II Nau Rêh Jêng 20:19 - Nau Brah Ndu Ngơi 2023

¹⁹ Phung Lêvi jêng noi Kôhat jêh ri noi Kôra dâk da dê tâm rnê ma Yêhôva Brah Ndu Israel ma bâr ngơi huy ngăn.

II Nau Rêh Jêng 20:19 ပူးပေါင်းရင်းမြစ်များ

I Nau Rêh Jêng 16:42

Y-Hêman jêh ri Y-Jêduthun geh nŭng, rgu dang nteh ăn huy jêh ri lĕ gong êng gay tâm rnê ma Brah Ndu. Bi phung kon bu klâu Y-Jêduthun ƀư kan mât njrăng mpông pêr.

I Nau Rêh Jêng 16:5

Y-Asap jêng kôranh, Y-Sakari jêng nơm rơh bar, jêh nây geh Y-Jêhiêl, Y-Sêmiramôt, Y-Jêliêl, Y-Matithia, Y-Êliap, Y-Bênaya, Y-Ôbet-Êđôm, jêh ri Y-Jêiêl; khân păng geh kan kreh lĕ gong tâm ban gong rêng jêh ri gong rêng loih, bi Y-Asap rgu dang nteh ăn huy ngăn.

I Nau Rêh Jêng 23:5

puăn rbăn bunuyh mât njrăng mpông pêr, jêh ri puăn rbăn bunuyh tâm rnê ma Brah Yêhôva ma gong Y-Đavit hŏ ƀư jêh prăp ma kan tâm rnê Kôranh Brah.

II Nau Rêh Jêng 20:18

Y-Jôsaphat păn muh măt ta neh. Lĕ rngôch phung Yuđa jêh ri phung gŭ tâm ƀon Yêrusalem păn muh măt da dê panăp Brah Yêhôva yơk mbah ma Păng.

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

II Nau Rêh Jêng 5:13

Phung uh nŭng nđâp ma phung mprơ ăn bu iăt khân păng tâm rnglăp tâm ban du huê, mât ton tâm rnê ma Brah Yêhôva. Khân păng mprơ ndrel nđâp ma bâr nŭng, bâr rgu dang nteh ăn huy, jêh ri lĕ gong êng, jêh ri mât ton ma Brah Yêhôva pô aơ: “Yorlah Kôranh Brah jêng ueh, Nau ueh Păng hôm tât ƀaƀơ n'ho ro!” Nôk nây, ngih Brah Yêhôva geh bêng tŭk

Nêhêmi 9:4

Rnôk nây Y-Jêsua, Y-Bani, Y-Katmiêl, Y-Sêbania, Y-Buni, Y-Sêrêbia, Y-Bani, jêh ri Y-Kênai dâk ta klơ gre prăp ma phung Lêvi jêh ri kuăl dăn bâr huy ma Yêhôva Brah Ndu khân păng.

Nau Mprơ Ơm 44:1

Ơ Brah Ndu, trôm tôr hên tăng, Phung chô yau hên hŏ nkoch jêh Kan May ƀư jêh tâm rnôk khân păng Ntơm bơh kăl e.

Nau Mprơ Ơm 49:1

Hơi lĕ rngôch phung ƀon lan, iăt hom nau aơ; Hơi lĕ rngôch bunuyh gŭ tâm neh ntu, rkêng tôr iăt hom.

Nau Mprơ Ơm 81:1

Sŏk hom bâr mprơ ăn huy ma Brah Ndu jêng nau dăng ktang phung he; Răm maak hom đah bâr mprơ ma Brah Ndu Yakôb.

Nau Ngluh Êjipt 6:24

Lĕ phung kon bu klâu Y-Kôra jêng: Y-Asir, Y-Êlkana, jêh ri Y-Abiasap. Nây jêng ndŭl mpôl Y-Kôra.