II Nau Rêh Jêng 24:21 - Nau Brah Ndu Ngơi 2023

²¹ Khân păng tâm rnglăp ndrel rdâng đah păng, jêh ri tĭng nâm nau hađăch ntrŭnh, khân păng klŭp păng ma lŭ tâm nkual toyh ngih Brah Yêhôva.

II Nau Rêh Jêng 24:21 ပူးပေါင်းရင်းမြစ်များ

I Phung Hađăch 21:13

Nôk nây, bar hê phung mhĭk văch gŭ panăp Y-Nabôt. Bar hê phung mhĭk nây phong mƀruh ma Y-Nabôt panăp phung ƀon lan pô aơ: “Y-Nabôt rak rtăp jêh ma Brah Ndu jêh ri ma hađăch.” Jêh nây khân păng njŭn leo păng luh padih ƀon jêh ri klŭp păng ma lŭ kŏ tât khĭt.

II Nau Rêh Jêng 25:16

Tâm nôk nơm mbơh lor dôl ngơi; hađăch lah ma păng: “Hên mâp dăp may jêng nơm kơl nchră ma hađăch? Găp hôm, gŭ klăk hom! May ŭch khĭt lĕ?” Nơm mbơh lor gŭ klăk, ƀiălah jêh nây păng lah tay: “Gâp gĭt Brah Yêhôva tâm nal ƀư rai may, yorlah may hŏ ƀư jêh nau aơ jêh ri mâu ŭch iăt ôh nau gâp nkah.”

Nêhêmi 9:26

Nđâp lah pônây, khân păng mâu tông bâr lĕ jêh ri tâm rdâng đah May, Chalơi nau vay Kôranh Brah pakơi, Nkhĭt phung nơm mbơh lor May, jêng phung mbơh ăn khân păng gay ăn khân păng plơ̆ sĭt tay ma Kôranh Brah, Jêh ri khân păng ƀư rngot lơ hâu lơn ma May.

Nau Mprơ Ơm 94:21

Khân păng tâm rgum gay ƀư mhĭk ma nau rêh bunuyh sŏng srăng Jêh ri tâm rmal nkhĭt phung mâu geh nau tih.

Yêrêmi 11:19

Bi gâp, nâm bu du mlâm kon biăp rdơ̆ rbăn Bu têk leo tât ntŭk bu sreh nkhĭt. Gâp mâu gĭt khân păng ŭch nchră tâm rdâng ma gâp. Khân păng lah: “Ƀư rai hom nđâp ma tơm jêh ri play, Mƀăr lơi păng bơh neh phung gŭ rêh, Gay mâu hôm nơm nkah tât amoh păng đŏng ôh.”

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 20:2

Y-Pashur dong nơm mbơh lor Y-Yêrêmi, nkông păng tâm mpông pêr Benjamin, jêng mpông pêr mpeh klơ tâm ngih Brah Yêhôva.

Yêrêmi 26:2

Brah Yêhôva lah pô aơ: “May gŭ dâk hom tâm ndring ngih Brah Yêhôva, mbơh lĕ rngôch nau Gâp ntĭnh jêh ăn ma may mra ngơi ma lĕ rngôch phung ƀon lan n'gor Yuđa hŏ văch yơk mbah tâm ngih Brah Yêhôva; mâu n'hŭch du rplay nau ngơi ôh.

Yêrêmi 26:21

Ƀiălah dôl hađăch Y-Jêhôjakim ndrel ma lĕ rngôch phung tahan janh ktang jêh ri lĕ rngôch phung kôranh tăng nau Y-Uri ngơi, pôri hađăch joi ŭch ƀư nkhĭt păng nây. Tăng nau nây, Y-Ur klach jêh ri nchuăt du rlet ma n'gor bri Êjipt.

Amôt 5:10

Khân păng tâm rmot ma nơm nduyh khân păng ta mpông ƀon, Jêh ri khân păng ntêh rmot ma nơm nănh ngơi nau nanê̆ ngăn.

Mathay 21:35

Ƀiălah khân păng nhŭp phung oh mon, lơh bunuyh aơ, nkhĭt bunuyh ri, jêh ri klŭp lŭ ma bunuyh tê̆.

Luka 11:51

nâm bu ntĭt ntơm bơh mham Y-Abel tât ta mham Y-Sakari, bu nkhĭt ta vah vang nơng ƀư brah jêh ri ntŭk kloh ueh. Di ngăn, Gâp lah ma khân may, bu mra dăn mham nây ma bunuyh rnôk aƀaơ aơ.

ហេឞ្រើ 11:37

Khân păng dơn nau bu klŭp ma lŭ, ot ma ndruih jêng bar buh, nkhĭt ma đao gưm; nsong mblêng ta aơ ta ri, nsoh ma ntâu biăp, ntâu be, pưt kƀah, bu tŭn jot jêh ri ƀư nau mhĭk.