II Nau Rêh Jêng 20:10 - Nau Brah Ndu Ngơi 2023

¹⁰ Dôl phung ƀon lan Israel luh tă bơh n'gor Êjipt, May mâu ăn ôh khân păng hăn lăp tâm n'gor phung Ammôn, phung Môap jêh ri phung ta n'gor yôk Sêir, pôri phung Israel ndôn kơi tă bơh khân păng jêh ri mâu ƀư rai khân păng ôh.

II Nau Rêh Jêng 20:10 ပူးပေါင်းရင်းမြစ်များ

II Nau Rêh Jêng 20:1

Jêh nau nây, phung Môap jêh ri phung Ammôn, ndrel ma phung ƀaƀă Mêun hăn tĭng khân păng, n'hoch văch ŭch tâm lơh đah Y-Jôsaphat.

II Nau Rêh Jêng 20:22

Tơlah khân păng ntơm mprơ tâm rnê, Brah Yêhôva dơm du phung gŭ kâp dâp hăn lơh ma phung tahan dôl hăn lơh phung Yuđa jêng phung Ammôn, phung Môap jêh ri phung gŭ ta yôk Sêir, jêh ri ƀư ăn phung tahan nây roh rai.

Nau Mprơ Ơm 83:6

Lĕ ngih bok Êđôm jêh ri phung Ismaêl, Phung Môap jêh ri phung Hagrit,

Nau Mprơ Ơm 83:7

Phung Gêbal, phung Ammôn jêh ri phung Amalek, Phung Philistin đah phung gŭ tâm ƀon Tyre;

Amôt 1:11

Brah Yêhôva lah: “Yor nau tih mhĭk Êđôm ntop hôm ntop nau tih mhĭk Yor ri Gâp mâu rhuăt tay nau tâm rmal ma păng, Yorlah păng dŏng đao mprơh tĭng ntâp oh nâu khân păng nơm Mâu geh nau tâm yô̆; Păng djôt nau ji nuih n'ho ro, Jêh ri mât nau ji nuih tât n'ho ro.

Nau Vay Nkah Tay 2:19

Lah khân may tât dăch phung kon sau Ammôn, may lơi ôh tâm janh mâu lah rduh lơh khân păng, yorlah Gâp mâu mra ăn ôh n'gor phung Ammôn ma may jêng drăp ndơn. Gâp ăn jêh n'gor nây ma phung kon sau Y-Lot jêng drăp ndơn khân păng jêh.’

Nau Vay Nkah Tay 2:9

Brah Yêhôva lah tay ma gâp: ‘Lơi ƀư jêr mâu lah tâm lơh đah phung Môap jêng kon sau Y-Lot, yorlah Gâp mâu mra ăn ôh ma khân may du gâl tâm neh khân păng gay ƀư drăp ndơn khân may. Gâp ăn jêh ƀon Ar jêng drăp ndơn ma phung kon sau Y-Lot.’