II Nau Rêh Jêng 25:5 - Nau Brah Ndu Ngơi 2023

⁵ Y-Amasia tâm rƀŭn phung Yuđa, tĭng ndŭl mpôl tâm chô yau Yuđa jêh ri Benjamin, jêh ri njêng phung kôranh chiă uănh toyh ma du rbăn nuyh tahan jêh ri du rhiăng nuyh tahan. Păng kơp rnoh bunuyh ntơm bơh bar jât năm leo klơ, geh lĕ rngôch pe rsen nuyh, dơi djôt tak jêh ri khêl hăn tâm lơh.

II Nau Rêh Jêng 25:5 ပူးပေါင်းရင်းမြစ်များ

I Nau Rêh Jêng 13:1

Y-Đavit tâm chră ndrel ma phung kôranh du rbăn nuyh tahan jêh ri du rhiăng nuyh tahan, ndrel ma lĕ rngôch kôranh chiă uănh.

I Nau Rêh Jêng 27:1

Aơ jêng samƀŭt nchih amoh phung ƀon lan Israel, phung kôranh ma noi deh, kôranh ma du rbăn nuyh jêh ri du rhiăng nuyh jêh nây phung kôranh pah kan ma hađăch lĕ rngôch ntil tâm phung kan tahan; tĭng nâm mpôl lăp jêh ri luh ăp khay lĕ du năm, ăp mpôl geh bar rmưn puăn rbăn nuyh.

II Nau Rêh Jêng 11:1

Tơlah Y-Rôbôam plơ̆ sĭt ma ƀon Yêrusalem, păng tâm rgum ngih Yuđa jêh ri Benjamin, geh du rsen pham rmưn bunuyh tahan dăng ktang, gay tâm lơh đah phung Israel, gay ndâk đŏng ƀon bri hađăch ma păng.

II Nau Rêh Jêng 14:7

Păng lah ma phung Yuđa pô aơ: “He ndâk njêng hom lĕ ƀon aơ, bât mpêr nâp văr jŭm ƀon, ƀư tŭm, ƀư mpông pêr geh rnăng nđăng. Bri dak ăt hôm jêng ndơ he, yorlah he hŏ tǐng joi jêh Yêhôva Brah Ndu he; he hŏ tǐng joi Păng, rĭ dĭng Păng ăn ma he nau đăp mpăn văr jŭm he.” Pôri khân păng ndâk njêng jêh ri hŏ dơi jêng.

II Nau Rêh Jêng 14:8

Y-Asa geh du phung tahan pe rsen nuyh phung Yuđa, hŏ ndrăp rǐng khêl jêh ri tak, bar rsen pham rmưn phung Benjamin, hŏ ndrăp khêl jêh ri na; lĕ rngôch jêng phung tahan janh ktang.

II Nau Rêh Jêng 25:6

Păng manh nkhôm đŏng du rsen nuyh phung tahan janh ktang tâm phung Israel, rnoh pe rbăn kilô prăk.

II Nau Rêh Jêng 26:13

Khân păng chiă uănh du phung tahan geh pe rsen pơh rbăn prăm rhiăng nuyh, lĕ rngôch jêng phung blau tâm lơh jêh ri janh ktang, kơl hađăch tâm rdâng đah phung rlăng.

Nau Ngluh Êjipt 18:25

Bơh tâm phung Israel, Y-Môis săch lĕ phung blau mĭn, ndâk khân păng jêng kôranh gay mât uănh ma rbăn nuyh, rhiăng nuyh, prăm jât nuyh, mâu lah ma jât nuyh.

Nau Kơp Bunuyh 1:3

ntơm bơh bar jât năm leo klơ, jêng lĕ rngôch bunuyh tâm phung Israel mra dơi hăn tâm lơh. May jêh ri Y-Arôn mra kơp khân păng tĭng nâm ăp phung.

I Samuel 8:12

Păng mra njêng ma khân păng ƀư kôranh chiă uănh toyh du rbăn nuyh mâu lah kôranh chiă uănh toyh ma prăm jât nuyh, mâu lah đă khân păng chuar lŏ, kăch roih, njêng ndơ tâm lơh jêh ri lĕ ndơ dŏng ma ndeh seh hađăch.