II Nau Rêh Jêng 24:19 - Nau Brah Ndu Ngơi 2023

¹⁹ Brah Yêhôva đă phung nơm mbơh lor tât ma khân păng, gay njŭn leo khân păng plơ̆ tay ma Brah Yêhôva, ƀiălah khân păng mâu iăt ôh.

II Nau Rêh Jêng 24:19 ပူးပေါင်းရင်းမြစ်များ

II Nau Rêh Jêng 36:13

Păng tâm rdâng đŏng đah hađăch Nêbukatnetsar, jêng nơm hŏ nchâp păng sơm ton ma amoh Brah Ndu. Păng plơ̆ jêng dăng bôk jêh ri kranh nuih n'hâm, mâu ŭch plơ̆ sĭt ma Yêhôva Brah Ndu Israel.

Nêhêmi 9:26

Nđâp lah pônây, khân păng mâu tông bâr lĕ jêh ri tâm rdâng đah May, Chalơi nau vay Kôranh Brah pakơi, Nkhĭt phung nơm mbơh lor May, jêng phung mbơh ăn khân păng gay ăn khân păng plơ̆ sĭt tay ma Kôranh Brah, Jêh ri khân păng ƀư rngot lơ hâu lơn ma May.

Nêhêmi 9:30

Kôranh Brah srôih nuih đah khân păng âk năm. Jêh ri mbơh ăn khân păng njrăng đah Brah Huêng jêh ri phung nơm mbơh lor May. Ƀiălah khân păng mâu rkêng tôr iăt ôh Rĭ dĭng Kôranh Brah jao khân păng tâm ti lĕ ntil mpôl bunuyh rêh gŭ tâm n'gor.

Êsai 28:23

Rkêng hom tôr gay iăt bâr gâp; Rkêng tôr hom jêh ri iăt nau gâp ngơi!

Êsai 42:23

Mbu nơm tâm phung khân may rkêng tôr iăt ma nau aơ, Mbu nơm rkêng tôr iăt gay ma gĭt lĕ nau mra tât tâm nar kăndơ̆?

Êsai 51:4

Ơ phung ƀon lan Gâp, iăt hom Gâp; Ơ bri dak Gâp, rkêng hom tôr ma Gâp! Yorlah nau vay mra luh bơh Gâp, Jêh ri nau sŏng Gâp mra jêng nau ang ma phung ndŭl mpôl bunuyh.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Yêrêmi 25:3

“Hŏ bar jât ma pe năm ntơm bơh năm rơh jât ma pe rô̆ Y-Jôsia, kon bu klâu Y-Amôn, hađăch n'gor Yuđa, tât ma nar aơ, nau Brah Yêhôva hŏ lah ma gâp, jêh ri gâp hŏ ngơi mâu rlu ma khân may, ƀiălah khân may mâu ŭch iăt ôh.

Yêrêmi 25:7

Brah Yêhôva lah: ‘Ƀiălah khân may mâu iăt Gâp ôh, sŏk ma kan ti khân may ƀư nsônh nuih Gâp ăn tât nau mhĭk ma khân may nơm.’

Yêrêmi 25:8

Yor nây, Brah Yêhôva ma phung tahan lah: ‘Yorlah khân may mâu iăt ôh nau Gâp ngơi,

Yêrêmi 26:5

tơlah khân may mâu iăt nau phung oh mon Gâp, jêng phung nơm mbơh lor ngơi Gâp prơh hăn tât ma khân may âk tơ̆, khân may ơm mâu ŭch iăt ôh,

Sakari 1:4

Lơi ta ƀư nâm bu phung chô yau khân may, phung nơm mbơh lor kăl e hŏ kuăl jêh khân păng, Brah Yêhôva ma phung tahan lah: ‘Chalơi hom trong mhĭk jêh ri nau djơh janh khân may ƀư.’ Ƀiălah khân păng mâu iăt ôh, mâu lĕ ŭch gŭ mĭn ma Gâp. Pôri Brah Yêhôva lah.

Mathay 13:9

Mbu nơm geh tôr, rkêng iăt hom!”

Luka 16:31

Y-Abraham plơ̆ lah: ‘Tơlah khân păng mâu iăt nau Y-Môis ngơi jêh ri nau phung nơm mbơh lor ngơi, nđâp tơlah geh bunuyh khĭt dâk rêh tay, khăn păng mâu lĕ chroh.’ ”