II Nau Rêh Jêng 24:12 - Nau Brah Ndu Ngơi 2023

¹² Hađăch jêh ri Y-Jêhôida jao prăk nây ma phung mât uănh nau kan ngih Brah Yêhôva. Khân păng nkhôm phung châm trah lŭ jêh ri phung trah si gay nkra tay ngih Brah Yêhôva; khân păng nkhôm đŏng phung pah kan ma loih jêh ri kông gay nkra ngih brah.

II Nau Rêh Jêng 24:12 ပူးပေါင်းရင်းမြစ်များ

II Samuel 5:11

Y-Hiram, hađăch ƀon Tyre, prơh phung mbơh hăn tât ma Y-Đavit, djôt leo tơm si sêdar, jêh ri phung trah si, phung tơng châm lŭ gay rdâk ngih hađăch ma Y-Đavit.

I Phung Hađăch 5:15

Y-Salômôn geh pơh rmưn bunuyh tung ndơ jâk jêh ri pham rmưn bunuyh châm trah lŭ ta klơ yôk.

II Nau Rêh Jêng 24:11

Lah saơ tâm hip bêng prăk, phung Lêvi djôt jao ma phung pah kan ma hađăch. Nơm nchih samƀŭt ma hađăch jêh ri bunuyh pah kan ma kôranh ƀư brah toyh lơn văch nkhŭt prăk tâm hip nây, jêh nây djôt leo mplơ̆ sĭt hip ma ntŭk ơm. Ăp nar, khân păng ƀư kơt nĕ jêh ri riu prăp âk râk ngăn.

II Nau Rêh Jêng 24:13

Pôri, lĕ rngôch phung blau nây ƀư nau kan, jêh ri tă bơh nĕ nau kan nkra tay ngih brah dơi ƀư lôch. Khân păng nkra tay ngih Brah Ndu tâm ban nâm ơm jêh ri ƀư ăn nâp lơn.

II Nau Rêh Jêng 24:27

Bi ma nau kan ma phung kon bu klâu păng, lĕ nau mbơh lor tâm rdâng đah păng, jêh ri nau nkra tay ngih Brah Ndu bu nchih da dê tâm kô̆ nkoch bri ndrom samƀŭt Phung Hađăch. Y-Amasia, kon bu klâu păng, hao klơ sưng hađăch chiă uănh thoi păng.

II Nau Rêh Jêng 34:8

Tâm năm rơh jât ma pham rnôk rô̆ păng chiă uănh, lah păng hŏ ƀư kloh jêh bri dak jêh ri ngih brah, păng đă Y-Saphan (kon bu klâu Y-Asalia), Y-Maseya (kôranh chiă uănh ƀon), jêh ri Y-Jôa (kon bu klâu Y-Jôahas, kôranh kâp nchih lĕ nau tât) nkra tay ngih Brah Yêhôva Brah Ndu.