II Nau Rêh Jêng 22:11 - Nau Brah Ndu Ngơi 2023

¹¹ Ƀiălah H'Jôsaƀat, kon bu ur hađăch Jôram, nhŭp rdu Y-Jôas, kon bu klâu Y-Ahasia, ntŭng djôt leo luh bơh phung kon bu klâu hađăch bu ŭch nkhĭt, jêh nây rdu pôn Y-Jôsa tâm jrô bê̆ch nđâp ma nơm rong păng. Pôri, H'Jôsaƀat, kon bu ur hađăch Jôram, ur kôranh ƀư brah Y-Jêhôida, hŏ pôn Y-Jôas lơi ăn H'Athali saơ, pôri H'Athali mâu dơi nkhĭt păng ôh. H'Jôsaƀat jêng ruh Y-Ahasia.

II Nau Rêh Jêng 22:11 ပူးပေါင်းရင်းမြစ်များ

II Samuel 7:13

Păng mra ndâk du mlâm ngih brah ma amoh Gâp, jêh ri Gâp mra ƀư sưng hađăch păng nâp n'ho ro.

I Phung Hađăch 15:4

Ƀiălah yor Y-Đavit, Brah Yêhôva prăp ma păng du huê bunuyh thoi sưng hađăch ta Yêrusalem, njêng kon bu klâu păng chiă uănh thoi ntrok păng jêh ri ƀư ăn Yêrusalem hôm e mro.

II Phung Hađăch 11:2

Ƀiălah H'Jôsêba, kon bu ur hađăch Jôram jêh ri jêng ruh Y-Ahasia, nhŭp rdu Y-Jôas, kon Y-Ahasia, tă bơh phung kon bu klâu hađăch, bu ŭch nkhĭt, jêh nây rdu pôn păng tâm jrô bê̆ch ndrel ma bunuyh sâm mpu. Pônây bu hŏ pôn Y-Jôas ndâp măt H'Athali, jêh ri bu mâu dơi nkhĭt ôh păng.

II Nau Rêh Jêng 21:7

Ƀiălah, yorlah Brah Yêhôva hŏ ƀư jêh nau tâm rnglăp đah Y-Đavit, Păng hŏ ton mra ăn du mlâm ŭnh kađen ma Y-Đavit jêh ri ăn tât ma phung kon sau păng kŏ tât ƀaƀơ n'ho ro, yor ri Păng mâu ŭch ƀư rai ngih Y-Đavit.

II Nau Rêh Jêng 22:10

Lah H'Athali, mê̆ Y-Ahasia, saơ kon bu klâu păng khĭt jêh, păng dâk jêh ri ƀư rai lĕ rngôch noi deh hađăch ngih Yuđa ro.

II Nau Rêh Jêng 22:12

Y-Jôas gŭ krap ndrel khân păng tâm prao năm tâm ngih brah Brah Ndu, tâm nôk H'Athali chiă uănh tâm n'gor.

II Nau Rêh Jêng 23:1

Tâm năm rơh pơh, Y-Jêhôida sŏk nau dăng ktang gay jă phung kôranh chiă uănh toyh ma du rhiăng bunuyh tahan jêng: Y-Asaria, kon Y-Jêrôham; Y-Ismaêl, kon Y-Jôhanan; Y-Asaria, kon Y-Ôbet; Y-Maseya, kon Y-Adaya; jêh ri Y-Êlisaphat, kon Y-Sikri. Păng ƀư nau tâm rnglăp đah phung nây.

Nau Mprơ Ơm 33:10

Brah Yêhôva ƀư rai nau lĕ bri dak ŭch ƀư mhĭk, Păng ƀư rai nau ŭch phung ƀon lan.

Nau Mprơ Ơm 76:10

Nau bunuyh ji nuih mra tâm rnê ma May; Bi hôm e nau ji nuih, May mra nkân lơi.

Nau Ngluh Êjipt 8:3

Dak krong mra bêng ler ma kĭt; khân păng mra vơr lăp tâm ngih hađăch, tâm jrô bê̆ch jêh ri hao đŏng tâm sưng may bê̆ch, lăp tâm ngih phung oh mon may jêh ri phung ƀon lan may, lăp tâm ŭnh năk jêh ri tâm thŭng piăch rnih may.

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Êsai 65:8

Pô aơ Brah Yêhôva lah: “Lah bu saơ ndrănh mhe tâm rkŭm play krăk ƀâu Pôri bu lah: ‘Lơi ƀư rai păng ôh, Yorlah tâm păng geh nau ueh lăng;’ Gâp ăt mra ƀư tâm ban pônây yor phung oh mon Gâp, Gay ma Gâp mâu ƀư rai lĕ rngôch khân păng.

Kôranh Oh Mon 4:28

gay ƀư ma lĕ rngôch nau kan ti May jêh ri nau mĭn May hŏ nal jêh bơh lor.