II Nau Rêh Jêng 24:13 - Nau Brah Ndu Ngơi 2023

¹³ Pôri, lĕ rngôch phung blau nây ƀư nau kan, jêh ri tă bơh nĕ nau kan nkra tay ngih brah dơi ƀư lôch. Khân păng nkra tay ngih Brah Ndu tâm ban nâm ơm jêh ri ƀư ăn nâp lơn.

II Nau Rêh Jêng 24:13 ပူးပေါင်းရင်းမြစ်များ

I Nau Rêh Jêng 22:5

Y-Đavit lah: “Y-Salômôn, kon bu klâu gâp, hôm ndăm jêh ri ê hŏ blau kan, ƀiălah ngih brah mra ndâk ma Brah Yêhôva toyh ngăn ngên, chrêk rmah jêh ri lư n'găr lam bri dak. Pônây, gâp mra ndrăp ma păng.” Yor ri, Y-Đavit ndrăp âk ngăn ndơ dŏng êlor păng khĭt.

II Nau Rêh Jêng 24:12

Hađăch jêh ri Y-Jêhôida jao prăk nây ma phung mât uănh nau kan ngih Brah Yêhôva. Khân păng nkhôm phung châm trah lŭ jêh ri phung trah si gay nkra tay ngih Brah Yêhôva; khân păng nkhôm đŏng phung pah kan ma loih jêh ri kông gay nkra ngih brah.

II Nau Rêh Jêng 24:14

Lah ƀư lôch jêh, khân păng leo prăk hôm e rmeh tât tanăp măt hađăch jêh ri Y-Jêhôida. Bu dŏng prăk nây ƀư lĕ ndơ dŏng ma ngih Brah Yêhôva, jêng lĕ ndơ dŏng prăp ma nau yơk mbah jêh ri nhhơr ndơ ƀư brah gŭch, kachok jêh ri lĕ ndơ dŏng ma mah jêh ri prăk. Lôch nau rêh Y-Jêhôida, bu nhhơr ƀaƀơ ndơ ƀư brah gŭch ta ngih Brah Yêhôva.

Nêhêmi 4:7

Ƀiălah tơlah Y-Sanbalat, Y-Tôbia, phung Arabi, phung Ammôn jêh ri phung Asdôt tăng nau ndâk nkra mpêr ƀon Yêrusalem lơ hao jêh ri lĕ ntŭk bluh lĕ tâm jĭr ndrel jêh, khân păng ji nuih hâu ngăn.

Nau Ngluh Êjipt 36:4

yor ri lĕ phung bunuyh gĭt blau dôl ƀư lĕ nau kan ma Ngih Brah Kloh Ueh, khăn păng gŭ nsrŭng.

Ndrom Samƀŭt bơh Agê 2:3

‘Mbu tâm khân may jêng bunuyh hôm e hŏ tă saơ nau chrêk rmah ngih brah aơ ntơm saơm? Jêh ri aƀaơ, mâm khân may saơ păng? Mâu di bơh jêng tâm dâng măt khân may, păng mâu hôm đŏng geh du ntil ndơ?’