II Nau Rêh Jêng 24:20 - Nau Brah Ndu Ngơi 2023

²⁰ Huêng Brah Brah Ndu tât Y-Sakari, kon bu klâu kôranh ƀư brah Y-Jêhôida. Păng gŭ tanăp phung ƀon lan jêh ri lah: “Brah Ndu lah: ‘Mâm ƀư khân may ƀư tih nau vay Brah Yêhôva ntăm? Khân may mâu mra dơi jêng yorlah khân may hŏ chalơi Brah Yêhôva, jêh ri Brah Yêhôva lĕ chalơi jêh khân may tâm ban lĕ.’ ”

II Nau Rêh Jêng 24:20 ပူးပေါင်းရင်းမြစ်များ

I Nau Rêh Jêng 12:18

Nôk nây, Huêng Brah nkŭm Y-Amasai, jêng kôranh ma phung pe jât bunuyh nây, ƀư ăn ma păng lah: “Hơi Y-Đavit, hên jêng phung may; Hơi kon bu klâu Y-Yêsê, hên gŭ mpeh ma may! Nau đăp mpăn, nau đăp mpăn ma may; Nau đăp mpăn ma phung kơl may! Yorlah Brah Ndu may kơl may!” Pônây Y-Đavit rom khân păng jêh ri njêng khân păng chiă uănh ma phung tahan păng.

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 12:5

Nơm mbơh lor Y-Sêmaya hăn tâm mâp đah Y-Rôbôam jêh ri đah phung kôranh chiă uănh Yuđa dôl gŭ tâm rƀŭn ta Yêrusalem gay du ndĕ bơh Y-Sisăk. Păng lah ma khân păng: “Brah Yêhôva lah: ‘Khân may lĕ chalơi jêh Gâp, pôri Gâp jao khân may tâm ti Y-Sisăk.’”

II Nau Rêh Jêng 20:14

Nôk nây ta nklang phung tâm rƀŭn, Huêng Brah Yêhôva jŭr gŭ ta Y-Jahasiêl, kon bu klâu Y-Sakari, sau Y-Bênaya, se Y-Jêiêl, săn Y-Matania, jêng bunuyh Lêvi bơh noi deh Y-Asap.

II Nau Rêh Jêng 23:11

Păng njŭn leo kon bu klâu hađăch luh, ndô đon hađăch klơ bôk păng, jêh ri ăn samƀŭt Nau Tâm Rnglăp ma păng; jêh ri n'hao păng ƀư hađăch. Y-Jêhôida jêh ri phung kon bu klâu păng tŏ dak ƀâu kah ma Y-Jôas, jêh nây nter lah: “Hađăch gŭ rêh n'ho ro!”

II Nau Rêh Jêng 24:24

Nđâp tơlah, phung tahan Aram văch knŏng djê̆ bunuyh, ƀiălah Brah Yêhôva hŏ jao jêh du phung tahan âk ngăn tâm ti phung Aram, yorlah khân păng hŏ chalơi jêh Yêhôva Brah Ndu phung chô yau khân păng. Pônây, phung Aram tâm rmal Y-Jôas.

II Nau Rêh Jêng 25:16

Tâm nôk nơm mbơh lor dôl ngơi; hađăch lah ma păng: “Hên mâp dăp may jêng nơm kơl nchră ma hađăch? Găp hôm, gŭ klăk hom! May ŭch khĭt lĕ?” Nơm mbơh lor gŭ klăk, ƀiălah jêh nây păng lah tay: “Gâp gĭt Brah Yêhôva tâm nal ƀư rai may, yorlah may hŏ ƀư jêh nau aơ jêh ri mâu ŭch iăt ôh nau gâp nkah.”

II Nau Rêh Jêng 29:8

Yor ri, nau Brah Yêhôva ji nuih tât ma Yuđa jêh ri Yêrusalem; Păng jao khân păng ma nau klach krit ngăn, nau roh rai, nau bu gơm mưch, tĭng nâm măt khân may nơm lĕ saơ jêh.

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Yêrêmi 26:2

Brah Yêhôva lah pô aơ: “May gŭ dâk hom tâm ndring ngih Brah Yêhôva, mbơh lĕ rngôch nau Gâp ntĭnh jêh ăn ma may mra ngơi ma lĕ rngôch phung ƀon lan n'gor Yuđa hŏ văch yơk mbah tâm ngih Brah Yêhôva; mâu n'hŭch du rplay nau ngơi ôh.

Yêrêmi 4:18

“Trong jêh ri nau kan may Hŏ ƀư ăn may lĕ nau nây. Nây jêng nau nglĕ dŭt rêh ni may, rngot ngăn ngên! Rngot ngăn ngên kŏ tât tâm trôm nuih n'hâm.”

Yêrêmi 5:19

Dôl khân păng lah: ‘Mâm ƀư Yêhôva Brah Ndu he ntrŭnh lĕ nau nây ta klơ phung he?’ pôri may ngơi hom đah khân păng pô aơ: ‘Khân may hŏ chalơi Gâp jêh ri pah kan lĕ brah bu năch tâm neh may nơm mâm ƀư, lĕ khân may ăt mra pah kan ma phung ƀon lan bu năch tâm n'gor mâu di bri phung khân may tâm ban lĕ.’

Yêrêmi 5:25

Nau djơh mhĭk phung khân may hŏ king lĕ nau aơ, Nau tih khân may ƀư khân may mâu dơi geh nau ueh uĭn.

Amôt 5:10

Khân păng tâm rmot ma nơm nduyh khân păng ta mpông ƀon, Jêh ri khân păng ntêh rmot ma nơm nănh ngơi nau nanê̆ ngăn.

Nau Kơp Bunuyh 14:41

Ƀiălah Y-Môis lah: “Mâm khân may rlau nau ntăm Brah Yêhôva? Nau nây mâu mra dơi jêng ôh.

Mathay 23:35

gay ăn ma mham phung sŏng srăng hoch luh jêh ta neh ntu mra nkhŭt ta khân may da dê, ntơm bơh mham Y-Abel mâu geh nau tih tât ta mham Y-Sakari jêng kon bu klâu Y-Baraki, nơm khân may nkhĭt jêh tâm vah vang Ntŭk Kloh Ueh jêh ri nơng ƀư brah.

Luka 11:51

nâm bu ntĭt ntơm bơh mham Y-Abel tât ta mham Y-Sakari, bu nkhĭt ta vah vang nơng ƀư brah jêh ri ntŭk kloh ueh. Di ngăn, Gâp lah ma khân may, bu mra dăn mham nây ma bunuyh rnôk aƀaơ aơ.

Nau Vay Nkah Tay 31:17

Tâm nar nây, Gâp mra ji nuih ma khân păng. Gâp mra chalơi khân păng jêh ri pôn muh măt Gâp ma khân păng, bu mra kăp rvăn khân păng kđôi jêh ri âk ntil nau mhĭk, nau uh ah tât ma khân păng. Tâm nar nây, khân păng mra lah: ‘Mâu di hĕ nau mhĭk aơ tât ma gâp yorlah Brah Ndu mâu ŭch gŭ ta nklang gâp mâu?’

Phung Kôranh Phat Dôih 6:34

Huêng Brah Yêhôva nkŭm Y-Gidêôn; păng uh nŭng, kuăl lĕ phung Abiêser hăn tĭng ndô̆ păng.