II Nau Rêh Jêng 20:27 - Nau Brah Ndu Ngơi 2023

²⁷ Lĕ rngôch phung Yuđa jêh ri phung gŭ tâm ƀon Yêrusalem, bơh Y-Jôsaphat hăn lor panăp, plơ̆ sĭt rlet ƀon Yêrusalem ma nau răm maak, yorlah Brah Yêhôva hŏ ƀư ăn ma khân păng hâk răm, yor ma phung rlăng khân păng lĕ roh rai jêh.

II Nau Rêh Jêng 20:27 ပူးပေါင်းရင်းမြစ်များ

II Nau Rêh Jêng 20:26

Tât nar rơh puăn, khân păng tâm rƀŭn tâm rlŭng Bêraka, jêh ri tâm rnê ma Brah Yêhôva ta nây; yor nây, bu ntơ ntŭk nây jêng rlŭng Bêraka kŏ tât ta nar aơ.

II Nau Rêh Jêng 20:28

Khân păng sĭt ma ƀon Yêrusalem jêh ri tât ta ngih Brah Yêhôva tâm bâr gong rêng, uh n'hôm jêh ri bâr nŭng.

Nêhêmi 12:43

Tâm nar nây, khân păng nhhơr lĕ ndơ ƀư brah nau khư yơk jêh ri bêng nau răm maak, yorlah Brah Ndu ƀư ăn khân păng răm rhơn. Phung bu ur jêh ri kon se răm maak tâm ban lĕ. Nau răm maak tă bơh Yêrusalem bu tăng lư tât ntŭk ngai.

Nau Mprơ Ơm 20:5

Hên răm rhơn yorlah dơi rklaih may, Tâm amoh Brah Ndu, hên n'hao prêh n'ha kơ hên. Dăn Brah Yêhôva ƀư dơi jêng lĕ nau hađăch vah vơl.

Nau Mprơ Ơm 30:1

Ơ Kôranh Brah! Gâp tâm rnê Păng yorlah Păng chông gâp hao, Mâu ăn ôh phung rlăng răm maak yor gâp.

Êsai 35:10

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter răm rhơn; Nau hâk răm n'ho ro mra gŭ ta klơ bôk khân păng. Khân păng mra bêng nau maak, Jêh ri nau rngot lŭng nter mra roh lĕ.

Êsai 51:11

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter. Nau maak n'ho ro mra gŭ ta klơ bôk khân păng, Khân păng mra geh nau răm maak; Nau rngot jêh ri nau vơl nđor mra roh lĕ.

Êsêkiêl 46:10

Hađăch ndrel phung ƀon lan mra hăn lăp du tơ̆ jêh ri tơlah phung ƀon lan du luh hađăch ăt du luh đŏng.

Mika 2:13

Bunuyh pơk trong mra hao panăp khân păng; Khân păng ƀư rai pêr, rduh ran lăp ta mpông ƀon; Hađăch khân păng mra hăn rgăn panăp măt khân păng, Jêh ri Brah Yêhôva mra hăn lor.

ហេឞ្រើ 6:20

jêng ntŭk Brah Yêsu, Nơm Lor Pa Năp, hăn lăp yor ma he, jêh ri jêng kôranh ƀư brah toyh lơn n'ho ro tĭng mpôl Mêlkisedek.

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”

I Samuel 2:1

Rnôk nây H'Anna mbơh sơm: “Nuih n'hâm gâp hâk răm ngăn tâm Brah Yêhôva, Tă bơh Brah Yêhôva, n'hâm suan gâp dăng ktang. Trôm mbung gâp gơm mưch ma phung rlăng gâp; Yorlah nau May tâm rklaih ƀư ma gâp răm rhơn.