II Nau Rêh Jêng 25:8 - Nau Brah Ndu Ngơi 2023

⁸ Bi tơlah may brơl hăn, nđâp lah may tâm lơh dăng ktang, Brah Ndu mra ƀư đŏng ăn may cha lôt panăp phung rlăng, yorlah Brah Ndu geh nau brah dơi kơl jêh ri nau brah ƀư ăn mâu dơi.”

II Nau Rêh Jêng 25:8 ပူးပေါင်းရင်းမြစ်များ

II Nau Rêh Jêng 1:12

pôri Gâp hŏ ăn jêh nau gĭt mĭn jêh ri nau gĭt rbăng ma may. Gâp mra ăn ma may nau ndrŏng kuăng, drăp ndơ, jêh ri nau chrêk rmah kŏ tât mâu dơi geh ôh lĕ phung hađăch lor panăp may jêh ri pakơi may dơi ban.”

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

II Nau Rêh Jêng 18:14

Tơlah Y-Mika lĕ tât jêh, Y-Ahap ôp ma păng: “Ơ Y-Mika, he mra hăn lơh ƀon Ramôt-Gilêat mâu lah mâu dơi hăn ôh?” Păng plơ̆ lah: “Hăn hom, hađăch mra dơi yơh jêh ri bu mra jao khân păng tâm ti bar hê hađăch.”

II Nau Rêh Jêng 20:6

mbơh sơm pô aơ: “Ơ Yêhôva Brah Ndu phung che hên! Mâu di hĕ May jêng Kôranh Brah gŭ ta klơ lĕ ndâr trôk? Mâu di hĕ May jêng Nơm chiă uănh ma lĕ rngôch ntil mpôl bunuyh bơh lĕ rngôch bri dak? Tâm ti May geh nau brah jêh ri nau ktang, pôri mâu geh du huê dơi tâm rdâng ôh đah May.

II Nau Rêh Jêng 26:7

Brah Ndu kơl păng dơi đah phung Philistin, đah phung Arabi gŭ ta Gur-Baal jêh ri đah phung Mêunim.

Ndrom Samƀŭt bơh Yôp 5:18

Yorlah păng ƀư ăn sôt, ƀiălah Păng put tay; Păng lơh ji, ƀiălah ti Păng ƀư bah tay.

Ndrom Samƀŭt bơh Yôp 9:13

Brah Ndu mâu rgâl tay ôh nau Păng ji nuih. Phung kơl Rahap chon mon tâm dâng jâng Păng da dê.

Nau Mprơ Ơm 20:7

Bunuyh aơ rnơm nsing ma ndeh, bunuyh êng rnơm nsing ma seh, Ƀiălah he rnơm nsing ma amoh Brah Yêhôva jêng Brah Ndu he.

Nau Mprơ Ơm 24:1

Neh jêh ri lĕ rngôch ndơ ta klơ neh, Neh ntu jêh ri lĕ bunuyh gŭ tâm nây jêng ndơ Brah Yêhôva da dê.

Nau Mprơ Ơm 33:10

Brah Yêhôva ƀư rai nau lĕ bri dak ŭch ƀư mhĭk, Păng ƀư rai nau ŭch phung ƀon lan.

Nau Mprơ Ơm 33:16

Mâu geh ôh du huê hađăch yor tahan âk geh nau tâm rklaih, Mâu geh du huê nơm ktang dơi rklaih yor nau ktang păng.

Nau Mprơ Ơm 62:11

Brah Ndu hŏ lah jêh du tơ̆, Gâp hŏ tăng jêh nau aơ bar tơ̆, Pô aơ nau brah jêng ndơ Brah Ndu.

Nau Mprơ Ơm 89:43

May ƀư ăn mpiăt păng plăch lơi, Mâu hôm kơl păng tâm nau tâm lơh toyh.

Nau Hôr 10:22

Nau ueh uĭn bơh Brah Yêhôva ƀư ăn ndrŏng; Păng mâu hôm ntop ôh nau hŏt rgănh jâk jêr.

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Nơm Nti 9:11

Gâp saơ tay tâm dâng nar: Mâu di lĕ ngăch jâng jêng blau nchuăt, Suan ktang jêng dơi nau tâm lơh, Ăt mâu di lĕ blau mĭn jêng hơm tŏng, Gĭt rbăng jêng ndrŏng kuăng, Jêh ri blau ngăn jêng nau yô̆; Yorlah mông găl jêh ri nau ƀŭn lap tât da dê ăn ma lĕ rngôch bunuyh.

Ndrom Samƀŭt bơh Agê 2:8

‘Prăk jêng ndơ Gâp, mah jêng ndơ Gâp.’ Brah Yêhôva ma phung tahan lah pônây.

Mathay 26:45

Dôl nây Păng plơ̆ tay ma phung oh mon jêh ri lah ma khân păng pô aơ: “Mâm khân may hôm bê̆ch jêh ri gŭ rlu? Ri, mông tât jêh, bu rlăng mra jao Kon Bunuyh tâm ti phung tih.

Nau Vay Nkah Tay 8:18

Ƀiălah ăn kah gĭt ma Yêhôva Brah Ndu khân may, yorlah Păng jêng Nơm ăn ma khân may n'hâm suan gay njêng nau ndrŏng aơ, gay ƀư nau tâm rnglăp Păng hŏ ton jêh ma phung chô yau khân may, nâm bu Păng dôl ƀư nar aơ.

Philip 4:19

Brah Ndu gâp mra ăn ma khân may ăp ntil ndơ khân may ŭch tĭng nâm nau Păng ndrŏng tâm nau chrêk rmah tâm Brah Yêsu Krist.

Phung Kôranh Phat Dôih 7:7

Nôk nây, Brah Yêhôva lah ma Y-Gidêôn: “Gâp mra dŏng pe rhiăng nuyh hŏ huch dak nây gay rklaih khân may, jêh ri Gâp mra jao phung Madian tâm ti may. Bi lĕ rngôch phung êng, plơ̆ sĭt hom ma ngih păng nơm!”

I Samuel 14:6

Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”