II Nau Rêh Jêng 21:10 - Nau Brah Ndu Ngơi 2023

¹⁰ Pôri, phung Êđôm dâk tâm rdâng ma nau phung Yuđa chiă uănh kŏ tât ta nar aơ. Tâm nôk nây, phung ƀon lan ƀon Lipna dâk đŏng tâm rdâng đah nau Y-Jôram chiă uănh, yorlah păng chalơi jêh Yêhôva Brah Ndu phung chô yau păng.

II Nau Rêh Jêng 21:10 ပူးပေါင်းရင်းမြစ်များ

I Phung Hađăch 11:31

Jêh nây păng lah ma Y-Jêrôbôam: “Sŏk hom jât nchroi ma may, yorlah Yêhôva Brah Ndu Israel lah: ‘Aơ, Gâp mra nkhêk lơi ƀon bri hađăch bơh ti Y-Salômôn jêh ri jao ma may jât ndŭl mpôl.

I Phung Hađăch 11:33

Yorlah khân păng hŏ chalơi jêh Gâp gay yơk mbah ma brah bu ur Astarôt phung Sidôn, brah Chêmôs phung Môap, jêh ri brah Milkôm phung Ammôn. Khân păng mâu chuat hăn ôh tĭng nâm lĕ trong Gâp gay ƀư nau di tanăp măt Gâp, jêh ri mâu đŏng djôt prăp lĕ nau vay dăp jêh ri lĕ nau vay ƀư bơh Gâp nâm bu Y-Đavit, chô yau khân păng.

II Phung Hađăch 19:8

Tơlah Y-Rabshakeh plơ̆ sĭt tâm mâp hađăch bri Asiri dôl tâm lơh đah ƀon Lipna, yorlah păng tăng lư hađăch hŏ du jêh bơh Lakis.

II Nau Rêh Jêng 13:10

Ƀiălah ma phung hên, Yêhôva ăt jêng Brah Ndu hên, hên mâu chalơi Păng ôh. Phung kôranh ƀư brah, jêng phung kon sau Y-Arôn, pah kan ma Brah Yêhôva da dê, jêh ri phung Lêvi djôt nau kan khân păng.

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 21:11

Hađăch ndâk đŏng lĕ ntŭk prêh klơ lĕ yôk Yuđa, ƀư ăn phung ƀon lan gŭ tâm ƀon Yêrusalem yơk mbah rup brah, jêh ri njŭn leo phung Yuđa hăn lăp trong nhhơt.

II Nau Rêh Jêng 21:8

Tâm rnôk rô̆ Y-Jôram chiă uănh, phung Êđôm dâk tâm rdâng đah phung Yuđa jêh ri njêng du huê hađăch ma khân păng nơm.

II Nau Rêh Jêng 21:9

Y-Jôram ndrel ma phung kôranh chiă uănh jêh ri lĕ rngôch ndeh seh n'hoch phung tahan hăn nau tâm lơh. Phung tahan Êđôm nchueng jŭm păng jêh ri phung kôranh tahan ƀĭt ndeh seh păng, ƀiălah tâm bri măng, hađăch dâk rduh lơh khân păng.

II Nau Rêh Jêng 28:6

Tâm du nar, Y-Pêka kon bu klâu Y-Rêmalia ƀư nkhĭt du rsen bar rmưn bunuyh phung Yuđa, lĕ rngôch khân păng jêng phung tahan janh ktang, yorlah khân păng chalơi Yêhôva Brah Ndu phung chô yau khân păng.

Êsai 1:28

Ƀiălah phung tâm rdâng jêh ri phung geh nau tih mra rai yot, Bi ma phung chalơi Brah Yêhôva mra rai lôch lĕ.

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Nau Vay Nkah Tay 31:17

Tâm nar nây, Gâp mra ji nuih ma khân păng. Gâp mra chalơi khân păng jêh ri pôn muh măt Gâp ma khân păng, bu mra kăp rvăn khân păng kđôi jêh ri âk ntil nau mhĭk, nau uh ah tât ma khân păng. Tâm nar nây, khân păng mra lah: ‘Mâu di hĕ nau mhĭk aơ tât ma gâp yorlah Brah Ndu mâu ŭch gŭ ta nklang gâp mâu?’

Nau Vay Nkah Tay 32:21

Khân păng nsônh ăn Gâp ji nuih đah brah mâu di jêng Brah Ndu ôh, Ƀư ma Gâp ji nuih yorlah nau dơm dam bơh khân păng; Gâp ƀư đŏng ăn ma khân păng ntôn đah du phung ndŭl mpôl mâu di jêng phung ndŭl mpôl, Jêh ri ƀư ăn khân păng ji nuih yorlah du phung ƀon lan rluk.

Yôsuê 10:29

Jêh nau nây, Y-Yôsuê ndrel ma lĕ rngôch phung Israel tă bơh Makêda găn Lipna jêh ri lơh Lipna.

Yôsuê 21:13

Bu ăn ma phung kon sau Y-Arôn kôranh ƀư brah ƀon Hêbron, jêng ƀon du krap ma nơm lăn lêh ti nkhĭt bunuyh, jêh ri lĕ ndrêch gơ̆ gŭ văr jŭm păng; Lipna jêh ri lĕ ndrêch gơ̆ văr jŭm păng;

Phung Kôranh Phat Dôih 10:13

Ƀiălah khân may chalơi Gâp, pah kan rhŏ ma phung brah êng, yor nây dĭng Gâp mâu tâm rklaih khân may.