II Nau Rêh Jêng 20:12 - Nau Brah Ndu Ngơi 2023

¹² Ơ Brah Ndu hên! Mâu di hĕ May mra phat dôih khân păng? Yorlah hên mâu tŏng nau ktang gay tâm rdâng đah phung tahan âk râk dôl văch lơh hên. Hên mâu gĭt ôh mâm mra ƀư, ƀiălah măt hên gŭ uănh ma May!”

II Nau Rêh Jêng 20:12 ပူးပေါင်းရင်းမြစ်များ

II Samuel 14:11

Bu ur lah: “Dăn ma hađăch kah gĭt ma Yêhôva Brah Ndu hađăch gay king lơi nơm har plơng ma mham lơi hôm ƀư tay nau tâm nkhĭt ôh, jêh ri khân păng mâu mra nkhĭt kon bu klâu gâp ôh.” Hađăch lah: “Nanê̆ tĭng nâm Brah Yêhôva gŭ rêh mro mrăng, mâu geh du rse sŏk kon bu klâu ay mra rŭng ôh ta neh!”

I Phung Hađăch 1:20

Hơi hađăch jêng kôranh gâp! Lĕ rngôch măt phung Israel rle uănh ma may, kâp uănh ma may mbơh ma khân păng gĭt mbu nơm mra gŭ ta sưng hađăch gay chiă uănh thoi ntrok may.

II Phung Hađăch 6:15

Phung oh mon bunuyh Brah Ndu kah rngăl ơm ôi jêh ri hăn luh du padih, saơ du phung tahan ndrel ma seh jêh ri ndeh seh dôl nchueng jŭm ƀon. Păng lah đah Y-Êlisê: “Hơi kôranh gâp! Mâm he mra ƀư?”

II Nau Rêh Jêng 20:13

Lĕ rngôch phung Yuđa, nđâp phung ur, phung kon se, gŭ dâk panăp Brah Yêhôva da dê.

Nau Mprơ Ơm 141:8

Ơ Yêhôva Kôranh Brah! Măt gâp kâp gân May, Gâp nde krap tâm May; lơi chalơi huêng gâp gŭ êng ôh.

Nau Mprơ Ơm 25:15

Măt gâp uănh ƀaƀơ mpeh ma Brah Yêhôva, Yor Păng mra rklaih jâng gâp luh tă bơh jal.

Nau Mprơ Ơm 43:1

Ơ Brah Ndu! Dăn phat dôih ma gâp, Jêh ri koh dŏng nau gâp tâm rdâng đah du huê phung mâu chroh; Tâm rklaih hom gâp Bơh phung bunuyh ndơm jêh ri djơh mhĭk.

Nau Mprơ Ơm 7:6

Ơ Brah Yêhôva, dăn dâk hom jêh ri ji nuih; Dăn tâm rdâng đah nau ji nuih ma phung rlăng gâp. Kah rngăl hom jêh ri kơl gâp; May hŏ nal jêh nau phat dôih.

Nau Mprơ Ơm 7:8

Brah Yêhôva phat dôih mpôl băl bunuyh. Ơ Brah Yêhôva, dăn phat dôih ma gâp tĭng nau sŏng srăng gâp Jêh ri tĭng nau kloh ta nuih n'hâm gâp.

Nau Mprơ Ơm 9:19

Ơ Brah Yêhôva, dâk hôm! Lơi ăn bunuyh tih dơi ôh; Ăn lĕ bri dak dơn nau phat dôih tanăp măt May.

Nau Mprơ Ơm 94:2

Ơ Kôranh jêng phat dôih ma neh ntu, Dâk hom har plơng khư ma phung sưr rlau.

Êsai 2:4

Păng mra ƀư nau phat dôih ta nklang lĕ bri dak, Jêh ri nkra dôih ma âk phung ƀon lan. Aƀaơ, khân păng mra sŏk đao chiăr njêng kau kai, Sŏk tak chiăr njêng nhuĕ. Bri dak aơ mâu mra tŏk đao lơh bri dak êng, Khân păng mâu lĕ hôm nti tay nau tâm lơh đŏng ôh.

Êsai 42:4

Păng mâu mra hŏt rgănh, mâu rdja nuih ôh Kŏ tât nôk Păng ndâk jêh nau di ta klơ neh ntu; Lĕ rngôch gôl dak mƀŭt mra kâp gân nau vay Păng.

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Yôel 3:12

“Lĕ bri dak du dâk hom, hăn hao tâm rlŭng Jôsaphat, Yorlah ta nây jêng ntŭk Gâp mra gŭ phat dôih lĕ rngôch phung mpôl băl bunuyh gŭ jŭm.

Yônais 2:4

May hŏ mƀăr jêh gâp tâm brŏng jru Tâm dâng blat dak mƀŭt Jêh ri n'hor dak toyh nkŭm jŭm gâp. Lĕ rngôch mpiăt dak jêh ri dak rbuh May rgăn Văch nkŭm ta klơ gâp da dê.

Nau Vay Nkah Tay 32:36

Ƀiălah tơlah Brah Yêhôva saơ n'hâm suan dăng bơh phung ƀon lan păng huănh hươi jêh, Bunuyh dĭk bu, nơm kon me lĕ roh jêh, Pôri Păng mra phat dôih tâm nau sŏng ma khân păng Jêh ri geh nau yô̆ ma phung oh mon Păng.

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.

Phung Kôranh Phat Dôih 11:27

Pôri, gâp mâu geh ƀư tih ôh đah may, ƀiălah may ƀư mhĭk gay tâm lơh đah gâp. Dăn Brah Yêhôva, jêng Nơm phat dôih, nar aơ phat dôih ta nklang phung ƀon lan Israel jêh ri phung ƀon lan Ammôn!”

I Samuel 14:6

Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”

I Samuel 3:13

Gâp mbơh lor jêh pô aơ Gâp mra tâm rmal ngih Y-Êli ƀaƀơ tât n'ho ro, yorlah păng gĭt jêh nau tih geh nau rak rtăp ma phung kon bu klâu păng ƀiălah păng mâu buay ôh khân păng.