II Nau Rêh Jêng 20:14 - Nau Brah Ndu Ngơi 2023

¹⁴ Nôk nây ta nklang phung tâm rƀŭn, Huêng Brah Yêhôva jŭr gŭ ta Y-Jahasiêl, kon bu klâu Y-Sakari, sau Y-Bênaya, se Y-Jêiêl, săn Y-Matania, jêng bunuyh Lêvi bơh noi deh Y-Asap.

II Nau Rêh Jêng 20:14 ပူးပေါင်းရင်းမြစ်များ

I Nau Rêh Jêng 12:4

Y-Ismaya ta Gibêôn, jêng du huê tâm pe jât tahan janh ktang jêh ri kôranh chiă uănh toyh khân păng; Y-Yêrêmi; Y-Jahasiêl; Y-Jôhanan; Y-Jôsaƀat ta Gêdêra;

II Nau Rêh Jêng 15:1

Brah Huêng Brah Ndu gŭ ndrel ma Y-Asaria, kon bu klâu Y-Ôdet.

II Nau Rêh Jêng 20:13

Lĕ rngôch phung Yuđa, nđâp phung ur, phung kon se, gŭ dâk panăp Brah Yêhôva da dê.

II Nau Rêh Jêng 24:20

Huêng Brah Brah Ndu tât Y-Sakari, kon bu klâu kôranh ƀư brah Y-Jêhôida. Păng gŭ tanăp phung ƀon lan jêh ri lah: “Brah Ndu lah: ‘Mâm ƀư khân may ƀư tih nau vay Brah Yêhôva ntăm? Khân may mâu mra dơi jêng yorlah khân may hŏ chalơi Brah Yêhôva, jêh ri Brah Yêhôva lĕ chalơi jêh khân may tâm ban lĕ.’ ”

Êsai 58:9

Rnôk nây, khân may kuăl, Brah Yêhôva mra plơ̆ sĭt lah; May kuăl rklaih, Păng mra lah: ‘Aơ ta aơ Gâp!’ Tơlah may mƀăr lơi mâng mbăk bơh khân may, Mâu tâm rlăch jêh ri mâu ngơi nau janh ƀai;

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Nau Kơp Bunuyh 24:2

Y-Balaam n'gơr uănh, păng saơ Israel ndâk ngih bok tĭng nâm ăp ndŭl mpôl, Huêng Brah Brah Ndu văch gŭ ta păng

Kôranh Oh Mon 10:31

jêh ri lah: ‘Hơi Kôrnei, Brah Ndu tăng jêh nau may mbơh sơm jêh ri Păng kah gĭt ma nau may ăn yô̆ ma bu.

Kôranh Oh Mon 10:4

Păng klach ntrâng uănh ta tông mpăr Brah Ndu jêh ri ơh: “Ô Kôranh Brah, moh nau geh?” Tông mpăr plơ̆ lah: “Nau may mbơh sơm jêh ri ndơ may ăn yô̆ hao tât ta Brah Ndu jêh ri Brah Ndu kah gĭt nau nây.