II Nau Rêh Jêng 2:5 - Nau Brah Ndu Ngơi 2023

⁵ Gâp ntơm ndâk ngih brah jêng toyh ueh ngăn ngên, yorlah Brah Ndu hên jêng toyh lơn ma lĕ rngôch brah.

II Nau Rêh Jêng 2:5 ပူးပေါင်းရင်းမြစ်များ

I Phung Hađăch 8:27

Ƀiălah Brah Ndu geh gŭ ngăn lĕ tâm neh ntu? Ri, lĕ ndâr trôk, lĕ trôk tâm lĕ ndâr trôk mâu dơi đŏng tŏng prăp ma May, rlau lơn ma ngih brah gâp hŏ ndâk jêh ta aơ!

I Phung Hađăch 9:8

Nđâp tơlah nar aơ ngih brah aơ toyh ueh ngăn ngên ƀiălah păng mra rlâm rai, lĕ rngôch bunuyh hăn rgăn ta ngih aơ mra hih rhâl ngăn, gơm mpray jêh ri lah: ‘Mâm dĭng Brah Yêhôva hŏ ƀư jêh ăn ma n'gor bri aơ jêh ri ma ngih aơ kơt nây?’

I Nau Rêh Jêng 16:25

Yorlah Brah Yêhôva dŭt toyh, khư ngăn ma bu mprơ tâm rnê, Păng khư ngăn ma bu klach yơk rlau lơn ma lĕ rngôch brah.

I Nau Rêh Jêng 29:1

Y-Đavit lah ma lĕ rngôch phung tâm rƀŭn: “Y-Salômôn, kon gâp, knŏng êng păng Brah Ndu hŏ săch jêh, hôm ndăm jêh ri hom pưt nau gĭt mĭn, jêh ri kan jêng toyh; yorlah ngih brah nây mâu di ndâk ma bunuyh ôh, ƀiălah mra prăp ma Yêhôva Brah Ndu.

I Nau Rêh Jêng 29:14

Ƀiălah mbu gâp jêng jêh ri mbu phung ƀon lan gâp jêng dĭng hên dơi nhhơr ma nuih n'hâm lŏng tâm ban pô aơ? Yorlah lĕ rngôch ndơ luh bơh Kôranh Brah, jêh ri lĕ ndơ hên nhhơr ma May jêng ndơ May nơm.

II Nau Rêh Jêng 2:9

gay nkra tơm si ăn âk râk ngăn ma gâp, yorlah ngih brah gâp ŭch ndâk jêng toyh dŭt ueh ngăn jêh ri lơp rmah mha ngăn ngên.

II Nau Rêh Jêng 29:11

Ơ phung kon bu klâu gâp ơi, lơi ta brơl rlach ôh! Yorlah Brah Yêhôva hŏ săch jêh khân may jêng oh mon Păng gay gŭ dâk panăp Păng, pah kan jêh ri su ndơ ƀâu kah ma Păng.”

II Nau Rêh Jêng 6:18

Ƀiălah ngăn lĕ! Brah Ndu geh gŭ ndrel ma bunuyh tâm neh ntu aơ? Ri, trôk, jêh ri lĕ ndâr trôk ta klơ dŭt prêh mâm dĭng mâu dơi tŏng prăp ma Kôranh Brah, rlau lơn ma ngih brah gâp hŏ ndâk jêh ta aơ!

Nau Mprơ Ơm 135:5

Gâp gĭt Brah Yêhôva jêng dŭt toyh, Kôranh Brah he ta klơ lơn ma lĕ rngôch brah.

Nau Mprơ Ơm 145:3

Brah Yêhôva jêng dŭt toyh jêh ri khư ma nau tâm rnê; Nau dŭt toyh Păng mâu dơi veh ôh.

Nau Mprơ Ơm 148:4

Hơi trôk tâm lĕ ndâr trôk, Hơi phung tu dak gŭ ta klơ lĕ ndâr trôk, Tâm rnê hom ma Păng!

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Nau Ngluh Êjipt 18:11

Aƀaơ gâp gĭt jêh Brah Yêhôva toyh lơn ma lĕ rngôch brah, yorlah dôl phung Êjipt ƀư mhĭk ma phung ƀon lan Păng ma nau dŭt sưr yor ri Păng dơi lơh khân păng.”

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Yêrêmi 10:6

“Ơ Brah Yêhôva, mâu geh nơm dơi tâm rđĭl đah May! May toyh ngăn ngên, Amoh May dŭt prêh brah toyh.

Êsêkiêl 7:20

Đơ ndơ nkrơ̆ săk ƀư ăn ma nau sưr khân păng jêh ri khân păng dŏng ndơ nây ƀư lĕ rup brah mhĭk jêh ri ndơ tâm rmot. Yor nây, Gâp hŏ ƀư ăn ndơ nây jêng ndơ ƀơ̆ ƀơch ma khân păng!

I Timôthê 6:15

jêng nau Nơm Chiă Uănh ueh maak ngăn jêh ri knŏng nguay, jêng Hađăch ma phung hađăch, Kôranh Brah ma lĕ phung kôranh Brah mra mpơl tâm di ma nôk Păng tâm nal,