II Nau Rêh Jêng 23:13 - Nau Brah Ndu Ngơi 2023

¹³ Păng uănh saơ hađăch gŭ dâk klơ knưl ta mpông ntŭk lăp, kôranh chiă uănh toyh jêh ri phung bunuyh uh nŭng gŭ dâk êp kêng hađăch, bi lĕ rngôch phung ƀon lan tâm n'gor hâk răm uh nŭng da dê, jêh ri phung mprơ ndrel lĕ ntil gong tâm rnê da dê. Saơ pônây, H'Athali nkhêk ao păng ro jêh ri nter: “Nau ƀlêp ƀlêr! Nau ƀlêp ƀlêr!”

II Nau Rêh Jêng 23:13 ပူးပေါင်းရင်းမြစ်များ

II Phung Hađăch 11:14

Păng saơ hađăch gŭ dâk êp meh n'gâng prêh tĭng nâm nau vay rƀŭn, geh phung kôranh jêh ri phung bunuyh uh nŭng gŭ dâk êp kêng hađăch. Lĕ rngôch phung ƀon lan tâm n'gor hâk răm da dê ta nklang bâr nŭng huy ngăn. H'Athali nkhêk ao păng ro jêh ri nter: “Nau ƀlêp ƀlêr! Nau ƀlêp ƀlêr ro yơh!”

II Phung Hađăch 23:3

Hađăch dâk tâm knưl prêh jêh ri ƀư nau tâm rnglăp tanăp Brah Yêhôva, ton chuat tĭng Brah Yêhôva, jêh ri ma lĕ nuih n'hâm, ma lĕ huêng djôt prăp lĕ nau vay ntăm, nau ntrŭnh, jêh ri nau vay dăp bơh Păng, gay ƀư tĭng nau ngơi ma nau tâm rnglăp hŏ nchih jêh tâm ndrom samƀŭt aơ. Lĕ rngôch phung ƀon lan ton nanê̆ da dê ƀư nau tâm rnglăp nây.

II Phung Hađăch 9:13

Ăp nơm sŏk ndal ao jâr păng nơm lăk tâm dâng jâng Y-Jêhu, ta klơ ntung gung. Jêh nây khân păng uh nŭng jêh ri mbơh pô aơ: “Y-Jêhu jêng hađăch!”

II Phung Hađăch 9:23

Y-Jôram plĕch ro ndeh seh nchuăt du, jêh ri mbơh ma Y-Ahasia: “Hơi Y-Ahasia, geh nau tâm rdâng jêh!”

I Nau Rêh Jêng 12:40

Bơh lĕ nkual chiau meng tât neh Isakar, Sabulôn, jêh ri Naptali, lĕ rngôch bunuyh djôt leo ndơ sông sa; khân păng sŏk seh, seh samô, seh bri, jêh ri sŏk ndrôk rdeng piăng let, rnih môi, ƀănh play rvi, ƀănh play krăk ƀâu kro, ndrănh, dak ngi ôlive, jêh ri âk ngăn ndrôk jêh ri biăp. Nau răm maak lam phung Israel.

I Nau Rêh Jêng 15:24

Y-Sêbania, Y-Jôsaphat, Y-Nêthanel, Y-Amasai, Y-Sakari, Y-Bênaya, jêh ri Y-Êliêser jêng phung kôranh ƀư brah mra uh nŭng tanăp Hip Nau Tâm Rnglăp Brah Ndu; Bi Y-Ôbet-Êđôm jêh ri Y-Jêhia tâm ban đŏng jêng phung mât njrăng mpông pêr ma Hip Nau Tâm Rnglăp.

I Nau Rêh Jêng 15:27

Y-Đavit jêh ri lĕ rngôch phung Lêvi tung Hip Nau Tâm Rnglăp, phung mprơ jêh ri kôranh ma phung mprơ jêng Y-Kênania nsoh da dê ao jâr bok mhay rhên. Y-Đavit nsoh tay êphôt ƀư ma bok mhay.

II Nau Rêh Jêng 23:12

Lah H'Athali tăng nteh phung ƀon lan ƀă nchuăt ƀă mât ton ma hađăch, păng hăn tât tâm mâp ma phung ƀon lan gŭ tâm ngih Brah Yêhôva.

II Nau Rêh Jêng 23:14

Kôranh ƀư brah Y-Jêhôida ntĭnh ma phung kôranh chiă uănh toyh ma rhiăng nuyh tahan, jêng phung geh nau kan chiă uănh ma phung tahan, hăn luh jêh ri ntăm ma khân păng: “Njŭn hom păng luh bơh ngih brah, ta nklang phung tahan! Mbu moh tĭng păng bu mra nkhĭt lơi ma đao.” Yorlah kôranh ƀư brah hŏ ntĭm jêh: “Lơi nkhĭt ôh păng tâm ngih Brah Yêhôva.”

II Nau Rêh Jêng 34:31

Hađăch dâk tâm knưl păng jêh ri ƀư nau tâm rnglăp tanăp Brah Yêhôva, ton chuat tĭng Brah Yêhôva ma lĕ nuih n'hâm, lĕ nau mĭn djôt prăp lĕ nau vay Păng ntăm, nau Păng mbơh, jêh ri nau vay Păng dăp, gay ƀư tĭng nau ngơi ma tâm rnglăp hŏ nchih jêh tâm ndrom samƀŭt aơ.

Nau Mprơ Ơm 14:5

Ta nây, khân păng geh nau klach krit hâu ngăn, Yorlah Brah Ndu koh dŏng noi deh bunuyh sŏng srăng.

Nau Hôr 11:10

Lah bunuyh sŏng srăng geh nau ueh uĭn, lĕ rngôch toyh răm maak, Jêh ri lah phung ƀai rai yot pôri geh bâr troh rhơn.

Nau Hôr 29:2

Lah bunuyh sŏng srăng bĭk rơ̆ phung ƀon lan răm rhơn, Ƀiălah nôk phung djơh chiă uănh, phung ƀon lan lŭng nter.

Nơm Nti 9:12

Kon bunuyh mâu gĭt nôk găl ma păng nơm. Nâm bu ka geh nhuăl mhĭk ngăn, Nâm bu sĭm geh tâm dăk sân, Kon bunuyh ăt geh dăk sân Nau mhĭk ƀât lât jŭr ma khân păng.

Êsêkiêl 46:2

Hađăch mra lăp ta nây ma mpông pêr nhuang panăp jêh ri dâk dăch jrŏng mpông pêr dôl phung kôranh ƀư brah mra nhhơr ndơ ƀư brah gŭch jêh ri ndơ ƀư brah ma nau đăp mpăn. Hađăch mra chon mon mbah ta ntŭk lăp mpông pêr jêh ri du luh, ƀiălah mpông pêr mâu mra ntĭl ôh êlor măng.

Phung Kôranh Phat Dôih 7:8

Y-Gidêôn ăn lĕ rngôch phung Israel plơ̆ sĭt, ƀiălah păng mât mray pe rhiăng phung nây. Khân păng sŏk ndơ sông sa jêh ri nŭng tâm ti tă bơh phung plơ̆ sĭt jêh. Phung tahan Madian ndâk ngih bok tâm rlŭng, gŭ pa dâng ngih bok Gidêôn.