II Nau Rêh Jêng 21:13 - Nau Brah Ndu Ngơi 2023

¹³ ƀiălah may hŏ hăn tĭng trong phung hađăch Israel, ƀư ăn phung Yuđa jêh ri phung gŭ tâm ƀon Yêrusalem yơk mbah rup brah nâm bu ngih Y-Ahap hŏ ƀư. Rlau lơn ma nĕ, may hŏ nkhĭt jêh phung oh nâu may bơh ngih mbơ̆ may, jêng phung ueh lơn ma may.

II Nau Rêh Jêng 21:13 ပူးပေါင်းရင်းမြစ်များ

I Phung Hađăch 16:25

Y-Ômri ƀư nau mhĭk tanăp măt Brah Yêhôva, jêh ri hôm ƀư nau mhĭk rlau lơn ma lĕ phung lor panăp păng.

II Phung Hađăch 9:22

Tơlah Y-Jôram lĕ saơ jêh Y-Jêhu, păng ôp: “Hơi Y-Jêhu, nau đăp mpăn lĕ?” Ƀiălah Y-Jêhu plơ̆ lah: “Mâm dơi geh nau đăp mpăn dôl mê̆ may H'Jêsêbel ƀư âk nau ka n'hong jêh ri nau n'hŭm?”

II Nau Rêh Jêng 21:11

Hađăch ndâk đŏng lĕ ntŭk prêh klơ lĕ yôk Yuđa, ƀư ăn phung ƀon lan gŭ tâm ƀon Yêrusalem yơk mbah rup brah, jêh ri njŭn leo phung Yuđa hăn lăp trong nhhơt.

II Nau Rêh Jêng 21:14

Aơ, Brah Yêhôva mra nkhŭt nau mhĭk toyh ma phung ƀon lan may, ma phung kon may, ma phung ur may, jêh ri ma lĕ rngôch drăp ndơ may geh.

II Nau Rêh Jêng 21:4

Tơlah Y-Jôram hao jêh klơ sưng hađăch chiă uănh thoi mbơ̆ păng jêh ri ƀư ktang nau dăng ma nau păng sŏk đao nkhĭt lĕ rngôch phung oh păng jêh ri phung ƀaƀă kôranh Israel.

II Nau Rêh Jêng 21:6

Păng hăn tĭng ndô̆ trong phung hađăch Israel, nâm bu ngih Y-Ahap hŏ ƀư jêh, yorlah păng sŏk kon bu ur Y-Ahap jêng ur păng. Păng ƀư nau mhĭk tanăp măt Brah Yêhôva.

II Nau Rêh Jêng 24:18

chalơi ngih Yêhôva Brah Ndu phung chô yau khân păng, jêh ri pah kan ma phung brah Asêrah jêh ri ma phung rup brah êng. Yor nau tih nây, nau Kôranh Brah ji nuih tât ta phung Yuđa jêh ri phung ƀon Yêrusalem.

Nau Ngluh Êjipt 34:15

Mâu dơi ƀư nau tâm rnglăp đah phung ƀon lan gŭ tâm n'gor nây, klach lah tơlah khân păng ƀư nau văng tĭr đah lĕ brah jêh ri ƀư brah ma lĕ brah khân păng jêh nây jă khân may jêh ri khân may mra sa ndơ khân păng ƀư brah ma rup brah.

Êsai 26:21

Yorlah aơ, Brah Yêhôva mra luh bơh ntŭk Păng gŭ Gay tâm rmal nau tih ma phung gŭ ta neh ntu. Rnôk aơ, neh ntu mra tâm mpơl mham Jêh ri mâu hôm nkŭm ôh phung bu hŏ nkhĭt jêh.

Habakuk 2:12

Rêh ni ma nơm sŏk mham ndâk ƀon, Jêh ri sŏk nau djơh mhĭk ndâk njêng ƀon toyh!

Nau Vay Nkah Tay 31:16

Brah Yêhôva lah ma Y-Môis: “Aơ, may lĕ dăch khĭt, hăn gŭ ndrel ma phung chô yau may. Bi phung ƀon lan aơ mra ƀư nau tâm rdâng jêh ri ƀư nau văng tĭr đah lĕ brah phung bu năch tâm n'gor khân păng mra hăn lăp. Khân păng mra chalơi Gâp jêh ri rlau nau vay tâm rnglăp Gâp hŏ ƀư jêh đah khân păng.

I Yôhan 3:12

Lơi jêng nâm bu Y-Kain jêng bunuyh luh tă bơh Brah mhĭk jêh ri nkhĭt lơi oh păng nơm. Mâm ƀư Y-Kain nkhĭt oh păng? Yorlah lĕ kan păng jêng djơh mhĭk, lĕ kan oh păng jêng sŏng srăng.