II Nau Rêh Jêng 26:16 - Nau Brah Ndu Ngơi 2023

¹⁶ Ƀiălah tơlah Y-Usia hŏ geh jêng jêh, păng geh nuih n'hâm sưr ƀư ăn ma păng nơm roh rai. Păng ƀư tih đah Yêhôva Brah Ndu păng, yorlah păng hŏ lăp tâm ngih Brah Yêhôva gŭch ndơ ƀâu kah ta Nơng ƀư brah gŭch ndơ ƀâu kah.

II Nau Rêh Jêng 26:16 ပူးပေါင်းရင်းမြစ်များ

I Phung Hađăch 12:33

Tâm nar jât ma prăm khay pham jêng khay păng tâm nal jêh tĭng nâm mĭn ŭch êng păng nơm, Y-Jêrôbôam hăn hao tât ta nơng ƀư brah păng tâm Bêthel. Hađăch njêng du nau nar rƀŭn ma phung ƀon lan Israel, jêh nây hăn hao rlet ma nơng ƀư brah gây su ndơ ƀâu kah.

I Phung Hađăch 13:1

Nôk nây, tĭng nâm nau Brah Yêhôva ntăm, geh du huê bunuyh Brah Ndu luh bơh Yuđa hăn tât ta Bêthel tâm nôk Y-Jêrôbôam dâk dăch nơng ƀư brah gay su ndơ ƀâu kah.

II Phung Hađăch 14:10

May hŏ lơh jêh phung Êđôm jêh ri nuih n'hâm may bêng nau hưn. Gŭ hom tâm ngih gay mƀrơn ma nau chrêk rmah may. Mâm ƀư ŭch ƀư tay nau mhĭk ma may nơm, ƀư ăn ma may jêh ri lĕ phung Yuđa cha lôt?”

II Phung Hađăch 15:5

Brah Yêhôva rmal ma hađăch, ƀư ăn păng geh nau ji phŭng kŏ tât nar păng khĭt; păng gŭ rêh du huê păng tâm du ngih êng. Y-Jôtham, kon hađăch, pah kan tâm ngih hađăch jêh ri chiă uănh phung ƀon lan tâm bri.

II Nau Rêh Jêng 12:1

Tơlah bri dak Y-Rôbôam chiă uănh jêng nâp jêh ri ktang jêh, păng nđâp ma phung Israel chalơi lĕ nau vay Brah Yêhôva.

II Nau Rêh Jêng 25:19

May lah: ‘Aơ, gâp hŏ lơh jêh bri Êđôm!’ Nuih n'hâm may ƀư sưr, n'hao êng may nơm. Aƀaơ aơ, gŭ hom tâm ngih. Mâm ƀư may ŭch anh nau mhĭk jêh ri ƀư ăn may jêh ri phung Yuđa roh rai?”

II Nau Rêh Jêng 26:15

Ta Yêrusalem, hađăch ăn ma phung njêh njêng ndeh mhe dơm tâm lĕ ngih tŭm gak jêh ri ta klơ pôih gay pănh hăr jêh ri klŭp lŭ toyh. Nau lư n'găr păng bu tăng lư ngai ngăn, yorlah Kôranh Brah kơl păng khlay ngăn ngên, kŏ tât păng geh jêng.

II Nau Rêh Jêng 27:2

Păng ƀư di tanăp măt Brah Yêhôva tĭng nâm lĕ rngôch nau mbơ̆ păng Y-Usia hŏ ƀư jêh; ƀiălah păng mâu lăp ôh tâm ngih Brah Yêhôva, bi phung ƀon lan ăt hôm ƀư blă blơ.

II Nau Rêh Jêng 32:25

Ƀiălah Y-Hêsêkia mâu kah gĭt lah ueh nau Brah Yêhôva ƀư jêh ma păng, yorlah nuih n'hâm păng sưr yor nây Kôranh Brah ji nuih tât ma păng nđâp ma phung Yuđa jêh ri Yêrusalem.

Nau Hôr 16:18

Nau sưr hăn lor, nau rai lôch groi pakơi, Jêh ri nau n'hao êng nơm hăn lor tâm nau tŭp.

Daniel 11:12

Tơlah tâm lơh dơi jêh đah phung tahan nây, hađăch mpeh pa dâng geh nuih n'hâm sưr. Păng mra nkhĭt âk rbăn, âk rmưn phung rlăng ƀiălah păng mâu dơi ôh.

Daniel 8:8

Be nkuăng plơ̆ jêng dŭt toyh ngăn. Ƀiălah nôk păng jêng ktang pôri nke toyh nây pă, jêh ri ta ntŭk nke deh nây geh puăn mlâm nke rô̆ luh tĭng mpeh sail puăn njônh trôk.

Habakuk 2:4

Uănh hom, phung sưr rlau Mâu geh ôh nuih n'hâm sŏng; Ƀiălah bunuyh sŏng srăng mra gŭ rêh yor nau chroh păng nơm.

Nau Kơp Bunuyh 16:1

Y-Kôra, kon bu klâu Y-Ishar, sau Y-Kôhat, se Y-Lêvi, têk Y-Dathan jêh ri Y-Abiram, phung kon bu klâu Y-Êliap, jêh ri Y-Ôn, kon bu klâu Y-Pêlet, phung sau Y-Ruben,

Nau Kơp Bunuyh 16:18

Pôri ăp nơm khân păng sŏk khăl gŭch ƀâu kah dơm ŭnh tâm nây jêh ri dơm ndơ ƀâu kah tâm nây, jêh nây khân păng dâk ta mpông Ngih Bok Nau Tâm Rƀŭn ndrel ma Y-Môis jêh ri Y-Arôn.

Nau Kơp Bunuyh 16:35

Jêh nây du chiông ŭnh luh tă bơh Brah Yêhôva su bar rhiăng prăm jât nuyh hŏ nhhơr ndơ ƀâu kah.

Nau Kơp Bunuyh 16:7

ôi taơ, panăp Brah Yêhôva, dơm hom ŭnh tâm khăl gŭch ƀâu kah jêh ri dơm ndơ ƀâu kah tâm nây. Mbu Brah Yêhôva mra săch mra jêng nơm kloh ueh. Hơi phung kon sau Lêvi, găp hŏ tŏng jêh!”

Nau Kơp Bunuyh 17:5

Tơlah mâng jra bunuyh Gâp săch, mâng păng mra luh kao. Kơt nĕ, Gâp mra ƀư mlo lĕ nau ngơi ƀrôk phung ƀon lan Israel tâm rdâng đah may.”

Nau Vay Nkah Tay 8:14

nôk nây nuih n'hâm khân may sưr rlau, chuêl hêng Yêhôva Brah Ndu jêng Nơm hŏ njŭn leo khân may luh bơh n'gor Êjipt, jêng bơh vâl dĭk bu.

Nau Vay Nkah Tay 8:17

Pôri, ăn blau njrăng, lơi khân may lah tâm nuih n'hâm pô aơ: ‘Nau brah jêh ri nau dăng bơh bar đah ti gâp hŏ njêng jêh ma gâp nau ndrŏng aơ.’

Kôlôh 2:18

Lơi ăn bu ndơm jêh ri ƀư roh nau nkhôm yor phung srôih jan lah ƀư dêh rhêt jêh ri yơk mbah lĕ tông mpăr. Khân păng rnơm ma lĕ nau tâm saơ êng ngăn, bơh nau mĭn nglay săk geh nau sưr rlau dơm dam.