II Nau Rêh Jêng 24:27 - Nau Brah Ndu Ngơi 2023

²⁷ Bi ma nau kan ma phung kon bu klâu păng, lĕ nau mbơh lor tâm rdâng đah păng, jêh ri nau nkra tay ngih Brah Ndu bu nchih da dê tâm kô̆ nkoch bri ndrom samƀŭt Phung Hađăch. Y-Amasia, kon bu klâu păng, hao klơ sưng hađăch chiă uănh thoi păng.

II Nau Rêh Jêng 24:27 ပူးပေါင်းရင်းမြစ်များ

II Phung Hađăch 12:18

Y-Jôas, hađăch Yuđa, sŏk lĕ rngôch ndơ kloh ueh phung hađăch Yuđa jêng Y-Jôsaphat, Y-Jôram jêh ri Y-Ahasia hŏ prăp êng ma nau kloh ueh, ndrel ma lĕ rngôch ndơ kloh ueh jêng ndơ hađăch nơm hŏ nhhơr jêh, jêh ri lĕ rngôch mah tâm jay ngih Brah Yêhôva jêh ri tâm ngih hađăch gay djôt leo chê̆ lĕ ndơ nây ma Y-Hasael, hađăch Aram. Yor ri, Y-Hasael du ngai bơh Yêrusalem.

II Phung Hađăch 12:21

Bar hê phung oh mon hŏ lơh nkhĭt hađăch jêng Y-Jôsaƀat, kon Y-Simêat, jêh ri Y-Jêhôsaƀat, kon Y-Sômer. Bu tâp păng ndrel ma phung chô yau păng tâm ƀon Đavit. Jêh nây kon hađăch jêng Y-Amasia ntơm chiă uănh thoi ntrok păng.

I Nau Rêh Jêng 3:12

kon Y-Jôas jêng Y-Amasia, kon Y-Amasia jêng Y-Asaria, kon Y-Asaria jêng Y-Jôtham,

II Nau Rêh Jêng 13:22

Lĕ kan ƀaƀă Y-Abija ƀư, lĕ trong hăn jêh ri nau păng ƀư bu nchih da dê jêh tâm ndrom samƀŭt nơm mbơh lor Y-Idô nkoch bri.

II Nau Rêh Jêng 16:11

Lĕ kan Y-Asa ƀư bơh ntơm tât lôch bu nchih jêh tâm ndrom samƀŭt phung hađăch Yuđa jêh ri Israel.

II Nau Rêh Jêng 20:34

Lĕ kan ƀaƀă Y-Jôsaphat ƀư ntơm bơh saơm tât lôch, bu nchih da dê tâm ndrom samƀŭt Y-Jêhu, kon bu klâu Y-Hanani, jêh ri nau nkoch bri nây bu nchih prăp jêh tâm ndrom samƀŭt phung hađăch Israel.

II Nau Rêh Jêng 24:12

Hađăch jêh ri Y-Jêhôida jao prăk nây ma phung mât uănh nau kan ngih Brah Yêhôva. Khân păng nkhôm phung châm trah lŭ jêh ri phung trah si gay nkra tay ngih Brah Yêhôva; khân păng nkhôm đŏng phung pah kan ma loih jêh ri kông gay nkra ngih brah.

II Nau Rêh Jêng 24:26

Aơ jêng phung hŏ tâm rdâng đah hađăch: Y-Saƀat, kon bu klâu H'Simêat jêng bu ur Ammôn; jêh ri Y-Jêhôsaƀat, kon H'Simrit jêng bu ur Môap.

II Nau Rêh Jêng 25:1

Nôk hao jêng hađăch, Y-Amasia geh bar jât ma prăm năm jêh ri păng chiă uănh bar jât ma sĭn năm tâm ƀon Yêrusalem. Me păng amoh H'Jêhôađin, ƀon tơm ta Yêrusalem.

II Nau Rêh Jêng 9:29

Lĕ nau kan êng Y-Salômôn ƀư ntơm bơh saơm tât lôch nchih tâm ndrom samƀŭt nơm mbơh lor Y-Nathan, tâm ndrom samƀŭt mbơh lor Y-Ahija, bunuyh Silô, jêh ri tâm ndrom samƀŭt nau tâm saơ Y-Idô, nơm gĭt saơ lor nkoch ma Y-Jêrôbôam, kon bu klâu Y-Nêbat.