II Nau Rêh Jêng 20:6 - Nau Brah Ndu Ngơi 2023

⁶ mbơh sơm pô aơ: “Ơ Yêhôva Brah Ndu phung che hên! Mâu di hĕ May jêng Kôranh Brah gŭ ta klơ lĕ ndâr trôk? Mâu di hĕ May jêng Nơm chiă uănh ma lĕ rngôch ntil mpôl bunuyh bơh lĕ rngôch bri dak? Tâm ti May geh nau brah jêh ri nau ktang, pôri mâu geh du huê dơi tâm rdâng ôh đah May.

II Nau Rêh Jêng 20:6 ပူးပေါင်းရင်းမြစ်များ

I Phung Hađăch 8:23

“Hơi Yêhôva, Brah Ndu Israel! Mâu geh brah êng klơ trôk prêh ri mâu lah tâm dâng neh ntu aơ tâm ban May. Kôranh Brah djôt prăp nau tâm rnglăp jêh ri nuih n'hâm ueh ma phung oh mon May, jêng phung lĕ nuih n'hâm chuat hăn tanăp măt May.

I Phung Hađăch 8:30

Dăn May rkêng tôr iăt nau oh mon May mbơh sơm jêh ri phung ƀon lan Israel May rle ma ntŭk aơ gay mbơh sơm. Bơh ntŭk May gŭ ta klơ trôk, dăn May hŏ tăng jêh ri sâm yô̆ an.

I Nau Rêh Jêng 29:18

Hơi Yêhôva Brah Ndu phung chô yau hên jêng Y-Abraham, Y-Isăk, jêh ri Y-Israel! Dăn ăn ma phung ƀon lan May djôt prăp mro nau ton jêh ri nau mĭn nây tâm nuih n'hâm, jêh ri ăn ma nuih n'hâm khân păng gŭ mpeh ma May.

II Nau Rêh Jêng 20:5

Y-Jôsaphat dâk ta nklang phung Yuđa tâm rƀŭn jêh ri Yêrusalem, panăp ndring mhe tâm ngih Brah Yêhôva

II Nau Rêh Jêng 25:8

Bi tơlah may brơl hăn, nđâp lah may tâm lơh dăng ktang, Brah Ndu mra ƀư đŏng ăn may cha lôt panăp phung rlăng, yorlah Brah Ndu geh nau brah dơi kơl jêh ri nau brah ƀư ăn mâu dơi.”

II Nau Rêh Jêng 5:14

kŏ tât phung kôranh ƀư brah mâu dơi dâk pah kan ôh ta nây, yorlah nau chrêk rmah Brah Yêhôva lĕ bêng ma ngih Brah Ndu.

II Nau Rêh Jêng 6:14

Păng lah: “Ơ Yêhôva Brah Ndu phung Israel! Ta klơ trôk jêh ri tâm neh ntu, mâu geh brah êng tâm ban Kôranh Brah. May djôt prăp nau tâm rnglăp jêh ri nau ueh ma phung oh mon May, jêng phung chuat hăn tanăp măt May ma lĕ nuih n'hâm khân păng.

Ndrom Samƀŭt bơh Yôp 9:4

Brah Ndu blau mĭn jêh ri geh nau brah toyh: Mbu moh tâm rdâng đah Păng ƀiălah hôm dơi geh nau đăp mpăn?

Nau Mprơ Ơm 115:3

Brah Ndu he gŭ tâm klơ lĕ ndâr trôk; Păng ƀư lĕ rngôch nau Păng geh nau maak.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 47:2

Yorlah Brah Yêhôva Dŭt Prêh jêng khư bu klach yơk, Păng jêng Hađăch dŭt toyh ta klơ neh ntu.

Nau Mprơ Ơm 47:8

Brah Ndu chiă uănh lĕ rngôch bri dak, Brah Ndu gŭ ta klơ sưng hađăch kloh ueh Păng.

Nau Mprơ Ơm 54:1

Ơ Brah Ndu! Dăn tâm rklaih gâp ma amoh May, Ma nau brah May phat dôih nau di ăn ma gâp.

Nau Mprơ Ơm 62:11

Brah Ndu hŏ lah jêh du tơ̆, Gâp hŏ tăng jêh nau aơ bar tơ̆, Pô aơ nau brah jêng ndơ Brah Ndu.

Nau Ngluh Êjipt 3:6

Jêh nây Brah Ndu lah tay: “Gâp jêng Brah Ndu ma chô yau may, Brah Ndu Y-Abraham, Brah Ndu Y-Isăk, jêh ri Brah Ndu Y-Yakôb.” Y-Môis nking ro măt păng yorlah păng klach uănh saơ Brah Ndu.

Êsai 14:27

Yorlah Brah Yêhôva ma phung tahan hŏ dăp jêh Mbu nơm chalơi? Ti Păng yơr jêh Mbu nơm dơi rhuăt lơi?

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Yêrêmi 49:19

Nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ, Ƀât lât Gâp mra ƀư ăn ma phung Êđôm nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Daniel 4:17

Dôih nây luh tă bơh phung gak, Jêh ri nau ntăm aơ luh tă bơh nau nơm kloh ueh, Gay lĕ rngôch bunuyh dơi gĭt Nơm Dŭt Prêh Klơ chiă uănh ƀon bri hađăch kon bunuyh; Păng ăn ma mbu nơm păng ŭch Jêh ri mra n'hao bunuyh jê̆ lĕ lơn ăn chiă uănh.’

Daniel 4:25

Bu mra nsot may tă bơh kon bunuyh jêh ri may mra gŭ ndrel mpô mpa bri tâm ndrêch. Bu mra ăn may sa gơ̆ nâm bu ndrôk jêh ri mra bĕ ma dak ngom bơh trôk; pơh gưl yan mra rgăn ta hađăch kŏ tât hađăch gĭt pô aơ Nơm Dŭt Prêh chiă uănh ƀon bri hađăch kon bunuyh jêh ri Păng ăn ma mbu nơm tĭng nau mĭn Păng ŭch.

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Mathay 6:9

Pôri, ăn khân may mbơh sơm pô aơ: ‘Ơ Mbơ̆ hên gŭ tâm trôk ơi; Ăn amoh May bu yơk ma nau kloh ueh.

Kôranh Oh Mon 11:17

Pôri, tơlah Brah Ndu ăn ma khân păng du nau yô̆ tâm ban Păng ăn ma he nôk he chroh jêh ma Brah Yêsu Krist, pô ri mbu gâp jêng dĭng janh buay Brah Ndu?”

Samƀŭt Pôl Njuăl Ăn Ma Phung Nsing Ta Ƀon Rôm 9:19

Pôri khân may mra ôp gâp pô aơ: “Tơlah pônây mâm ƀư Brah Ndu hôm nduyh? Yorlah mbu nơm dơi tâm rdâng đah nau Păng ŭch?”

Nau Vay Nkah Tay 4:39

Pôri nar aơ ăn khân may gĭt jêh ri djôt prăp hom tâm nuih n'hâm khân may pô aơ, tâm trôk ta klơ jêh ri ta neh ntu tâm dâng, Brah Yêhôva jêng Brah Ndu, mâu hôm geh nơm êng ôh.

Yôsuê 2:11

Tơlah hên tăng jêh nau nây nuih n'hâm hên uh ah, tâm phung hên mâu hôm geh nơm nâp tanăp khân may; yorlah Yêhôva Brah Ndu khân may jêng Brah Ndu nơm gŭ klơ trôk dŭt prêh jêh ri gŭ tâm dâng neh aơ.