II Nau Rêh Jêng 23:7 - Nau Brah Ndu Ngơi 2023

⁷ Phung Lêvi mra gŭ jŭm hađăch, ăp nơm djôt ndơ tâm lơh tâm ti, mbu nơm lăp tâm ngih brah bu mra nkhĭt. Lĕ phung khân may hăn gŭ êp meng hađăch tơlah păng hăn luh hăn lăp.”

II Nau Rêh Jêng 23:7 ပူးပေါင်းရင်းမြစ်များ

II Nau Rêh Jêng 23:6

Lơi ăn du huê lăp ôh tâm ngih Brah Yêhôva, knŏng ma phung kôranh ƀư brah jêh ri phung Lêvi gŭ pah kan; khân păng dơi lăp, yorlah khân păng jêng phung kloh ueh. Bi lĕ rngôch phung ƀon lan mra djôt prăp da dê nau ntrŭnh bơh Brah Yêhôva.

II Nau Rêh Jêng 23:8

Phung Lêvi jêh ri lĕ rngôch phung Yuđa ƀư tĭng nâm lĕ nau kôranh ƀư brah Y-Jêhôida ntĭnh jêh. Ăp nơm mât mray phung băl păng, nđâp lah phung ntơm tâm pah kan nar saƀat mâu lah phung ƀư lôch jêh pah kan tâm nar saƀat, yorlah kôranh ƀư brah Y-Jêhôida mâu ăn sĭt rlu ôh.

Nau Ngluh Êjipt 21:14

Tơlah du huê ndra ŭch rduh lơh jêh ri ndra ŭch tâm nkhĭt bunuyh chiau meng păng, ăn khân may têk păng luh bơh nơng ƀư brah Gâp jêh ri nkhĭt păng.

Nau Kơp Bunuyh 3:10

Pôri may mra dơm ma Y-Arôn jêh ri phung kon bu klâu păng ƀư nau pah kan kôranh ƀư brah, bi phung êng văch dăch, ăn bu nkhĭt păng.”

Nau Kơp Bunuyh 3:38

Phung ndâk ngih bok panăp Ngih Bok mpeh luh nar, panăp Ngih Bok Nau Tâm Rƀŭn mpeh luh nar jêh, jêng Y-Môis, Y-Arôn jêh ri phung kon bu klâu păng. Khân păng djôt kan chiă uănh ntŭk kloh ueh ntrok an ma phung ƀon lan Israel. Phung êng hăn dăch nây mra khĭt.