II Nau Rêh Jêng 24:2 - Nau Brah Ndu Ngơi 2023

² Y-Jôas ƀư nau di tanăp măt Brah Yêhôva tâm lĕ rnôk rô̆ kôranh ƀư brah Y-Jêhôida hôm rêh.

II Nau Rêh Jêng 24:2 ပူးပေါင်းရင်းမြစ်များ

II Phung Hađăch 12:2

Bơh kôranh ƀư brah Y-Jêhôida ntĭm nti, Y-Jôas ƀư nau di tanăp măt Brah Yêhôva du njăr rêh păng.

II Nau Rêh Jêng 24:3

Y-Jêhôida joi bar hê ur ma Y-Jôas, păng geh phung kon bu klâu jêh ri phung kon bu ur.

II Nau Rêh Jêng 25:2

Păng ƀư nau di tanăp măt Brah Yêhôva, ƀiălah nuih n'hâm mâu dơi jêng kloh rsang ngăn ôh.

Êsai 29:13

Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Êsêkiêl 18:24

Ƀiălah tơlah bunuyh sŏng srăng chalơi nau sŏng srăng păng jêh ri ƀư tih, ƀư nau ƀơ̆ ƀơch nâm bu phung ƀai hŏ ƀư, bunuyh nây dơi geh nau rêh lĕ? Mâu, mâu geh du ntil nau sŏng srăng păng hŏ ƀư dơi kah gĭt tay. Yor nau mâu răp jăp jêh ri nau tih păng hŏ ƀư yor nây păng mra khĭt.’