II Nau Rêh Jêng 22:5 - Nau Brah Ndu Ngơi 2023

⁵ Iăt tĭng nau nchră khân păng, Y-Ahasia ndrel ma Y-Jôram, kon bu klâu Y-Ahap, hađăch Israel, jă phung tahan hăn tât Ramôt-Gilêat, gay tâm lơh đah Y-Hasael, hađăch Aram. Phung Aram ƀư ăn ma Y-Jôram geh nau sôt rmanh.

II Nau Rêh Jêng 22:5 ပူးပေါင်းရင်းမြစ်များ

I Phung Hađăch 22:3

hađăch Israel lah ma phung oh mon păng pô aơ: “Khân may mâu gĭt ôh pô aơ ƀon Ramôt-Gilêat jêng ndơ he lĕ? Lŏng aƀaơ ri he gŭ klêm, mâu hôm sŏk tay ôh păng tă bơh ti hađăch Aram!”

I Phung Hađăch 4:13

Y-Ben-Gêber chiă uănh n'gor Ramôt Gilêat, kơp lĕ ƀon jê̆ Y-Jar (Y-Jar jêng kon Y-Manasê) tâm nkual Gilêat, păng chiă uănh đŏng n'gor Argôp tâm Basan, geh prao jât rplay ƀon toyh geh mpêr ƀon jêh ri mâng nđăng mpông ma kông;

II Phung Hađăch 3:1

Tâm năm rơh jât ma pham rnôk rô̆ Y-Jôsaphat, hađăch Yuđa chiă uănh, Y-Jôram, kon Y-Ahap, hao ƀư hađăch Israel ta Samari jêh ri chiă uănh tâm jât ma bar năm.

II Phung Hađăch 8:9

Pônây Y-Hasael hăn mâp bunuyh Brah Ndu, djôt leo ndrel păng du ndơ nhhơr, geh lĕ rngôch ntil ndơ ueh lơn ngăn ta Damas, dơm bêng klơ puăn jât seh samô. Păng hăn tât jêh ri mpơl măt tanăp Y-Êlisê jêh ri lah: “Kon bu klâu may Y-Ben-Hadat, hađăch Aram, prơh gâp hăn ma may gay ôp pô aơ: ‘Gâp mra dơi bah lĕ bơh nau ji aơ?’”

II Phung Hađăch 9:1

Nơm mbơh lor Y-Êlisê kuăl du huê tâm phung oh mon phung nơm mbơh lor jêh ri lah: “Vân hom bŭt jêh ri sŏk leo du gri dak ƀâu kah aơ hăn rlet ma ƀon Ramôt-Gilêat.

II Nau Rêh Jêng 18:3

Y-Ahap, hađăch Israel lah ma Y-Jôsaphat, hađăch Yuđa, pô aơ: “May ŭch ndrel ma gâp hăn lơh ƀon Ramôt-Gilêat lĕ?” Y-Jôsaphat plơ̆ lah: “Gâp jêng nâm bu may, phung ƀon lan gâp jêng nâm bu ƀon lan may lĕ; hên mra hăn ndrel ma may tâm nau tâm lơh.”

II Nau Rêh Jêng 18:31

Lah phung kôranh tahan ƀĭt ndeh seh saơ Y-Jôsaphat, khân păng lah: “Aơ jêng hađăch Israel!” Khân păng plơ̆ ro hăn lơh hađăch. Y-Jôsaphat kuăl rklaih jêh ri Brah Yêhôva rklaih păng. Brah Ndu ƀư ăn phung rlăng du tă bơh păng,

II Nau Rêh Jêng 19:2

Nơm geh nau tâm saơ Y-Jêhu, kon Y-Hanani, hăn tâm mâp đah Y-Jôsaphat jêh ri lah: “Di lĕ may hŏ kơl nơm djơh mhĭk jêh ri rŏng ma phung tâm rmot Brah Yêhôva? Yor nau nây, nau Brah Yêhôva ji nuih tât ma may.

II Nau Rêh Jêng 22:6

Păng plơ̆ sĭt ta Jesrêel gay săm ăn bah lĕ sôt rmanh dôl păng tâm lơh ta Rama đah Y-Hasael, hađăch Aram. Nôk nây, Y-Ahasia, kon bu klâu Y-Jôram, hađăch Yuđa, hăn jŭr ta Jesrêel gay khâl Y-Jôram, kon bu klâu Y-Ahap.

Nau Mprơ Ơm 1:1

Ueh maak yơh ma mbu nơm Mâu hăn tĭng ôh tâm nau nchră phung mhĭk, Mâu lĕ dâk tâm trong nau phung tih, Mâu lĕ gŭ ngau ndrel ma phung mưch.

Daniel 5:22

Bi may, ơ hađăch Belsasar, kon bu klâu păng nây, nđâp lah may gĭt jêh lĕ rngôch nau nây, nuih n'hâm may ăt mâu ŭch tông yơk djê̆ lê̆ ôh.

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.