II Nau Rêh Jêng 23:11 - Nau Brah Ndu Ngơi 2023

¹¹ Păng njŭn leo kon bu klâu hađăch luh, ndô đon hađăch klơ bôk păng, jêh ri ăn samƀŭt Nau Tâm Rnglăp ma păng; jêh ri n'hao păng ƀư hađăch. Y-Jêhôida jêh ri phung kon bu klâu păng tŏ dak ƀâu kah ma Y-Jôas, jêh nây nter lah: “Hađăch gŭ rêh n'ho ro!”

II Nau Rêh Jêng 23:11 ပူးပေါင်းရင်းမြစ်များ

II Samuel 1:10

Pônây, gâp hăn văch dăch jêh ri nkhĭt păng, yorlah gâp gĭt păng mâu hôm rêh jêh nây păng lĕ cha lôt jêh. Jêh nau nây, gâp sŏk đon hađăch klơ bôk păng jêh ri kông ta ti păng gay djôt leo sĭt ma kôranh gâp ta aơ.”

II Samuel 16:16

Tơlah Y-Husai, bunuyh Arkit, mĭt jiăng Y-Đavit, tât ta Y-Apsalôm, Y-Husai nter lah: “Hađăch mro mrăng! Hađăch mro mrăng!”

II Samuel 5:3

Pônây, lĕ rngôch phung bu ranh Israel văch gay tâm mâp đah hađăch ta Hêbron; hađăch Đavit ƀư nau tâm rnglăp ma khân păng tanăp Brah Yêhôva, jêh ri khân păng tŏ dak ƀâu kah ma Y-Đavit jêng hađăch ma lĕ n'gor Israel.

I Phung Hađăch 1:25

Yor nây, nar aơ, kon bu klâu hađăch hŏ hăn trŭnh nhhơr mpa ƀư brah jêh ma ndrôk, mpa lay, jêh ri biăp âk ngăn, jêh nây lĕ jă jêh lĕ rngôch phung kon bu klâu hađăch, phung kôranh lĭng tahan, jêh ri kôranh ƀư brah Y-Abiathar. Ri, khân păng sông sa nhêt tanăp măt Y-Adônija jêh ri nter lah: ‘Hađăch Adônija mro mrăng!’

I Phung Hađăch 1:34

Ta nây, kôranh ƀư brah Y-Sadôk jêh ri nơm mbơh lor Y-Nathan, tŏ dak ƀâu kah ma păng ƀư hađăch phung Israel. Khân may uh nŭng hom, jêh nây nter lah pô aơ:

I Phung Hađăch 1:39

Kôranh ƀư brah Y-Sadôk sŏk nke dơm dak ƀâu kah tă tâm Ngih Bok jêh ri tŏ ta Y-Salômôn. Khân păng uh nŭng, jêh nây lĕ rngôch phung ƀon lan nter lah: “Hađăch Salômôn mro mrăng!”

II Phung Hađăch 11:12

Y-Jêhôida njŭn leo kon bu klâu hađăch luh, ndô đon hađăch jêh ri ăn Nau Tâm Rnglăp ma păng. Khân păng tŏ dak ƀâu kah mbơh nau njêng hađăch ma kon bu klâu hađăch, jêh nây khân păng tap ti jêh ri nter lah: “Hađăch gŭ rêh n'ho ro!”

II Nau Rêh Jêng 22:11

Ƀiălah H'Jôsaƀat, kon bu ur hađăch Jôram, nhŭp rdu Y-Jôas, kon bu klâu Y-Ahasia, ntŭng djôt leo luh bơh phung kon bu klâu hađăch bu ŭch nkhĭt, jêh nây rdu pôn Y-Jôsa tâm jrô bê̆ch nđâp ma nơm rong păng. Pôri, H'Jôsaƀat, kon bu ur hađăch Jôram, ur kôranh ƀư brah Y-Jêhôida, hŏ pôn Y-Jôas lơi ăn H'Athali saơ, pôri H'Athali mâu dơi nkhĭt păng ôh. H'Jôsaƀat jêng ruh Y-Ahasia.

II Nau Rêh Jêng 23:10

Păng dơm lĕ rngôch phung gak hađăch, ăp nơm djôt ndơ tâm lơh tâm ti, dăp mbor văr jŭm hađăch, njŏ tĭng nơng ƀư brah jêh ri ngih brah, ntơm bơh pa ma tât ma pa chiau ngih brah.

II Nau Rêh Jêng 23:12

Lah H'Athali tăng nteh phung ƀon lan ƀă nchuăt ƀă mât ton ma hađăch, păng hăn tât tâm mâp ma phung ƀon lan gŭ tâm ngih Brah Yêhôva.

Nau Mprơ Ơm 132:18

Gâp mra sâm nsoh nau bêk ma phung rlăng păng; Ƀiălah đon hađăch ta klơ bôk may mra chrêk rmah.”

Nau Mprơ Ơm 21:3

Yorlah Kôranh Brah sŏk nau ueh uĭn jêh ri vơt dơn păng; Ndô đon hađăch ta klơ bôk păng ma mah chrêk.

Nau Mprơ Ơm 78:5

Păng njêng jêh nau ntĭnh ma Yakôb, Dơm du nau vay tâm phung Israel, Jêh ri ntrŭnh nau ntăm ma phung chô yau he Ntĭm nti tay hom ma phung kon sau khân păng;

Nau Mprơ Ơm 89:20

Gâp joi hŏ dơi saơ jêh Y-Đavit jêng oh mon Gâp, Tŏ ăn păng ma Dak ƀâu kah kloh ueh Gâp,

Nau Mprơ Ơm 89:39

May ƀư rai jêh nau tâm rnglăp đah oh mon May; May ƀư ƀơ̆ đon hađăch păng tâm ndruyh neh.

Nau Ngluh Êjipt 25:16

Ăn may dơm tâm trôm hip Nau Tâm Rnglăp Gâp mra ăn ma may.”

Nau Ngluh Êjipt 25:21

Ăn may dơm ndrŭp nau yô̆ ta klơ hip jêh ri dơm tâm trôm nây Rlat Nau Tâm Rnglăp Gâp mra ăn ma may.

Nau Ngluh Êjipt 31:18

Lôch jêh ngơi đah Y-Môis ta yôk Sinai, Brah Yêhôva ăn ma păng bar Rlat Nau Tâm Rnglăp ma lŭ tă bơh nglau ti Brah Ndu nchih.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 8:16

Kât nâp hom nau mbơh, nchăng prăp hom nau nti ta nklang phung oh mon Gâp!”

Êsai 8:20

Hăn tĭng hom nau vay jêh ri nau mbơh! Tơlah khân păng mâu ngơi tâm ban pônây, n'hêl nanê̆ mâu mra geh nau ƀhit rvi ang ma khân păng ôh.

Mathay 21:9

Phung bunuyh, nơm hăn panăp, bunuyh hăn tĭng pakơi troh huy ktang da dê: “Hôsana ma Kon Y-Đavit! Tâm rnê ma Nơm văch tâm amoh Kôranh Brah! Hôsana ta ntŭk dŭt prêh!”

ហេឞ្រើ 2:9

Ƀiălah he saơ Brah Yêsu, Brah Ndu dơm Păng dêh lơn phung tông mpăr tâm ƀât lât, aƀaơ aơ ndô jêh đon hađăch nau chrêk rmah jêh ri nau yơk yor nau khĭt, Păng dơn jêh, yor ma nau yô̆ bơh Brah Ndu, Păng dơi dơn nau khĭt yor ma lĕ rngôch bunuyh.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

Nau Tâm Mpơl 19:12

Măt Păng nâm bu mpiăt ŭnh; ta bôk Păng geh âk đon hađăch, ta klơ geh nchih du amoh, mâu geh nơm gĭt ôh, knŏng Păng nơm.

Nau Tâm Mpơl 4:10

pôri bar jât ma puăn kôranh bu ranh chon mon tanăp Nơm gŭ ta sưng hađăch jêh ri yơk mbơh ma Nơm gŭ rêh n'ho ro. Khân păng klŭp đon hađăch khân păng nơm tanăp sưng hađăch, jêh ri lah:

Nau Tâm Mpơl 4:4

Jŭm sưng hađăch nây gâp saơ bar jât ma puăn mlâm sưng hađăch êng, klơ sưng hađăch nây geh bar jât ma puăn kôranh bu ranh gŭ, nsoh ao nglang, bôk ndô đon hađăch ma mah.

Nau Tâm Mpơl 5:10

Jêh ri ƀư ma khân păng plơ̆ jêng ƀon bri hađăch jêh ri kôranh ƀư brah ma Brah Ndu he, Jêh ri khân păng mra chiă uănh ta neh ntu.”

I Samuel 10:1

Y-Samuel sŏk du nông dak ƀâu kah, tŏ ta klơ bôk Y-Sôl, chŭm păng, jêh ri lah: “Mâu di hĕ Brah Yêhôva hŏ tŏ dak ƀâu ma may gay may jêng kôranh chiă uănh dơn drăp ndơ Păng?

I Samuel 10:24

Y-Samuel ngơi đah lĕ rngôch ƀon lan: “Khân may saơ lĕ nơm Brah Yêhôva hŏ săch jêh? Tâm lĕ phung ƀon lan, mâu geh du huê nuyh nâm bu păng.” Lĕ rngôch phung ƀon lan nter lah: “Hađăch gŭ rêh n'ho ro!”