II Nau Rêh Jêng 21:7 - Nau Brah Ndu Ngơi 2023

⁷ Ƀiălah, yorlah Brah Yêhôva hŏ ƀư jêh nau tâm rnglăp đah Y-Đavit, Păng hŏ ton mra ăn du mlâm ŭnh kađen ma Y-Đavit jêh ri ăn tât ma phung kon sau păng kŏ tât ƀaƀơ n'ho ro, yor ri Păng mâu ŭch ƀư rai ngih Y-Đavit.

II Nau Rêh Jêng 21:7 ပူးပေါင်းရင်းမြစ်များ

II Samuel 21:17

Ƀiălah Y-Abisai, kon H'Sêruya, hŏ văch kơl hađăch, lơh bu klâu Philistin, jêh ri nkhĭt păng. Ntơm bơh nây, phung tahan Y-Đavit sơm ton jêh ri lah ma hađăch: “May mâu mra hôm hăn nau tâm lơh ndrel hên, om ŭnh kađen Israel mâu geh ôh nhhât.”

II Samuel 23:5

Mâu di hĕ ngih gâp nâm bu pônây tanăp măt Brah Ndu? Yorlah Păng hŏ njêng jêh đah gâp du nau tâm rnglăp n'ho ro, Lĕ rngôch nau vay hŏ dăp jêh jêh ri mât mray. Mâu di hĕ lĕ nau tâm rklaih jêh ri lĕ nau gâp ŭch ngăn Păng nơm yơh mra ƀư jêng ƀơh?

I Phung Hađăch 11:13

Nđâp tơlah pônây, Gâp mâu mra sŏk ôh lĕ rngôch ƀon bri hađăch tă bơh păng; ƀiălah yor Y-Đavit, oh mon Gâp, jêh ri yor Yêrusalem ntŭk Gâp hŏ săch jêh, Gâp mra ăn tay ma du ndŭl mpôl kon bu klâu may.”

I Phung Hađăch 11:36

Gâp mra prăp du ndŭl mpôl ma kon bu klâu păng, gay ăn ma Y-Đavit, oh mon Gâp, dơi geh bunuyh thoi sưng hađăch n'ho ro tanăp măt Gâp ta Yêrusalem, jêng ƀon Gâp săch jêh gay dơm amoh Gâp ta nây.

I Phung Hađăch 15:4

Ƀiălah yor Y-Đavit, Brah Yêhôva prăp ma păng du huê bunuyh thoi sưng hađăch ta Yêrusalem, njêng kon bu klâu păng chiă uănh thoi ntrok păng jêh ri ƀư ăn Yêrusalem hôm e mro.

II Phung Hađăch 8:19

Ƀiălah yor Y-Đavit oh mon Brah Yêhôva, rĭ dĭng Păng mâu ŭch ƀư rai ôh phung Yuđa, tĭng nâm nau Păng hŏ ton ma Y-Đavit gay prăp ma păng du mlâm ŭnh kađen tanăp măt păng kŏ tât ƀaƀơ n'ho ro.

II Phung Hađăch 8:24

Y-Jôram khĭt hăn ndrel ma phung chô yau păng jêh ri bu tâp păng ndrel ma khân păng tâm ƀon Đavit. Y-Ahasia, kon bu klâu păng, gŭ ta sưng hađăch chiă uănh ntrok păng.

II Nau Rêh Jêng 22:11

Ƀiălah H'Jôsaƀat, kon bu ur hađăch Jôram, nhŭp rdu Y-Jôas, kon bu klâu Y-Ahasia, ntŭng djôt leo luh bơh phung kon bu klâu hađăch bu ŭch nkhĭt, jêh nây rdu pôn Y-Jôsa tâm jrô bê̆ch nđâp ma nơm rong păng. Pôri, H'Jôsaƀat, kon bu ur hađăch Jôram, ur kôranh ƀư brah Y-Jêhôida, hŏ pôn Y-Jôas lơi ăn H'Athali saơ, pôri H'Athali mâu dơi nkhĭt păng ôh. H'Jôsaƀat jêng ruh Y-Ahasia.

II Nau Rêh Jêng 23:3

Lĕ rngôch phung tâm rƀŭn ƀư nau tâm rnglăp đah hađăch tâm ngih Brah Ndu. Y-Jêhôida lah ma khân păng pô aơ: “Aơ, kon bu klâu hađăch, păng mra chiă uănh tĭng nâm nau Brah Yêhôva ngơi jêh ma phung kon sau Y-Đavit.

II Nau Rêh Jêng 6:16

Ơ Yêhôva Brah Ndu phung Israel! May hŏ ton đah oh mon May jêng Y-Đavit, mbơ̆ gâp, pô aơ: ‘Tơlah phung kon sau may njrăng tâm trong khân păng nơm, djôt prăp nau vay Gâp ntăm tâm ban may hŏ ƀư jêh tanăp Gâp, may mâu mra pưt ôh du huê bunuyh gŭ ta sưng hađăch phung Israel.’ Aƀaơ aơ, dăn May djôt prăp nau May hŏ ton.

Nau Mprơ Ơm 132:11

Brah Yêhôva hŏ sân săk jêh ma Đavit, Du nau ton Păng mâu mra rgâl ôh nau tâm rnglăp, pô aơ: “Gâp mra n'gân du huê bơh ndŭl proch may Hao ta klơ sưng hađăch ntrok chiă uănh.

Nau Mprơ Ơm 89:39

May ƀư rai jêh nau tâm rnglăp đah oh mon May; May ƀư ƀơ̆ đon hađăch păng tâm ndruyh neh.

Luka 1:69

Păng hŏ n'hao ma phung he, tâm ngih Y-Đavit, oh mon Păng, Du huê Nơm Tâm Rklaih bêng nau brah!

Luka 1:79

Gay ma sol ang phung bunuyh gŭ tâm ntŭk ngo klĕng jêh ri tâm dâng gui nau khĭt, Jêh ri njŭn leo he chuat lăp trong đăp mpăn.”