II Nau Rêh Jêng 21:12 - Nau Brah Ndu Ngơi 2023

¹² Nơm mbơh lor Y-Êli njuăl samƀŭt ma Y-Jôram, lah pô aơ: “Yêhôva Brah Ndu Y-Đavit chô yau may, hŏ ntăm jêh: ‘Yorlah may mâu hăn tĭng ndô̆ trong Y-Jôsaphat, mbơ̆ may, mâu đŏng hăn tĭng trong Y-Asa, hađăch Yuđa,

II Nau Rêh Jêng 21:12 ပူးပေါင်းရင်းမြစ်များ

I Phung Hađăch 15:11

Y-Asa ƀư nau di tanăp măt Brah Yêhôva, nâm bu Y-Đavit, che păng hŏ ƀư.

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

I Phung Hađăch 22:43

Hađăch hăn tĭng trong mbơ̆ păng jêng Y-Asa, mâu teng bơh trong nây ôh. Hađăch ƀư nau ueh tanăp măt Brah Yêhôva.

II Phung Hađăch 2:1

Tơlah Brah Yêhôva dăch djôt leo Y-Êli hao klơ trôk tâm trôm sial vănh blông, Y-Êli jêh ri Y-Êlisê hăn luh bơh Gilgal.

II Phung Hađăch 2:11

Dôl khân păng hăn n'ho ma ngơi, aơ, geh du bôk ndeh seh ŭnh jêh ri seh ŭnh tâm nkhah bar hê khân păng, jêh nây Y-Êli hao rlet klơ trôk tâm sial vănh blông.

II Nau Rêh Jêng 14:1

Y-Abija khĭt hăn gŭ ndrel phung chô yau păng jêh ri bu tâp păng tâm ƀon Đavit. Kon bu klâu păng jêng Y-Asa chiă uănh thoi păng. Tâm rnôk rô̆ păng chiă uănh, n'gor bri nây geh nau đăp mpăn tâm jât năm.

Yêrêmi 36:2

“May sŏk hom du ndrom samƀŭt jêh ri nchih ta nây lĕ rngôch nau Gâp hŏ lah jêh đah may ma phung Israel, phung Yuđa, jêh ri ma lĕ rngôch bri dak, ntơm bơh nar Gâp lah jêh ma may bơh rnôk Y-Jôsia kŏ tât nar aơ.

Yêrêmi 36:23

Ăp tơ̆ Y-Jêhudi rŏ geh pe puăn kô̆ tâm ndrom samƀŭt, hađăch sŏk pêh tor samƀŭt koh lơi jêh ri klŭp mƀăr tâm năk ŭnh, kŏ tât ŭnh sa lĕ ndrom samƀŭt tâm ŭnh năk.

Daniel 5:5

Nôk nây ro, geh nglau ti mpang ti bunuyh tâm mpơl, nchih ta klơ mpir ngih hađăch, tâm jâng ŭnh kađen; hađăch saơ mpang ti nây dôl gŭ nchih.