II Nau Rêh Jêng 24:14 - Nau Brah Ndu Ngơi 2023

¹⁴ Lah ƀư lôch jêh, khân păng leo prăk hôm e rmeh tât tanăp măt hađăch jêh ri Y-Jêhôida. Bu dŏng prăk nây ƀư lĕ ndơ dŏng ma ngih Brah Yêhôva, jêng lĕ ndơ dŏng prăp ma nau yơk mbah jêh ri nhhơr ndơ ƀư brah gŭch, kachok jêh ri lĕ ndơ dŏng ma mah jêh ri prăk. Lôch nau rêh Y-Jêhôida, bu nhhơr ƀaƀơ ndơ ƀư brah gŭch ta ngih Brah Yêhôva.

II Nau Rêh Jêng 24:14 ပူးပေါင်းရင်းမြစ်များ

I Phung Hađăch 7:50

lĕ ngan grưng, katrei nkăp brai ŭnh kađen, khăl, ngan pala dơm buh jêh ri ngan pala dơm ônh rnga ƀư ma mah chrêk da dê; lĕ lăk-lê khan mpông lăp tâm trôm dŭt ngih brah, jêng Ntŭk Dŭt Kloh Ueh, jêh ri mpông luh lăp ngih brah ƀư đŏng ma mah da dê.

II Phung Hađăch 25:12

Kôranh phung tahan gak knŏng ăn tâm n'gor phung o ach lơn gay khân păng tăm đang krăk ƀâu jêh ri ƀư mir.

II Phung Hađăch 25:15

Kôranh phung tahan gak sŏk đŏng jêh ri djôt leo lĕ khăl gŭch ndơ ƀâu kah, ngan grưng, jêh ri lĕ ndơ ma mah, ma prăk.

I Nau Rêh Jêng 23:31

Ăp nar saƀat, nar rƀŭn khay mhe, jêh ri lĕ nar rƀŭn toyh, khân păng kơl mro nhhơr tanăp măt Brah Yêhôva lĕ ndơ ƀư brah gŭch, nhhơr ƀaƀơ ma Brah Yêhôva tĭng nâm nau vay ma ndơ ƀư brah.

II Nau Rêh Jêng 2:3

Y-Salômôn njuăl nơm mbơh hăn gay lah ma Y-Hiram, hađăch ƀon Tyre: “May hŏ ăn jêh tơm si sêdar ma Y-Đavit, mbơ̆ gâp, gay ndâk ngih hađăch, pônây lĕ sâm ƀư ăn ma gâp đŏng.

II Nau Rêh Jêng 24:13

Pôri, lĕ rngôch phung blau nây ƀư nau kan, jêh ri tă bơh nĕ nau kan nkra tay ngih brah dơi ƀư lôch. Khân păng nkra tay ngih Brah Ndu tâm ban nâm ơm jêh ri ƀư ăn nâp lơn.

II Nau Rêh Jêng 24:15

Nôk nây, Y-Jêhôida lĕ ranh, âk năm jêh ri păng khĭt; ta nar păng khĭt, păng geh du rhiăng pe jât năm.

II Nau Rêh Jêng 31:2

Hađăch Hêsêkia ndâk tay nau dăp ma phung Lêvi, tĭng nâm nau kan ăp nơm gay nhhơr ndơ ƀư brah gŭch jêh ri ndơ ƀư brah ma nau đăp mpăn, jêh ri pah kan, lah ueh, mprơ tâm rnê Păng ta lĕ ntŭk mpông pêr ngih Brah Yêhôva.

Nau Ngluh Êjipt 36:5

Khân păng hăn tâm mâp đah Y-Môis jêh ri lah: “Phung ƀon lan hăn njŭn lĕ rlau ĭr ma nau kan Yêhôva ntĭnh jêh mra ƀư.”

Nau Hôr 27:22

Nđâp lah may sŏk rnai juh bunuyh rluk tâm mpăl juh nsum ndrel phe, Pôri nau rluk kŏ mâu chalơi lĕ bơh păng.