II Nau Rêh Jêng 26:19 - Nau Brah Ndu Ngơi 2023

¹⁹ Tăng pôri, Y-Usia ji nuih ngăn. Nôk nây, păng dôl djôt du mlâm glah ndơ ƀâu kah tâm ti gay gŭch ndơ ƀâu kah. Tâm nôk păng hao ji nuih ma phung kôranh ƀư brah, geh phŭng luh ta ndăr kleng păng tanăp măt phung kôranh ƀư brah tâm ngih Brah Yêhôva, êp kêng Nơng ƀư brah gŭch ndơ ƀâu kah.

II Nau Rêh Jêng 26:19 ပူးပေါင်းရင်းမြစ်များ

II Phung Hađăch 16:12

Tơlah hađăch sĭt tă bơh Damas, păng văch tât uănh nơng ƀư brah jêh nây hăn dăch jêh ri nhhơr ndơ ƀư brah ta klơ nây.

II Nau Rêh Jêng 16:10

Y-Asa ji nuih ma nơm geh nau tâm saơ jêh ri nhŭp krŭng păng yor ma nau nây, hađăch ji nuih ngăn ma păng. Dôl nôk nây, Y-Asa tŭn jot đŏng bunuyh êng ƀaƀă tâm phung ƀon lan.

II Nau Rêh Jêng 25:16

Tâm nôk nơm mbơh lor dôl ngơi; hađăch lah ma păng: “Hên mâp dăp may jêng nơm kơl nchră ma hađăch? Găp hôm, gŭ klăk hom! May ŭch khĭt lĕ?” Nơm mbơh lor gŭ klăk, ƀiălah jêh nây păng lah tay: “Gâp gĭt Brah Yêhôva tâm nal ƀư rai may, yorlah may hŏ ƀư jêh nau aơ jêh ri mâu ŭch iăt ôh nau gâp nkah.”

II Nau Rêh Jêng 26:20

Kôranh ƀư brah toyh lơn Y-Asaria jêh ri lĕ rngôch phung kôranh ƀư brah êng, saơ păng geh ji phŭng ta ndăr kleng, bu mpâk ndal păng luh du tă bơh nây; jêh ri păng nơm hăn luh ndal đŏng, yorlah Brah Yêhôva rmal păng.

Kan Lêvi 13:10

Kôranh ƀư brah mra sek uănh păng, tơlah tâm ntâu geh nau ok eh nglang ƀư ma rsau plăch jêng nglang, jêh ri tơlah tâm ok eh geh ndâr mlay luh chăng

Nau Kơp Bunuyh 12:10

Tơlah ndâr tŭk du bơh tă bơh Ngih Bok Nau Tâm Rƀŭn, ta aơ H'Miriam geh phŭng, nglang nâm bu pler. Y-Arôn rle uănh ma H'Miriam jêh ri saơ păng geh ji phŭng jêh.