II Nau Rêh Jêng 2:6 - Nau Brah Ndu Ngơi 2023

⁶ Ƀiălah, mbu nơm dơi ndâk ngih brah ma Păng? Yorlah lĕ ndâr trôk, nđâp ma lĕ ndâr trôk ta klơ dŭt prêh mâu dơi đŏng tŏng prăp ma Păng! Pônây, mbu nơm gâp jêng, dĭng dơi ndâk du mlâm ngih brah ăn Kôranh Brah? Knŏng ŭch ndâk du mlâm ngih brah prăp gŭch ndơ ƀâu kah tanăp Păng rĭ dơm.

II Nau Rêh Jêng 2:6 ပူးပေါင်းရင်းမြစ်များ

II Samuel 7:18

Hađăch Đavit hăn tât gŭ panăp măt Brah Yêhôva, jêh ri lah: “Hơi Kôranh Brah, Brah Yêhôva, mbu gâp jêng jêh ri mbu moh rnăk vâl gâp, dĭng May hŏ njŭn leo gâp tât ta ntŭk aơ?

I Phung Hađăch 7:13

Hađăch Salômôn prơh bunuyh hăn jă Y-Hiram tă bơh Tyre.

I Phung Hađăch 7:14

Păng jêng kon du huê bu ur ndrô tâm ndŭl mpôl Naptali, mbơ̆ păng jêng du huê bunuyh Tyre, jêng du huê gru chiăr kông. Y-Hiram blau ngăn, gĭt rbăng, jêh ri ti păng blau kan tâm lĕ kan ƀư ma kông. Păng văch tât ma hađăch Salômôn jêh ri ƀư lĕ nau kan hađăch jao ma păng.

I Phung Hađăch 8:27

Ƀiălah Brah Ndu geh gŭ ngăn lĕ tâm neh ntu? Ri, lĕ ndâr trôk, lĕ trôk tâm lĕ ndâr trôk mâu dơi đŏng tŏng prăp ma May, rlau lơn ma ngih brah gâp hŏ ndâk jêh ta aơ!

I Nau Rêh Jêng 22:15

Rlau lơn ma nĕ, may geh âk ngăn bunuyh pah kan, phung châm trah lŭ, phung ndâk lŭ, phung trah si, ăp ntil phung blau pah lĕ rngôch nau kan;

I Nau Rêh Jêng 29:14

Ƀiălah mbu gâp jêng jêh ri mbu phung ƀon lan gâp jêng dĭng hên dơi nhhơr ma nuih n'hâm lŏng tâm ban pô aơ? Yorlah lĕ rngôch ndơ luh bơh Kôranh Brah, jêh ri lĕ ndơ hên nhhơr ma May jêng ndơ May nơm.

II Nau Rêh Jêng 1:10

Pônây, dăn Kôranh Brah ăn ma gâp nau blau mĭn jêh ri nau gĭt rbăng, gay gâp dơi luh lăp tanăp phung ƀon lan aơ. Yorlah mbu nơm geh tŏng nau dơi chiă uănh phung ƀon lan Kôranh Brah, du phung ƀon lan toyh dŭt âk râk ngăn?”

II Nau Rêh Jêng 6:18

Ƀiălah ngăn lĕ! Brah Ndu geh gŭ ndrel ma bunuyh tâm neh ntu aơ? Ri, trôk, jêh ri lĕ ndâr trôk ta klơ dŭt prêh mâm dĭng mâu dơi tŏng prăp ma Kôranh Brah, rlau lơn ma ngih brah gâp hŏ ndâk jêh ta aơ!

Nau Ngluh Êjipt 3:11

Ƀiălah Y-Môis lah ma Brah Ndu: “Mbu gâp jêng kŏ gâp janh tât ta Pharaôn, jêh ri njŭn leo phung kon Israel luh bơh n'gor Êjipt?”

Nau Ngluh Êjipt 31:5

chrăk klơ lŭ, nsêr lŭ khlay jêh ri trah si tâm lĕ kan ƀư ma ti.

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Yêrêmi 23:24

Brah Yêhôva lah: “Mbu dơi nde krap păng nơm tâm ntŭk ndâp gay Gâp mâu dơi saơ lĕ?” Brah Yêhôva lah đŏng: “Mâu di hĕ Gâp mpơl ăp ntŭk, ăp lĕ ndâr trôk jêh ri neh ntu hĕ?

II Kôrintô 2:16

Ma phung bunuyh geh nau rai yot, hên jêng ndơ ƀâu nau khĭt, njŭn leo tât nau khĭt; ma phung bunuyh geh nau tâm rklaih, hên jêng ƀâu nau rêh, njŭn leo tât nau rêh. Mbu nơm jêng bunuyh dơi ƀư lĕ nau aơ?

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Nau Vay Nkah Tay 12:11

Nôk nây mra geh du ntŭk Yêhôva Brah Ndu khân may mra săch an gay amoh Păng gŭ ta nây jêh ri jêng ntŭk khân may mra njŭn lĕ rngôch ndơ gâp hŏ ntĭnh ma khân may tâm ban ndơ ƀư brah gŭch, lĕ mpa ƀư brah, tê̆ pi du kô̆ tâm jât, ndơ nhhơr yơr, jêh ri lĕ ndơ nhhơr ƀư nanê̆ nau ton bơh khân may ton nhhơr ma Brah Yêhôva.

Nau Vay Nkah Tay 12:14

ƀiălah ăn khân may nhhơr ndơ ƀư brah gŭch ta ntŭk Brah Yêhôva săch tă bơh tâm du ndŭl mpôl khân may, jêh ri ta nây khân may mra ƀư tĭng kơt lĕ nau gâp ntăm ma khân may.

Nau Vay Nkah Tay 12:26

Bi ma mpô mpa khân may hŏ prăp êng jêh jêng mpa kloh ueh mâu lah lĕ ndơ nhhơr ƀư nanê̆ nau ton, pôri ăn khân may djôt leo tât ta ntŭk Brah Yêhôva hŏ săch jêh,