II Nau Rêh Jêng 20:21 - Nau Brah Ndu Ngơi 2023

²¹ Hađăch tâm chră jêh đah phung ƀon lan jêh ri păng dơm phung mprơ gay mât ton ma Brah Yêhôva. Khân păng nsoh ao kloh ueh, n'ho chuat panăp phung tahan n'ho tâm rnê Brah Ndu pô aơ: “Tâm rnê lah ueh hom ma Brah Yêhôva, Yorlah nau ueh Păng hôm e tât ƀaƀơ n'ho ro.”

II Nau Rêh Jêng 20:21 ပူးပေါင်းရင်းမြစ်များ

I Nau Rêh Jêng 16:29

Nau chrêk rmah ma Brah Yêhôva tâm di ma amoh Păng, Djôt leo hom ndơ nhhơr hao panăp Păng; Nkrơ̆ hom ma nau kloh ueh gay yơk mbah ma Brah Yêhôva.

I Nau Rêh Jêng 16:34

Tâm rnê hom ma Brah Yêhôva, yorlah Păng jêng ueh; Nau ueh Păng hôm ƀaƀơ n'ho ro.

I Nau Rêh Jêng 16:41

Ndrel ma khân păng geh Y-Hêman, Y-Jêduthun jêh ri phung êng bu săch prăp ma kan tâm rnê ma Brah Yêhôva, yorlah nau ueh Păng geh kŏ tât ƀaƀơ n'ho ro.

II Nau Rêh Jêng 30:21

Phung ƀon lan Israel geh măt ta ƀon Yêrusalem, kah gĭt yơk nau Sa Piăng Let Mâu Geh Ndrui tâm pơh nar ma nau răm maak ngăn ngên. Tâm nôk nĕ, phung Lêvi, phung kôranh ƀư brah mprơ tâm rnê ma Brah Yêhôva nar aơ tât nar ri đah lĕ gong rlet.

II Nau Rêh Jêng 5:13

Phung uh nŭng nđâp ma phung mprơ ăn bu iăt khân păng tâm rnglăp tâm ban du huê, mât ton tâm rnê ma Brah Yêhôva. Khân păng mprơ ndrel nđâp ma bâr nŭng, bâr rgu dang nteh ăn huy, jêh ri lĕ gong êng, jêh ri mât ton ma Brah Yêhôva pô aơ: “Yorlah Kôranh Brah jêng ueh, Nau ueh Păng hôm tât ƀaƀơ n'ho ro!” Nôk nây, ngih Brah Yêhôva geh bêng tŭk

II Nau Rêh Jêng 7:3

Lĕ rngôch phung ƀon lan Israel saơ da dê ŭnh tă klơ jêh ri nau chrêk rmah Brah Yêhôva bêng ngih brah. Khân păng păn ta neh, nkŭp muh măt ta klơ mbon ngih, yơk mbah jêh ri tâm rnê ma Brah Yêhôva pô aơ: “Yorlah Kôranh Brah jêng ueh, Nuih n'hâm ueh Păng hôm gŭ ƀaƀơ n'ho ro!”

II Nau Rêh Jêng 7:6

Phung kôranh ƀư brah gŭ dâk tâm ntŭk khân păng. Bi phung Lêvi djôt gong dŏng ma Brah Yêhôva, jêng ndơ hađăch Đavit hŏ ƀư jêh gay tâm rnê ma Brah Yêhôva, ăp tơ̆ Y-Đavit ntĭnh ma khân păng tâm rnê: “Yorlah nuih n'hâm ueh Păng hôm ƀaƀơ n'ho ro!” Phung kôranh ƀư brah uh nŭng tanăp măt khân păng, jêh ri lĕ rngôch phung Israel gŭ dâk.

Nêhêmi 12:27

Tâm nar nau rƀŭn nhhơr lĕ mpêr ƀon Yêrusalem, bu prơh bunuyh kuăl phung Lêvi gŭ lam ntŭk, gay leo khân păng hăn rlet ƀon Yêrusalem, gay râng nau rƀŭn nhhơr tâm nau hâk răm, geh nau tâm rnê jêh ri bâr mprơ tâm rnê nđâp ma bâr ching ndrup tâm nchâm, gong rêng jêh ri gong rêng kreh.

Nau Mprơ Ơm 106:1

Halêluya! Mprơ tâm rnê hom ma Brah Yêhôva, yorlah Păng jêng ueh, Nau ueh Păng hôm ƀaƀơ n'ho ro.

Nau Mprơ Ơm 107:1

Tâm rnê lah ueh hom ma Brah Yêhôva yorlah Păng jêng ueh; Nau ueh Păng hôm ƀaƀơ n'ho ro.

Nau Mprơ Ơm 18:4

Rse nau khĭt nchueng jŭm gâp, Lĕ dak thăng nau rai yot ƀư ăn gâp klach krit.

Nau Mprơ Ơm 29:2

Yơk mbah Brah Yêhôva ma nau chrêk rmah khư ma amoh Păng; Nkrơ̆ hom ma nau kloh ueh gay ma yơk mbah Brah Yêhôva.

Nau Mprơ Ơm 50:2

Bơh Siôn ueh reh rah vah ngăn, Brah Ndu nchrat ang jêh.

Nau Mprơ Ơm 90:17

Ăn nau yô̆ May jêng Brah Ndu phung hên ƀư tŭp ta klơ hên; Dăn May ƀư nâp nau kan ti phung hên; Di yơh, dăn ƀư nâp nau kan ti phung hên.

Nau Mprơ Ơm 96:9

Nkrơ̆ hom ma nau kloh ueh jêh ri yơk mbah ma Brah Yêhôva; Ơ lĕ rngôch phung ta neh ntu, râm nsâr hom tanăp Păng.

Nau Hôr 11:14

Mâu geh kôranh chiă uănh, phung ƀon lan mra rlâm tŭp, Ƀiălah yor geh âk phung kơl nchră păng dơi geh nau đăp rmên.

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.