II Nau Rêh Jêng 26:20 - Nau Brah Ndu Ngơi 2023

²⁰ Kôranh ƀư brah toyh lơn Y-Asaria jêh ri lĕ rngôch phung kôranh ƀư brah êng, saơ păng geh ji phŭng ta ndăr kleng, bu mpâk ndal păng luh du tă bơh nây; jêh ri păng nơm hăn luh ndal đŏng, yorlah Brah Yêhôva rmal păng.

II Nau Rêh Jêng 26:20 ပူးပေါင်းရင်းမြစ်များ

II Nau Rêh Jêng 26:19

Tăng pôri, Y-Usia ji nuih ngăn. Nôk nây, păng dôl djôt du mlâm glah ndơ ƀâu kah tâm ti gay gŭch ndơ ƀâu kah. Tâm nôk păng hao ji nuih ma phung kôranh ƀư brah, geh phŭng luh ta ndăr kleng păng tanăp măt phung kôranh ƀư brah tâm ngih Brah Yêhôva, êp kêng Nơng ƀư brah gŭch ndơ ƀâu kah.

II Nau Rêh Jêng 26:21

Y-Usia geh nau ji phŭng kŏ tât nar păng khĭt, jêh ri yor ma nau ji phŭng păng gŭ rêh du huê păng tâm du ngih êng, mâu hôm dơi lăp tâm ngih Brah Yêhôva đŏng ôh. Yor ri, kon bu klâu păng jêng Y-Jôtham mât uănh ngih hađăch jêh ri chiă uănh phung ƀon lan tâm bri.

Êsra 7:5

Y-Usi kon bu klâu Y-Buki, Y-Buki kon bu klâu Y-Abisua, Y-Abisua kon bu klâu Y-Phinêas, Y-Phinêas kon bu klâu Y-Êlêasar, Y-Êlêasar kon bu klâu Y-Arôn, jêng kôranh ƀư brah lor lơn.

Êsther 6:12

Jêh nau nây, Y-Môrdêkai plơ̆ sĭt ta ntŭk mpông pêr ngih hađăch. Bi ma Y-Haman hăn sĭt ndal leo ta ngih păng nơm, rngot rvê jêh ri nkŭm bôk păng.

Kan Lêvi 13:10

Kôranh ƀư brah mra sek uănh păng, tơlah tâm ntâu geh nau ok eh nglang ƀư ma rsau plăch jêng nglang, jêh ri tơlah tâm ok eh geh ndâr mlay luh chăng

Kan Lêvi 14:34

“Tơlah khân may lăp tâm n'gor Kanaan jêng n'gor Gâp mra ăn khân may ƀư drăp ndơn, tơlah Gâp n'gân du ntil nau têl mbrĭng ta du rplay ngih tâm n'gor khân may mra pit sŏk,

Nau Vay Nkah Tay 28:22

Brah Yêhôva mra ƀư rêh ni khân may ma nau ji khô hiăn, nau ji kop, nau ji kren, nau duh ktang, nau prăng phang ƀư ma tơm si gơ̆ rêp klêu kro, luh o. Lĕ nau mhĭk nây mra tĭng khân may kŏ tât khân may rai lôch.

Nau Vay Nkah Tay 28:35

Brah Yêhôva mra ƀư rêh ni khân may ma nau ji eh ta kômâk jêh ri ta jâng, jêh nây hao tă bơh mpang jâng tât ta klơ bôk, khân may săm mâu dơi bah ôh.