II Nau Rêh Jêng 24:18 - Nau Brah Ndu Ngơi 2023

¹⁸ chalơi ngih Yêhôva Brah Ndu phung chô yau khân păng, jêh ri pah kan ma phung brah Asêrah jêh ri ma phung rup brah êng. Yor nau tih nây, nau Kôranh Brah ji nuih tât ta phung Yuđa jêh ri phung ƀon Yêrusalem.

II Nau Rêh Jêng 24:18 ပူးပေါင်းရင်းမြစ်များ

II Samuel 24:1

Du tơ̆ đŏng, Brah Yêhôva ji nuih ma phung Israel. Păng nsŭk nsôr Y-Đavit ƀư nau mhĭk ma khân păng jêh ri lah: “Kơp hom rnoh phung Israel jêh ri phung Yuđa.”

I Phung Hađăch 14:23

Khân păng ndâk đŏng ăn ma khân păng nơm lĕ ntŭk prêh klơ, n'gâng mbah jêh ri rup brah Asêrah ta klơ lĕ gôl yôk prêh jêh ri tâm dâng lĕ tơm si dŭt pŭm.

I Phung Hađăch 14:9

Ƀiălah may hŏ ƀư nau mhĭk jêh rlau lơn ma phung lor panăp may, njêng ma may nơm phung brah êng, rup tŏ chiăr gay nsônh nau ji nuih Gâp jêh ri dun mƀăr lơi Gâp.

II Nau Rêh Jêng 12:1

Tơlah bri dak Y-Rôbôam chiă uănh jêng nâp jêh ri ktang jêh, păng nđâp ma phung Israel chalơi lĕ nau vay Brah Yêhôva.

II Nau Rêh Jêng 12:2

Yorlah khân păng ƀư tih đah Brah Yêhôva, tâm năm rơh prăm rnôk rô̆ hađăch Rôbôam, Y-Sisăk, hađăch n'gor Êjipt, leo phung tahan hăn lơh Yêrusalem.

II Nau Rêh Jêng 19:2

Nơm geh nau tâm saơ Y-Jêhu, kon Y-Hanani, hăn tâm mâp đah Y-Jôsaphat jêh ri lah: “Di lĕ may hŏ kơl nơm djơh mhĭk jêh ri rŏng ma phung tâm rmot Brah Yêhôva? Yor nau nây, nau Brah Yêhôva ji nuih tât ma may.

II Nau Rêh Jêng 21:13

ƀiălah may hŏ hăn tĭng trong phung hađăch Israel, ƀư ăn phung Yuđa jêh ri phung gŭ tâm ƀon Yêrusalem yơk mbah rup brah nâm bu ngih Y-Ahap hŏ ƀư. Rlau lơn ma nĕ, may hŏ nkhĭt jêh phung oh nâu may bơh ngih mbơ̆ may, jêng phung ueh lơn ma may.

II Nau Rêh Jêng 22:4

Păng ƀư nau mhĭk tanăp măt Brah Yêhôva, nâm bu ngih Y-Ahap hŏ ƀư jêh. Yorlah jêh mbơ̆ păng khĭt jêh, phung ngih Y-Ahap jêng phung ƀư nau ndơm ma păng tât nau rai lôch.

II Nau Rêh Jêng 24:17

Lah Y-Jêhôida hŏ khĭt jêh, phung kôranh Yuđa văch tâm mâp đah hađăch. Bơh nĕ, hađăch iăt tĭng nau khân păng,

II Nau Rêh Jêng 24:4

Jêh nau nây, Y-Jôas geh nau mĭn nkra tay ngih Brah Yêhôva.

II Nau Rêh Jêng 25:15

Yor ri, Brah Yêhôva ji nuih ma Y-Amasia, Păng njuăl du huê nơm mbơh lor hăn tât lah ma păng: “Mâm ƀư may hăn joi ma phung brah mâu dơi tâm rklaih phung ƀon lan khân păng nơm bơh ti may?”

II Nau Rêh Jêng 28:13

Khân păng lah: “Khân may lơi dĭng leo bu nă lăp ta aơ ôh, yorlah ƀư kơt nây, khân may ƀư ma he khan nau tih đah Brah Yêhôva, jêh ri ntop đŏng nau tih mhĭk ma phung he lơ hô. Yorlah nau tih he jêng toyh ngăn, jêh ri nau ji nuih dôl gŭ klơ phung Israel.”

II Nau Rêh Jêng 29:8

Yor ri, nau Brah Yêhôva ji nuih tât ma Yuđa jêh ri Yêrusalem; Păng jao khân păng ma nau klach krit ngăn, nau roh rai, nau bu gơm mưch, tĭng nâm măt khân may nơm lĕ saơ jêh.

II Nau Rêh Jêng 32:25

Ƀiălah Y-Hêsêkia mâu kah gĭt lah ueh nau Brah Yêhôva ƀư jêh ma păng, yorlah nuih n'hâm păng sưr yor nây Kôranh Brah ji nuih tât ma păng nđâp ma phung Yuđa jêh ri Yêrusalem.

II Nau Rêh Jêng 34:25

Yorlah khân păng chalơi jêh Gâp, gŭch ndơ ƀâu kah ăn ma phung brah êng, sŏk lĕ rngôch kan ti khân păng ƀư gay nsônh nau Gâp ji nuih, yor ri yơh nau ji nuih Gâp mra nkhŭt ta ntŭk aơ, mâu dơi rhân ôh.’

Nau Ngluh Êjipt 34:12

Njrăng hom, lơi ƀư nau tâm rnglăp đah phung ƀon lan gŭ tâm n'gor khân may mra lăp, klach lah khân păng mra jêng dăk sân ma may.

Nau Ngluh Êjipt 34:13

Ƀiălah ăn khân may ƀư rai lơi nơng ƀư brah, mbang nchah rai lĕ n'gâng mbah jêh ri kăl lơi lĕ rup khân păng.

Yêrêmi 17:2

Gay kon sau khân păng kah gĭt tay ma nơng ƀư brah Jêh ri lĕ n'gâng mbah Asêrim, Êp lĕ pŭm si âk n'ha Ta klơ lĕ dor prêh.

Ndrom Samƀŭt bơh Ôsê 5:14

Yorlah gâp mra jêng nâm bu du mlâm yau mŭr ma Êphraim, Nâm bu du mlâm yau mŭr kon ma ngih Yuđa. Gâp nơm yơh mra sa hêk jêh nây hăn du; Gâp mra djôt leo, jêh ri mâu geh ôh nơm dơi sâm rklaih.

Êphêsô 5:6

Lơi ăn bu ndơm khân may ma nau mâu khlay ôh; yor bơh nau nây yơh nau Brah Ndu ji nuih nkhŭt tŭp ta noi deh mâu tông bâr.

Yôsuê 22:20

Mâu di hĕ Y-Akan, kon bu klâu Y-Sêra hŏ ƀư tih mâu răp jăp ôh yor ndơ prăp ma nau ƀư rai jêh, dĭng nau ji nuih Brah Yêhôva hao tât ma lĕ phung Israel tâm rƀŭn? Jêh ri mâu di knŏng du huê păng nơm ôh khĭt yor nau kue păng!’”

Phung Kôranh Phat Dôih 5:8

Nôk bu hŏ săch jêh phung brah mhe, Ri mơ nau tâm lơh tât ta mpông ƀon. Tâm puăn jât rbăn nuyh tâm phung Israel Mbu moh saơ khêl mâu lah đao?

Phung Kôranh Phat Dôih 8:33

Jêh Y-Gidêôn khĭt, phung ƀon lan Israel plơ̆ tay ƀư tih văng tĭr ma phung brah Baal jêh ri yơk mbah ma Baal-Bêrit jêng brah khân păng.