II Nau Rêh Jêng 22:4 - Nau Brah Ndu Ngơi 2023

⁴ Păng ƀư nau mhĭk tanăp măt Brah Yêhôva, nâm bu ngih Y-Ahap hŏ ƀư jêh. Yorlah jêh mbơ̆ păng khĭt jêh, phung ngih Y-Ahap jêng phung ƀư nau ndơm ma păng tât nau rai lôch.

II Nau Rêh Jêng 22:4 ပူးပေါင်းရင်းမြစ်များ

II Nau Rêh Jêng 22:3

Păng ăt hăn tĭng lĕ trong ndô̆ ngih Y-Ahap, yorlah me păng jêng nơm nsŭk ma păng ƀư nau mhĭk.

Nau Hôr 1:10

Hơi kon gâp, tơlah phung tih nsŭk ndơm may, Lơi ta may iăt.

Nau Hôr 12:5

Nau mĭn phung sŏng srăng jêng di ngăn, Nau nchră bơh phung ƀai jêng nau ndơm da dê.

Nau Hôr 13:20

Mbu nơm dơh dăch đah bunuyh blau mĭn mra dơi jêng blau mĭn, Ƀiălah mbu nơm ƀư jiăng đah bunuyh rluk mra dơn nau roh rai.

Nau Hôr 19:27

Hơi kon gâp, lah mâu iăt đŏng nau ntĭm nti, May mra vĭ hêng lĕ nau blau mĭn âk.

Daniel 3:2

Hađăch Nêbukatnetsar kuăl tâm rgum phung kôranh nkual, phung kôranh nchră, phung kôranh toyh, phung kôranh n'hut uănh, phung kôranh chiă uănh ngih drăp, phung kôranh phat dôih, phung kôranh nchih samƀŭt, jêh ri lĕ rngôch phung kôranh tâm n'gor bri văch rƀŭn nhhơr rup hađăch Nêbukatnetsar rdâk jêh.

Daniel 3:24

Rnôk nây, hađăch Nêbukatnetsar hih rdâl, dâk ndal ro, ôp ma phung kôranh tâm nchră: “Mâu di hĕ he klŭp jêh ta nklang ŭnh năk pe nuyh?” Khân păng plơ̆ lah: “Ngăn yơh, ơ hađăch.”

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.