gâp mra ƀư ma may, hơi Yuđa? Nau rŏng khân may ăn Ma Gâp tâm ban ma ndâr ntŭk nkân ang ôi, Nâm bu dak ngom gơnh sơh.

Kôranh Oh Mon 20:30

Tă bơh nklang phung oh nâu khân may mra dâk đŏng bunuyh nti lah âk nau tih mhĭk, gay ma ndơm phung oh mon tĭng ndô̆ khân păng.

Yôsuê 1:7

Ăn may janh ktang, nănh nanê̆ jêh ri blau njrăng ƀư tĭng lĕ rngôch nau vay Y-Môis, oh mon Gâp, ntĭnh jêh ma may; lơi teng pa ma mâu lah pa chiau ôh, gay moh ntŭk may hăn mra dơi geh jêng.

Yôsuê 1:8

Ndrom samƀŭt nau vay aơ lơi ăn ngai bơh bâr mbung may, ƀiălah mĭn rvê hom nau nây măng nâm nar, gay blau njrăng ƀư tĭng lĕ nau nchih jêh tâm nây. Ri mơ may chăt jêng jêh ri dơi jêng tâm trong may hăn.

Phung Kôranh Phat Dôih 2:7

Phung ƀon lan pah kan ma Brah Yêhôva dôl rnôk Y-Yôsuê hôm rêh jêh ri dôl rnôk phung bu ranh hôm rêh jŏ lơn ma Y-Yôsuê, jêng phung hŏ saơ lĕ rngôch nau kan toyh Brah Yêhôva hŏ ƀư jêh ma phung Israel.