II Nau Rêh Jêng 21:20 - Nau Brah Ndu Ngơi 2023

²⁰ Y-Jôram hao klơ sưng hađăch nôk geh pe jât ma bar năm, jêh ri păng chiă uănh pham năm ta Yêrusalem. Păng khĭt mâu geh ôh bunuyh klâng ndrê ma păng. Bu tâp păng tâm ƀon Đavit, ƀiălah mâu dơm tâm môch phung hađăch ôh.

II Nau Rêh Jêng 21:20 ပူးပေါင်းရင်းမြစ်များ

II Phung Hađăch 8:24

Y-Jôram khĭt hăn ndrel ma phung chô yau păng jêh ri bu tâp păng ndrel ma khân păng tâm ƀon Đavit. Y-Ahasia, kon bu klâu păng, gŭ ta sưng hađăch chiă uănh ntrok păng.

II Nau Rêh Jêng 23:21

Lĕ rngôch phung ƀon lan tâm n'gor hâk răm da dê, jêh ri ƀon Yêrusalem gŭ đăp mpăn lah jêh khân păng nkhĭt H'Athali ma đao.

II Nau Rêh Jêng 24:16

Khân păng tâp păng tâm ƀon Đavit ndrel ma phung hađăch, yorlah păng ƀư nau ueh tâm n'gor Israel tâm nau pah kan Brah Ndu jêh ri nkra tay ngih brah Păng.

II Nau Rêh Jêng 24:25

Tơlah phung tahan Aram hŏ plơ̆ rŭch jêh, chalơi êng Y-Jôas gŭ păm rmanh jru. Phung oh mon păng tâm nchră ndrel tâm rdâng đah păng yorlah rnon mham kon bu klâu kôranh ƀư brah Y-Jêhôida. Khân păng nkhĭt păng ta klơ sưng bê̆ch. Bu tâp păng tâm ƀon Đavit, ƀiălah mâu di tâm môch ma phung hađăch ôh.

II Nau Rêh Jêng 26:23

Y-Usia khĭt hăn gŭ ndrel phung chô yau păng, jêh ri bu tâp păng dăch kêng phung chô yau păng ta ntŭk môch prăp ma phung hađăch, yorlah bu lah: “Păng geh nau ji phŭng.” Kon bu klâu păng jêng Y-Jôtham hao klơ sưng hađăch chiă uănh thoi păng.

II Nau Rêh Jêng 28:26

Lĕ kan ƀaƀă jêh ri lĕ rngôch nau hađăch gŭ ngao, bơh ntơm saơm tât lôch, bu nchih da dê tâm ndrom samƀŭt Phung Hađăch Yuđa jêh ri Israel.

II Nau Rêh Jêng 28:27

Hađăch Y-Ahas khĭt hăn gŭ ndrel phung che păng, jêh ri bu tâp păng tâm ƀon Yêrusalem, ƀiălah bu mâu njŭn ôh păng ma môch phung hađăch Israel. Jêh ri Y-Hêsêkia kon bu klâu păng chiă uănh thoi ntrok păng.

II Nau Rêh Jêng 33:20

Y-Manasê khĭt hăn gŭ ndrel ma phung che păng jêh ri bu tâp păng tâm ngih hađăch. Y-Amôn, kon bu klâu păng chiă uănh thoi păng.

Nau Hôr 10:7

Nau ndray ma bunuyh sŏng srăng geh nau tâm rnê, Bi amoh phung djơh mhĭk mra ôm rai.

Yêrêmi 22:18

Yor nây, ma nau Y-Jêhôjakim, kon bu klâu Y-Jôsia, hađăch Yuđa, Brah Yêhôva lah: “Bu mâu mra nhĭm vơl ôh ma păng: ‘Ơ nâu, nâu gâp ơi!’ mâu lah ‘Ơ yuh, yuh gâp ơi!’ Bu mâu lĕ klâng rngot ma păng: ‘Ơ kôranh, kôranh gâp!’ Mâu lah ‘Ơ nau chrêk rmah, nau chrêk rmah păng!’

Yêrêmi 22:28

Pônây di lĕ Y-Jêhôjakin aơ jêng yăng chah rai jêh lĕ bu mưch rmot hĕ? Yăng mâu geh nơm ŭch rŏng ôh? Mâm ƀư hađăch nây jêh ri lĕ rngôch noi deh păng bu mƀăr lơi, Bu klŭp mƀăr tâm du bri khân păng mâu gĭt năl ôh?