II Nau Rêh Jêng 2:4 - Nau Brah Ndu Ngơi 2023

⁴ Nar aơ, gâp ntơm ndâk du mlâm ngih brah ma amoh Yêhôva Brah Ndu gâp, prăp êng ngih brah nây jêng kloh ueh ma Păng, gay gŭch ndơ ƀâu kah panăp Păng, nhhơ piăng let nhhơr ƀaƀơ, nhhơr ndơ ƀư brah gŭch ăp kêng ôi jêh ri kêng mhaơ, tâm nar lĕ saƀat, nar rƀŭn khay mhe, mâu lah lĕ nar rƀŭn Yêhôva Brah Ndu ma hên. Nây jêng lĕ du nau vay rƀŭn n'ho ro ma phung Israel.

II Nau Rêh Jêng 2:4 ပူးပေါင်းရင်းမြစ်များ

I Phung Hađăch 5:5

Yor ri, gâp ŭch ƀư du mlâm ngih brah ma amoh Yêhôva Brah Ndu gâp, tĭng nâm Brah Yêhôva hŏ ntĭnh jêh ma Y-Đavit, mbơ̆ gâp pô aơ: ‘Kon bu klâu may, Gâp mra dơm ta sưng hađăch chiă uănh thoi ntrok may, mra ndâk du mlâm ngih brah ma amoh Gâp.’

I Phung Hađăch 8:18

Ƀiălah Brah Yêhôva lah jêh ma Y-Đavit, mbơ̆ gâp, pô aơ: ‘May geh nau mĭn ŭch ndâk du ngih brah ma amoh Gâp jêng nau ueh.

I Phung Hađăch 8:63

Y-Salômôn nhhơr mpa ƀư brah ma Brah Yêhôva, geh bar rmưn bar rbăn mlâm ndrôk jêh ri du rsen bar rmưn biăp nkuăng ƀư ndơ ƀư brah ma nau đăp mpăn. Pônây, hađăch jêh ri lĕ rngôch phung ƀon lan Israel nhhơr ngih brah ma Brah Yêhôva.

I Nau Rêh Jêng 22:5

Y-Đavit lah: “Y-Salômôn, kon bu klâu gâp, hôm ndăm jêh ri ê hŏ blau kan, ƀiălah ngih brah mra ndâk ma Brah Yêhôva toyh ngăn ngên, chrêk rmah jêh ri lư n'găr lam bri dak. Pônây, gâp mra ndrăp ma păng.” Yor ri, Y-Đavit ndrăp âk ngăn ndơ dŏng êlor păng khĭt.

II Nau Rêh Jêng 13:11

Ăp ôi ơm jêh ri mhaơ, khân păng nhhơr ndơ ƀư brah gŭch jêh ri gŭch ndơ ƀâu kah ma Brah Yêhôva. Khân păng dăp đŏng piăng let nhhơr ta klơ nơng mah kloh, mpoh lĕ ŭnh kađen ta klơ jâng kađen mah ang mro tâm ăp măng. Yorlah hên djôt prăp nau Yêhôva Brah Ndu hên ntăm jêh, bi khân may lĕ chalơi jêh.

II Nau Rêh Jêng 2:1

Y-Salômôn ntĭnh ndâk ngih brah ma amoh Brah Yêhôva jêh ri ndâk ngih hađăch ma păng nơm.

Nêhêmi 10:33

piăng let nhhơr, ndơ ƀư brah rnih môi ƀaƀơ, ndơ ƀư brah gŭch nhhơr ƀaƀơ, ndơ ƀư brah nhhơr tâm nar saƀat, tâm nar tal nguay jêh ri lĕ nau rƀŭn, nau rƀŭn nhhơr kloh ueh, jêh ri ndơ ƀư brah chuai nau tih ma phung Israel jêh ri lĕ rngôch nau kan tâm ngih Brah Ndu hên.

Nau Mprơ Ơm 86:8

Ơ Kôranh Brah! Tâm lĕ rngôch brah mâu geh nơm tâm ban ma May, Mâu geh lĕ nau kan tâm ban ma nau kan May.

Nau Mprơ Ơm 96:4

Yorlah Brah Yêhôva dŭt toyh, khư ngăn ma bu mprơ tâm rnê, Păng khư ngăn ma bu klach yơk rlau lơn ma lĕ rngôch brah.

Nau Ngluh Êjipt 25:30

Ta klơ mpan nây ăn may dơm piăng let nhhơr tanăp măt Gâp ƀaƀơ.”

Nau Ngluh Êjipt 30:7

Ăp ôi, lah Y-Arôn nkra ŭnh kađen, păng mra su ndơ ƀâu kah ta klơ nơng ƀư brah.

Nau Hôr 7:20

Djôt leo dŭng prăk ndrel ma păng, Tât nôk bŏng khay mơ păng plơ̆ sĭt ta ngih.”